एफिसी 5:5 - जिरेल

⁵ ख्‍योकोनगी दि बात छ्या स्‍येबा खि। च्‍यि सासीन रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते थेमे लोभ खित्‍कान्‍ते मि सुङ था तिरी ख्रीष्‍टताङ परमेश्‍वर राज्‍यदु देताराङ मेङेदो। लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

एफिसी 5:5 Iomraidhean Croise

शक्ति काम 20:32

था ङा ख्‍योकोन गाङेला परमेश्‍वर लाःक्‍तुराङ सोम्‍पे खिओ। थेमे थेकी दया खिओ सिन छ्या स्‍येच्‍येते गा लाङच्‍येते बात ङेन्‍गीन देत सिनोङ सिओ। दोक खिन देत्‍सीन ख्‍योकोनगी प्रभु येशूला झन लेमु खाला विश्‍वास खिता थुप्‍क्‍यो। थेमे परमेश्‍वरगी सेम खुदुक जोबाते मि गाङेला तिरी तेरग्‍यो साबाते जति गाङे ख्‍योकोनलाङ तेरग्‍यो।

शक्ति काम 8:21

खोनी थोरूमोङ परमेश्‍वर छ्य्‌वापा लै खाबा मेताक्‍वा। खुई सेम लेमु मेताक्‍वा। खुईचेन परमेश्‍वर आत्‍मा तेरा थुप्‍च्‍येते शक्ति मेङेदो, ङ्योकोनगी खाबा च्‍योकराङ खित्‍च्‍येते खुईते छ्याःङ हकोङ मेत।

गलाती 5:19

दाक्‍पोन खुशीला ख्‍याम्‍कान्‍ते मिकी चुक चुक खिते सिन ङुरूङ गाङेला लेमु खाला छ्याराङ ओत। थोक्‍ते मिकीचेन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खिओ,

गलाती 5:21

थेमे मि जाला लोभ खिओ। दोस्‍यिककामा मेन, थे छ्याङ रक्‍सीकी जिला ख्‍याम्‍ग्‍यो, ज्‍येनताङ रूला भक्‍कुचूर सोला थुला मोज मज्‍जा खिओ थेमे होदोक्‍ते ज्‍येन ज्‍येन कामोङ खिओ। होदोक दोक खिन देत्‍कान्‍ते मि सुङ तिरी परमेश्‍वर राज्‍यने स्‍यूक्‍पा मेङेदो सिन ङे ख्‍योकोनला गोमाकाङ लेमु खाईन साबा ओत, लोक्‍ला थरिङोङ थोकराङ सिओ।

एफिसी 5:3

रन्‍डीबाजीताङ होदि च्‍योक्‍ते खिता मेङच्‍येते ङोचा लाङच्‍येते काम थेमे लोभ खित्‍च्‍येतेनी बातराङ थोङ, होदोक्‍ते कामगी बात समेदोङ ख्‍योकोनगी खिता मेङगो। परमेश्‍वर सन्‍तानगी होदोक्‍ते बात खिताराङ सोई मिक्‍किओ।

कलस्‍सी 1:13

थेकीराङ ङुरूङला मुन्‍दाक राज्‍य गेल्‍बो शैतान लाःक्‍तुकी टाल्‍गीन थे खोरोङ ङिङज्‍येते फुज्‍युङ राज्‍यदु खुलाबा ओत।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

१ तिमोथी 6:10

च्‍यिला सासीन पैसे लोभकी खित्‍सादुराङ मिकी जेसुकै मेलेबा काम खित्‍च्‍येते ईन। पैसे लोभला स्‍यूकीन कोई कोईकी येशू ख्रीष्‍टला विश्‍वास खाईन ङेन्‍दाते बात ङेन्‍दा ताङला दुक। थोक खाबेकी खित्‍सादु थेबा हत्तेरिका ङे च्‍यिला थोक खाताका सिराच्‍योक गाल्‍गीन थेबे सेम पीरताङ तापकी छोला दुक।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

छ्या स्‍ये च्‍युताते बात 21:8

तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।

छ्या स्‍ये च्‍युताते बात 22:15

थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।