एफिसी 5:4 - जिरेल

⁴ थोकराङ खाला ङोचा लाङच्‍येते फोर बात खित्‍च्‍येते, बिनसित्ति बात खित्‍च्‍येते थेमे ङोचा लाङच्‍येते बात खाला गुट्टी खित्‍च्‍येतेङ ख्‍योकोनगी खिता मेङगो। दोक खिता साटोला बरू ख्‍योकोनगी खेराङला लेमु खाबाते कामगी लाईदु परमेश्‍वरला धन्‍यवाद बिन।

एफिसी 5:4 Iomraidhean Croise

मर्कूस 7:22

थेमे लोभ खित्‍च्‍येते ईन। दोस्‍यिककामा मेन, ज्‍येनोङ मेलेबा मेलेबा काम खित्‍च्‍येते, मिला ठगे खित्‍च्‍येते, ङोचा लाङच्‍येते कामओन खित्‍च्‍येते, मिला डार खित्‍च्‍येते, ज्‍येनला मोत्‍च्‍येते, ङा ङाराङ ईन सिराच्‍योक खित्‍च्‍येते थेमे विचार मिक्‍किता खाला कामताङ बात खित्‍च्‍येते ईन।

यूहन्‍ना 6:23

थेजीनराङ तिबेरियास नाङपेकी वाबाते डुङ्गा काल्‍बेई थे समुन्‍द्रे छेउकी नाङला ख्‍योल्‍सुङ। थे समुन्‍द्रे छेउकी खादुराङ गोमे छोमु प्रभु येशूकी स्‍योबेनताङ ङ्ये लाईदु परमेश्‍वरला धन्‍यवाद बिन्‍नामेई मिओनला सा बिन्‍दा ओतान।

रोमी 1:28

दोस्‍यिककामा मेन, थेबेकी परमेश्‍वरगी साबाते च्‍यिला ङेन्‍च्‍येरो सिन थेला छ्याःङ वास्‍ता माक्‍याबेकी थेकी थेबाला खोपरोङ सेमला लाबा लाबा खिता मेङच्‍येते कामराङ खित्‍स्‍यीत सिन ताङसुङ।

२ कोरिन्‍थी 1:11

ख्‍योकोनगी ङ्योकोन लाईदु प्रार्थना खिनराङ देत। थोक खासीन मि काल्‍बेईकी खाबाते प्रार्थना ङेन्‍गीन परमेश्‍वरगी ङ्योकोनला थोक खाईन जोए खाबाते बात छ्या स्‍येला झन मि काल्‍बेईकी परमेश्‍वरला धन्‍यवाद तेरग्‍यो।

२ कोरिन्‍थी 9:15

सुङगीङ खिता मुथुप्‍च्‍येते काम खाईन ङुरूङला लेमु खाबे लाईदु परमेश्‍वरला ङुरूङ धन्‍यवाद सिइ।

एफिसी 1:16

ख्‍योकोनला सम्‍झे खिन ख्‍योकोन लाईदु थेला धन्‍यवाद तेरा ङे नोमुङ ताङा मेत।

एफिसी 4:29

थोकराङ खाला ख्‍योकोनगी दोक्‍पोईकी ज्‍येनज्‍यीक सेमला फोक्‍च्‍येते बात नोमुङ माकेत। बरू सु मिला च्‍यि बेलाला चुक सिरा लेमु ओङच्‍या दुका थे विचार खाला बात खि।

फिलिप्‍पी 4:6

थेमे छ्याःङ बातलाङ पीर माकेत। पीर मिक्‍किता खाला बरू दुक्‍पा किम्‍मु जस्‍तो ओङजीनोङ परमेश्‍वरला प्रार्थना खि। खेराङला च्‍यि गोकीका थेला नाङ सि। थोक खित्‍जीन खेराङला लेमु खाबे लाईदु थेला धन्‍यवाद सिरा नोमुङ टोक माज्‍येत।

कलस्‍सी 3:8

थाचेन ख्‍योकोनगी दोक दोक खिता थोङ। च्‍यि सासीन सुङताङ स्‍येदाङ माकेत, स्‍येदाङ फुङ मापुङ, मि छतिपति माक्‍युर, मि मामोत, फोर बात माकेत

१ थिस्‍सलोनिकी 3:9

ख्‍योकोनगी थोक खिनराङ ओतेकी ङ्योकोनला आउदी गा लासुङ। दि बातकी लाईदु ङ्योकोनगी ङुरूङ परमेश्‍वरला चुक सिन धन्‍यवाद तेरच्‍ये खोइ? थेलानी जतिराङ धन्‍यवाद बिन्‍सीनोङ नोमुङ मादाङो।

१ थिस्‍सलोनिकी 5:18

दुक्‍पा किम्‍मु जस्‍तो ओङजीनोङ परमेश्‍वरला धन्‍यवाद सि। येशू ख्रीष्‍टताङ जीउज्‍यीकराङ ओङाते मि ईन्‍देकी ख्‍योकोनगी होदोक दोक खित्‍स्‍यीत सिरच्‍येते परमेश्‍वर सेम ओत।

फिलेमोन 1:8

ख्रीष्‍टकी ङाला कोत्‍च्‍येते अधिकार बिन्‍दा ओतेकी खुई चुक खिता फाप्‍कीते सिन ङा खोल्‍ला कोता थुप्‍च्‍या ओतान। ईन्‍सीनोङ ङा थोक मिक्‍किओ।

हिब्रू 13:15

येशू ख्रीष्‍टकी थोक थोक खाबा ओतेकी गोमा पशु भोग बिन्‍दाच्‍योक खाला थाचेन ङुरूङगी सधैँभरि परमेश्‍वरते जय जय खिता फाप्‍क्‍यो। दोक खित्‍च्‍येतेचेन थेराङ दाक्‍पोन प्रभु परमेश्‍वर ईन सिन साला थेला धन्‍यवाद तेरच्‍येते ईन।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।

२ पत्रुस 2:7

थे सारओन थोक खाला नाश तोङे बेलाला सदोम सारदुराङ देता ओताते लोतलाचेन थेकी थेरूकी तेन्‍गीन जोए खाबा ओतान। लोत परमेश्‍वरगी खि साबा साबाच्‍योक खित्‍कान्‍ते मि ओतान। थे सारगी मिओनगी खिता मेङच्‍या आउदी मेलेबा मेलेबा ङोचा लाङच्‍या काम खाबा थोङजीन थेला आउदी मेलेबा लाबा ओतान।

यहूदा 1:10

ईन्‍सीनोङ ख्‍योकोन नाङ स्‍यूबाते होथे मिओनगीचेन खोपरोङगी छ्या मास्‍येबाते बात दोगोङ च्‍यि बात ईन्‍ताका सिन ठट्टाला पुरगीदुक। थेमे सो साकान्‍ते पशुकी च्‍योकराङ खाला कोई बातकीतेचेन खोपरोङगी जस्‍तो अर्थ खोकीदुक थोकराङ खाला ओङच्‍या मेङच्‍या काम खिदुक। थोक खाबेकी थेबे गोःनामा परमेश्‍वर सजाय फाप्‍क्‍यो।

यहूदा 1:13

दोस्‍यिककामा मेन, थेबाचेन जेसुकै फोर मैलो उरला खुलाङकान्‍ते समुन्‍द्रे छाल च्‍योक्‍ते ईन। समुन्‍द्रे छालगी उरगीन खुलाकीन समुन्‍द्रे छेउदु बाम्‍बाते फोर मैलोतेबा गाङे थोङा च्‍योकराङ होथेबेकी खाबाते मेलेबाते कामतेबाङ गाङेकी थोङगो। थेबा ग्‍वाका नामनेकी ङील्‍ला तोरला डोच्‍येते कार्मे क्‍याक्‍पा च्‍योक्‍ते ईन। होथोक्‍ते मिओनला सधैँभरि सजाय तेराला परमेश्‍वरगी नरककुण्‍डमा आउदी मुन्‍दाकज्‍यीक ठाउँ ठीक खाईन ज्‍याक्‍पा ओत।