एफिसी 5:3 - जिरेल3 रन्डीबाजीताङ होदि च्योक्ते खिता मेङच्येते ङोचा लाङच्येते काम थेमे लोभ खित्च्येतेनी बातराङ थोङ, होदोक्ते कामगी बात समेदोङ ख्योकोनगी खिता मेङगो। परमेश्वर सन्तानगी होदोक्ते बात खिताराङ सोई मिक्किओ। Faic an caibideil |
एफिसी 5:3
58 Iomraidhean Croise
थोगी थेबेकी परमेश्वरगी खिता मेङगो सिन साबाते मेलेबाते कामताङ बातकामा खित्च्येते, लोभ खित्च्येते थेमे खालि ज्येनला खेदापानी खित्च्येते खिताला स्यूसुङ। थोकराङ खाईन डार खित्च्येते, मि सेत्च्येते, थोम्मु जीङगा खित्च्येते, ज्येनला ठगे खित्च्येते, मिला मोता सराप खित्च्येते थेमे मि बात खिन ख्याम्च्येते खिताला स्यूसुङ।
थेकी मि काल्बेईला आउदी लेमु खाबा ओतान। ङा ङाराङलाङ थेकी मद्धत बिन्दा ओतान। थोगी था थे थेपा वासीन थेङ प्रभु येशू ख्रीष्टला विश्वास खित्कान्ते ईन सिन परमेश्वर सन्तान नाङ दोक्पोईकी ज्येनज्यीकला चुक खिता फाप्कीते थोकराङ खाला ख्योकोनगी थेला लेमु खि। थेमे थेला च्यि च्यि गोकीका सिन ताला गोच्येतेबा बिन।
च्यि सासीन गोमाबा ख्योकोनगी खेराङ लाक्पाताङ खेकी खित्सादु, मिगी तासादु, खेराङ सेमगी खित्सादु मेलेबाते कामताङ बात खिन ओतान। थोक खाला ख्योकोनगी परमेश्वरगी साबाते मेङेन्गीन ओतान। था थोक खिता थोङ। बरू खेराङ स्यिसादुकी सोम्बो लोगीन साम्बाते जुनी ङेताते मिओन ईन्देकी परमेश्वरगी खि साबाते ङेन्ग्यो सिन खेराङ जुनी थे लाःक्तुराङ सोम्पे खि। थोक खासीन खेराङ लाक्पाताङ खेकी खित्सादु, मिगी तासादु पाप खिता माफाबो। परमेश्वरगी खि साबा च्योकराङ लेमु काम खिता थुप्क्यो।
ख्योकोनगी “मिला साप थुङा गोक्यो, साप थुङा मेताला मि चुक खाला सोन्गीते?” सिरा ठीकराङ ईन। तर ङीमाई परमेश्वरगी मि जीउ साप थुङा मोगोच्या खुदुक जोइओ। बात च्यि सासीन परमेश्वरगी ङुरूङला दि जीउ बिन्दाते रन्डीबाजी थेमे होदि च्योक्ते खिता मेङच्येते काम खिताला मेन, प्रभु येशूला मन परे खित्च्येते काम खिताला ईन। ङुरूङला गोच्येते तेरकान्ते प्रभु येशूराङ ईन।
थोगी ङा ख्योकोनला च्यि सिते सासीन रन्डीबाजी थेमे होदि च्योक्ते खिता मेङच्येते काम सिराते ख्योकोनगी खितराङ माकेत। रन्डीबाजी थेमे होदि च्योक्ते खिता मेङच्येते काम खित्कान्ते मिकीचेन दाक्पोनलाराङ मेलेबा ओङ ज्युत्क्यो। ज्येनतोक पाप जे खासीनोङ पापनी पापराङ ईन। ईन्सीनोङ ज्येनतोक पापकी दाक्पोन जीउला मेलेबा ओङ मुज्युदो।
दि पालो ङा थेपा ओङजीन ख्योकोन थोरूमोङ होदोक दोकराङ खिन ओता थेप्सीन ङे माने खिन ओताते परमेश्वरगी ख्योकोनगी खित्सादु ङाला ङोचा लोङगीता सिन ज्यीबा लाबा ओत। दोस्यिककामा मेन, ख्योकोन नाङ गोमाबा रन्डीबाजी थेमे होदि च्योक्ते खिता मेङच्येते ज्येनोङ ङोचा लाङच्येते काम खित्कान्ते मिओनगी खोपरोङगी थोक खाबाते लेमु मेन्दाक्वा सिन थोक खिता ताङा मेत्सीन थोक्ते मिओन लाईदु ङे ङुइनकामा पीर खिता फाप्क्यो।
था जे ओङसीनोङ ख्रीष्टते गा लाङच्येते बात ङेन्कान्ते मिओनगी चुक चुक खिता फाप्च्येते ईन्दे ख्योकोनगी होथोकराङ खि। च्यि सासीन ख्योकोन गाङेराङ सेमज्यीकराङ खाला डिक्ला देत। ज्येनगी जे सासीनोङ जति दुक्पा बिन्सीनोङ ख्योकोन गाङेराङ डिक्ला खेराङगी ङेन्दाते गा लाङच्येते बात ङेन्गीनराङ देत। ङा थेपा वासीन ख्योकोनगी थोक खिन ओताते ङाराङगीराङ थोङगो, मासुङ सासीनोङ ख्योकोनगी थोक खिन दुक्लो सिन ङे थोबा ङेत्स्यीत।
थोगी था ख्योकोनगी दाक्पोन खुशी खिन दाक्पोनला च्यि च्यि खिता सेम लाङगीका थोकराङ खिन देता थोङ। च्यि सासीन रन्डीबाजी थेमे होदि च्योक्ते खिता मेङच्येते ङोचा लाङच्येते काम माकेत, होदोक्ते काम माक्याबाला ओङराङ मेङगो सिराच्योक माकेत, लोभ माकेत, लोभ खित्च्येतेनी परमेश्वर लाईदु ल्हा लु माने खाबा छेतराङ मेलेबा ईन।
थेजीन मिओनगी खालि दाक्पोन विचारकामा खिओ, गाङेराङ पैसे लोभलाकामा स्यूइओ। थेबेकी ङा ङाराङ ईन सिन धाक लै खिओ थेमे छ्ये खिओ। थेजीन मिओनगी मेन्दे बातला ज्येनला दोष लै खिओ, आबा आमेकी लाःपा कोताते मेङेनो, खोपरोङला लेमु खित्कानला लेमु खासुङ सिराच्योक मिक्किओ थेमे परमेश्वरला मन परे मिक्किच्येते कामकामा खिओ।
होथोक्ते मिओनला दोक्ते बात मालोप साला थेबे खा टाले खिता फाप्क्यो। च्यिला सासीन थेबेकी मिओनला लोपा मेङच्येते बात लापेकी होथेबे बात ङेन्गीन येशू ख्रीष्ट मिओन नाङ खाम्बा थोई थोई मिकी ङेन्दा फाप्च्येते बात ङेन्दा ताङला दुक। थेबेकीचेन छ्याःङ ङोचा मिक्किता खाला खालि पैसा ज्वाप्की लाईदु होथोक्ते बात लोप्च्येते ईन।
दोक खाला येशू ख्रीष्ट मिओनला ताकान्ते छ्येते मिकीचेन परमेश्वरगी खि साबाते काम खित्च्येते ईन्देकी सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थोक्ते मि दाक्पोन बातलाकामा जिद्धी मिक्किकानज्यीक, होत्ता स्येदाङ मिक्किकानज्यीक, छ्याङ रक्सी काल्बा मुथुङकानज्यीक, मिला लाःक मोतोङकानज्यीक थेमे सम्पत्ति ज्वाप सिन पैसे लोभला मुस्यूक्कानज्यीक ओङा फाप्क्यो।
चुक सासीन लुई गोठालेकी लुक ताप च्योकराङ खाला लेमु खाला तो सिन परमेश्वरगी खेराङ जिम्माला बिन्दाते परमेश्वर मिओनला लेमु खाला तो। परमेश्वरगी ङाला दोक खि साबेकी ङे दोक खिता करराङ लै खासुङ सिराच्योक माकेत, बरू गा खिन दाक्पोन राजी खुशीकी दि काम खाबाते ईन सिराच्योक खाला थेबाला लेमु खाला तो। थेमे दि काम खित्जीन पैसा थोई ङेत्कीका सिन पैसे लोभ खाला मेन्देकी दि काम खिता आउदी सेम ओताच्योक खाला काम खि।
खास खालाचेन खोपरोङ सेम मेलेबा ओत्कीन दाक्पोन खुशी खिन खिता मेङच्या आउदी मेलेबा मेलेबा काम खित्कान्ते थेमे परमेश्वरताङ ज्येन सुङगीङ अधीनला मेदेत्कान्तेबाला चुक खाला सजाय तेरा फाप्कीते सिन थेला लेमु खाला छ्या ओत। परमेश्वर बातताङ मिडिक्च्येते बात लोप्कान्ते होथे मिओनगी सुङताङ ज्यीबा ख्यारा मिक्किता खाला ङा ङाराङ ईन सिराच्योक खिओ। थेबेकीनी पाप खित्कान्ते परमेश्वर दूतओनलाङ छ्याःङ ज्यीबा मिक्किता खाला विरोध खिओ।
थेबाचेन थोङाते जति फेम्मे मित्ताङ ङ्यालाकामा छोल्ग्यो। थोक्ते काम खाला थेबा नोमुङ माडाओ। सेम ङि ओताते मिओनला खोपरोङ छ्य्वापा लै खित ज्युताला थेबा च्योक सिपालु ज्येन सुङ मेङगो। जहिलेङ सम्पत्ति लोभकामा खिन खापेकी चुक खाला सम्पत्ति ज्वा थुप्कीते सिन थेबेकी लेमु खाईन छ्या स्येबा ओङगो। थेबाला परमेश्वर सराप फाप्क्यो।
थोक ईन्सीनोङ ङे ख्योकोनला सिरा फाप्च्येते बातज्यीक बात ङि ओत। च्यि सासीन ख्योकोन नाङ लाला लाला बालामगी लापाते बात ङेन्कान दुक। बालामगीचेन बालाक गेल्बोला ल्हाला पूजा खाबाते सोसीन ओङगो, रन्डीबाजी थेमे होदि च्योक्ते खिता मेङच्येते काम खासीनोङ ओङगो सिन लाप्कीन बिन्गीन इस्राएलीओनला थोक खित च्युता ओतान।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
Sanasan