एफिसी 5:27 - जिरेल

²⁷ दोस्‍यिककामा मेन, थेकी थोक खाबातेचेन ङेर्मा माच्‍युम्‍बाते, छ्याःङ खुना खोटी मेताते, ताजीनोङ आउदी लेमु थोङच्‍येते बेउली च्‍योकराङ थेबाला सेम खुदुक गालाते थेमे छ्याःङ गल्‍ती मेताते मि जोला थे खोरोङ दोन्‍दु देत ज्‍युता थुप्‍स्‍यीत सिनोङ ईन।

एफिसी 5:27 Iomraidhean Croise

२ कोरिन्‍थी 11:2

ख्‍योकोनला लेमु ओङस्‍यीत सिन परमेश्‍वरगी सधैँ तेइन देता च्‍योकराङ ङाङ ख्‍योकोनला चुक खासीन लेमु ओङगीका सिरच्‍ये छ्य्‌वापाकामा सेम खिओ। चुक सासीन थे मोरोङगी ङा खोत्ताङ फाङमा खिओ सिन साबाते मित्ताङ फाङमा खिता छोमुसाक थे फेम्‍मे फिजा कर्ने देताच्‍योक खाला ख्‍योकोनोङ ख्रीष्‍टताङकामा डिक्‍ला देत्‍स्‍यीत सिरच्‍येते ङेते आउदी सेम ओत।

२ कोरिन्‍थी 4:14

च्‍यिला सासीन प्रभु येशूला स्‍यिसादुकी सोम्‍बो लोक्‍कान्‍ते परमेश्‍वरगी थेला च्‍योकराङ खाला ङ्योकोनलाङ सोम्‍बो लोक्‍ला ख्‍योकोनताङराङ थे दोन्‍दु देत ज्‍युत्‍क्‍यो सिन ङ्योकोनला लेमु खाला छ्या ओत।

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

कलस्‍सी 1:22

ख्‍योकोन गोमा थोक ओता ईन्‍सीनोङ ख्रीष्‍ट मि जुनी लाकीन स्‍याप्‍की खित्‍सादु थाचेन परमेश्‍वरगी ख्‍योकोनला थे खोरोङताङ डिक च्‍युता ओत। ख्‍योकोन थे खोरोङ दोन्‍दु सेम खुदुक गालाते, छ्याःङ गल्‍ती मेताते थेमे सुङगीङ दिबा दोक दोक गल्‍ती खित्‍कान्‍ते मि ईन सिरा मुथुप्‍च्‍या गालाते मि ओङस्‍यीत सिन थेकी ख्‍योकोनला दोक खाईन थे खोरोङताङ डिक च्‍युता ओत।

कलस्‍सी 1:28

ख्रीष्‍ट दोक खाला ज्‍येन ज्‍येन जातकी मि सेमगी नाङ देत्‍क्‍यो सिन ङ्योकोन मि गाङेला लोप्‍क्‍यो। च्‍यि सासीन ख्रीष्‍टताङ जीउज्‍यीकराङ ओङाते मिओन काम बात जे कुरोलाङ पाको गालाते मि ओङला परमेश्‍वर दोन्‍दु देता थुप्‍स्‍यीत सिन ङ्योकोनगी लोप्‍च्‍येते बात लेमु खाला ङेन सिन मि गाङेला दि बात परमेश्‍वरगी बिन्‍दाते बुद्धिकी लेमु खाला लोप्‍क्‍यो।

१ थिस्‍सलोनिकी 5:23

थेमे सेमला ढुक्‍क लोङकान्‍ते परमेश्‍वरगी ख्‍योकोनगी मेलेबाते कामताङ बात सिराते छ्याःङ मिक्‍किस्‍यीत सिन ख्‍योकोन सेम खुदुक जोइन देत्‍स्‍यीत थेमे ख्‍योकोन आत्‍मा, सेम थेमे जीउ जेसुकैला लेमु खाला तेइनराङ देत्‍स्‍यीत। दोक खाला था ङुरूङ प्रभु येशू ख्रीष्‍ट ग्‍युरला ओङे छोमु ख्‍योकोन छ्याःङ दोष मेताते मि ओङस्‍यीत सिन ङ्योकोन प्रार्थना खिओ।

हिब्रू 9:14

थोक खानामेईनी बिटुले खाबाते मि चोके खिओ सासीन ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु था ईन्‍सीन मेलेबाते कामगी सजाय ङेत्‍ला ङा नरककुण्‍डमा स्‍यूक्‍पा माफाबो सिन ख्‍योकोन ढुक्‍क खाला देता थुप्‍क्‍यो। दोक ओङला ख्‍योकोनगी सोम्‍बोते परमेश्‍वरगी खि साबा साबाते खिन थेला माने खिता थुप्‍क्‍यो। च्‍यिला सासीन छ्याःङ गल्‍ती खाबा मेताते ख्रीष्‍ट परमेश्‍वर आत्‍मे शक्ति ङेत्‍कीन परमेश्‍वरला थे खोरोङ ज्‍यानराङ बिन्‍गीन स्‍या ओत।

१ पत्रुस 1:19

ख्रीष्‍ट थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ख्‍योकोन लाईदु थे मोल छ्योलाते ईन। ख्रीष्‍टनी परमेश्‍वरला पूजा खिताला सोई खित्‍च्‍येते छ्याःङ खुना खोटी मेताते लुई रीउ च्‍योकराङ ओतान।

२ पत्रुस 3:14

थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।

यहूदा 1:21

परमेश्‍वरगी ख्‍योकोनला ङिङज्‍ये खिनराङ देत्‍क्‍यो सिन टोक माज्‍येत। थेमे ङीमाई ङुरूङ प्रभु येशू ख्रीष्‍ट ग्‍युरला वाला थेकी दया खाईन तेरग्‍यो साबाते नोमुङ मिसिन्‍च्‍येते जुनी ङेत्‍क्‍यो सिन थेला गुलाराङ देत।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 14:4

थेबेकी नोमुङ थे जन्‍तु छ्य्‌वापा लै खित्‍च्‍येते थेमे मेलेबा काम खित्‍च्‍येते माक्‍यासुङ। थेबाचेन कर्नेते फेम्‍मे फिजा च्‍योकराङ चङगेते ईन। लुई रीउ जता जता डुइदुक थेबा थे तिङ ङ्याला ख्‍याम्‍गीन देत्‍क्‍यो। मि नाङदुकी पापकी सजायदुकी टालाते होदिबाचेन परमेश्‍वरताङ लुई रीउला चढे खाबाते साम्‍बाते बाली च्‍योक्‍ते ईन।