एफिसी 5:23 - जिरेल

²³ ख्रीष्‍टकी मिओनते छ्येते ख्रीष्‍ट ईन्‍दा च्‍योकराङ फेम्‍मे मिते छ्येतेचेन थे मोरोङ ख्‍योबोराङ ईन। ख्रीष्‍टकी मिओनचेन थे जीउ ईन। थेबाला पापकी सजायदुकी डेल्‍कान्‍ते थेराङ ईन।

एफिसी 5:23 Iomraidhean Croise

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

१ कोरिन्‍थी 6:13

ख्‍योकोनगी “मिला साप थुङा गोक्‍यो, साप थुङा मेताला मि चुक खाला सोन्‍गीते?” सिरा ठीकराङ ईन। तर ङीमाई परमेश्‍वरगी मि जीउ साप थुङा मोगोच्‍या खुदुक जोइओ। बात च्‍यि सासीन परमेश्‍वरगी ङुरूङला दि जीउ बिन्‍दाते रन्‍डीबाजी थेमे होदि च्‍योक्‍ते खिता मेङच्‍येते काम खिताला मेन, प्रभु येशूला मन परे खित्‍च्‍येते काम खिताला ईन। ङुरूङला गोच्‍येते तेरकान्‍ते प्रभु येशूराङ ईन।

एफिसी 4:15

ङुरूङगीचेन मेन्‍दे बात खिता साटोला बरू दाक्‍पोन नाङ ङिङज्‍ये खिन परमेश्‍वरते सत्‍यते बातकामा खिता फाप्‍क्‍यो। दोक खिन डोजीन ङुरूङ कामताङ बात गाङे ख्रीष्‍टकी च्‍योकराङ लेमु खिता थुप्‍कान डुइन गाल्‍ला ङुरूङ गोः च्‍योकराङ ईन्‍दाते ख्रीष्‍टताङ झन जीउज्‍यीकराङ डुइन डुइओ।

एफिसी 5:24

ख्रीष्‍टकी मिओन थे अधीनला देता च्‍योकराङ खाला फेम्‍मे मिओनोङ जहिलेङ दाक्‍पोन ख्‍योबो अधीनला देता फाप्‍क्‍यो।

कलस्‍सी 1:18

दोस्‍यिककामा मेन, मि जीउकी गोः च्‍योकराङ थे खोरोङ मिओनते छ्येतेचेन ख्रीष्‍टराङ ईन। येशू ख्रीष्‍ट मिओनचेन थे जीउ च्‍योक ईन। थेचेन थे जीउकीते गोः च्‍योक ईन। मिओनला थे खोरोङ मि जोकान्‍ते थेमे स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍ते थेराङ ईन। सा नाम खाङ ओताते जोबाते जति जो ईन्‍स्‍यीत जे ईन्‍स्‍यीत, थे खोरोङ मि ईन्‍स्‍यीत होदिबा गाङेते जहिलेङ जे कुरोलाङ ख्रीष्‍टकामा छ्येते ओङा फाप्‍क्‍यो सिन परमेश्‍वरगी होदोक दोक ओङ च्‍युताते ईन।

१ थिस्‍सलोनिकी 1:10

दोस्‍यिककामा मेन, थेबेकीचेन था स्‍वर्गनेकी ग्‍युरला ओङगो साबाते परमेश्‍वर फुज्‍युङ येशूला ख्‍योकोन गुकीनराङ देत्‍ला दुक्‍लो सिरच्‍येते बादोङ खिदुक। थेला परमेश्‍वरगी स्‍यिसादुकी सोम्‍बो लोक्‍पा ओत। मिओनला था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकी ङुरूङला जोए खित्‍कान्‍ते थेराङ ईन।

छ्या स्‍ये च्‍युताते बात 19:7

ङुरूङ गाङेराङ गा खिइ। आउदी गा खिनकामा थेला छ्ये जोइ। था लुई रीउते फाङमा ओङा खाईन सिन्‍सुङ। थे बेउलीचेन थे मोरोङराङ ठीक ओङगीन देत्‍ला दुक।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,