एफिसी 5:21 - जिरेल

²¹ प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिन ङा ङाराङ ईन सिराच्‍योक मिक्‍किता खाला ख्‍योकोन दोक्‍पोईकी ज्‍येनज्‍यीक बात ङेन्‍च्‍येते खि।

एफिसी 5:21 Iomraidhean Croise

१ कोरिन्‍थी 16:16

ख्‍योकोनगी स्‍तिफनासबा च्‍योक्‍ते मि अधीनला देत्‍ला थेबेकी साबाते ङेन।

२ कोरिन्‍थी 5:11

दोक खाला ङीमा लेनज्‍यीक प्रभु येशू दोन्‍दु दाक्‍पोनगी खाबाते लेमु मेलेबा कामगी हर हिसाब तेरा फाप्‍क्‍यो सिन छ्या ओतेकी ङेराङ मेलेबा काम मिक्‍किओ सिन ङ्योकोन मिओनला छ्याःङ शंका मालाङच्‍या खाला लोप्‍क्‍यो। ङ्योकोन चुक्‍ते ईन्‍दे सिन परमेश्‍वरला गाङे छ्या ओत। दि बात ख्‍योकोनगीङ लेमु खाईन छ्या स्‍येबाराङ ओतासीन।

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

एफिसी 5:22

थेमे फेम्‍मे मिवे, प्रभु ख्रीष्‍टला मान खिन थेकी साबाते ङेन्‍दा च्‍योकराङ खाला ख्‍योकोनगी दाक्‍पोन ख्‍योबोलाङ मान खिन थेबे अधीनला देत।

एफिसी 5:24

ख्रीष्‍टकी मिओन थे अधीनला देता च्‍योकराङ खाला फेम्‍मे मिओनोङ जहिलेङ दाक्‍पोन ख्‍योबो अधीनला देता फाप्‍क्‍यो।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

१ तिमोथी 2:11

थेबेकी बात काल्‍बा मिक्‍किता खाला छ्येतेबे अधीनला देत्‍ला थेबेकी लापाते बात लेमु खाला ङेन्‍दा फाप्‍क्‍यो।

१ तिमोथी 3:4

थेचेन थे खोरोङ खाम्‍बादु जेसुकै बन्‍दाबस्‍ता लेमु खित्‍कान ओङा फाप्‍क्‍यो। फुज्‍युङ फुमुतेबेकी थेला मान खाला थेकी लाःपा कोता ङेन्‍स्‍यीत सिन थे फिजाओनला लेमु खाला ताला लुबा थुप्‍कानज्‍यीक ओङा फाप्‍क्‍यो।

हिब्रू 13:17

थेमे ज्‍येन बात खेराङला ताकान्‍ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्‍यीत सिन थेबेकी ख्‍योकोनला तेइनराङ देत्‍क्‍यो। थेबेकी चुक चुक खाबे, च्‍यि खाबे सिन ङीमाई परमेश्‍वर दोन्‍दु गाङे हर हिसाब तेरा फाप्‍क्‍यो। ख्‍योकोनगी थेबेकी लाःपा कोताते ङेन्‍सीन खोपरोङगी खित्‍च्‍येते काम थेबाला लेमु लाला गा खिन खिओ। ख्‍योकोनगी थोक माक्‍यासीन थेबाला थे काम खिता सेम मालाङो। थेमे ख्‍योकोनला च्‍यि फाइदा ओङगीते?

१ पत्रुस 2:13

प्रभु येशू मि ईन्‍देकी ख्‍योकोनगी लुङबादु राज्‍य खित्‍कानताङ ज्‍येन छ्ये छ्ये मि गाङे अधीनला देत्‍ला नियम कानून लेमु खाला ङेन। लुङबेते गाङे भन्‍दा छ्येते गेल्‍बोराङ ईन्‍देकी थेला मान खि।

१ पत्रुस 2:17

मि गाङेला मान खि। खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खि। परमेश्‍वरताङ ज्‍यीबा खि। गेल्‍बोला मान खि।

१ पत्रुस 5:5

थेमे स्‍याराते मिओनलाङ ङा च्‍यि सिते सासीन ख्‍योकोनगी दाक्‍पोन भन्‍दा छ्येकी लाःपा कोताते ङेन। थेमे दि बातचेन ङा ख्‍योकोन गाङेला सिओ। च्‍यि सासीन ख्‍योकोन सुङगीङ ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि। परमेश्‍वर बातलाङ “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।