एफिसी 5:2 - जिरेल2 थेमे ख्रीष्टकी ङुरूङला चुक ङिङज्ये खाईन थे खोरोङ ज्यानराङ बिन्गीन स्या ओताने सिन सम्झे खाला काम बात जे खासीनोङ ख्योकोनगीङ ज्येनला ङिङज्ये खाला खि। परमेश्वरला भोग बिन्दाते स्येक्जीन खाच्येते ठीमा थेला मन परे खिन ओतान। ख्रीष्टकी ङुरूङ लाईदु ज्यान बिन्गीन स्याप्तेचेन परमेश्वरला मन परे खित्च्येते होथे ठीमा च्योक्ते ईन। Faic an caibideil |
एफिसी 5:2
54 Iomraidhean Croise
ज्येन ज्येन जातकी मि नाङ काम खिताला थेकीराङ ङाला येशू ख्रीष्ट काम खित्कान्ते मि सिन खटे खाबाते ईन। थोगी ङा ज्येन ज्येन जातकी मिला परमेश्वर गा लाङच्येते बात लोप्क्यो। परमेश्वर आत्मेकी थेबे सेम खुदुक जोला थेबा परमेश्वरला चढे खाबाते थेला मन परे खित्च्येते भोग च्योकराङ ओङस्यीत सिन ङा दोक खाला लोप्च्येते काम खिओ।
ङुरूङ परमेश्वरगी खि साबाच्योक खिता मुथुप्कान्ते मि ईन्देकी ङुरूङला पापदुकी डेल्च्येते थेमे स्यिसादुकी जोए खित्च्येते काम परमेश्वर नियम छ्य्वापेकी ओङा थुपा मेतान। थोगी दि काम खिताला मि जुनीराङ लाला केला च्याला स्याप्ला परमेश्वरगी थे खोरोङ फुज्युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्वरगी थेलाराङ भोगे खित च्युत्सुङ। थे थोक खाईन स्याप्की खित्सादु परमेश्वरगी मिओनला पाप खित्च्येते बानीदुकी टाल्गीन बिन्सुङ।
था ख्योकोन सोडा मुलुबा खाईन ङ्येबाते ज्येन्ताक डल्लो च्योक ओङाला ज्येन्ताक गाङेपा ठाम्च्येते सोडा च्योक ईन्दाते गोमाबा खिन ओताच्योक पाप खिता थोङ। च्यिला सासीन निस्तार चाडगी बेलाला पूजा खिता फाप्च्येते लुई रीउ च्योक ओङगीन ख्रीष्ट ङुरूङला पाप खित्च्येते बानीदुकी डेलाला ङुरूङ लाईदु स्यिइन सिन्दा ओत।
थेमे परमेश्वरला ङ्योकोन धन्यवाद तेरग्यो। ख्रीष्टताङ जीउज्यीकराङ ओङा ओतेकी ङेराङ जहाँदु गाल्सीनोङ परमेश्वरगी सधैँ ङ्योकोनला ख्रीष्ट च्योकराङ शत्रुला ग्याल्कान्ते ईन सिन तेन्ला तेरगीदुक। थेमे धूप पारनामेकी थे बास्ना फैले खाबा च्योकराङ खाला ङ्योकोन छ्य्वापेकी ख्रीष्ट सु ईन्दे, थेकी च्यि खिते सिरच्येते बात गाङेपा फैले खित ज्युत्कीदुक।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
थेमे मिकी जति बुद्धि खिये खासीनोङ खोबा मुथुप्च्या खाला ख्रीष्टकी ङुरूङला चुक ङिङज्ये खिते सिन ख्योकोनगी खोबा थुप्स्यीत सिनोङ ङा प्रार्थना खिओ। परमेश्वरगी ख्योकोनला थे खोरोङ बुद्धि थेमे शक्ति बिन्ला थे खोरोङ च्योकराङ लेमु ओङाला गोच्येते जति तेरस्यीत सिनराङ ङा ख्योकोन लाईदु दोक दोक खाला प्रार्थना खिओ।
खो थोरूमोङ स्याराराङ ओत्सीनोङ थोक खाला लोप्जीन कोत्जीन दि भर्खरगी फिजेकी साबाते बादोङ च्यि ङेन्च्ये, दिलाङ च्यि छ्या ओते सिन सिरच्येते लाम थेबा सुङलाङ मातेर। खो स्याराराङ दुक सिन हेपे मिक्किस्यीत सिन खोरोङगी खाबाते ताला येशू ख्रीष्टला विश्वास खित्कान्ते मिओनगी चुक चुक खिता फाप्च्या ईन्दाका सिन लोप्स्यीत सिन खुई दोक दोक खि। चुक सासीन खुई काम बात जे खासीनोङ लेमु खाला खि, ज्येनला ङिङज्ये खि, जे ओङसीनोङ येशू ख्रीष्टला विश्वास खिन देत, सेमला छ्याःङ पाप मोज्योबा खाला काम खि,
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
Sanasan