एफिसी 5:15 - जिरेल

¹⁵ थोगी ख्‍योकोनगी छ्याःङ छ्या मेस्‍येकान्‍ते मि च्‍योक मिक्‍किता खाला खेराङगी चुक खिता फाप्‍कीते सिन विचार खाला खिता फापा च्‍योकराङ खि।

एफिसी 5:15 Iomraidhean Croise

मत्ती 10:16

थेमे ज्‍येन बात च्‍यि सासीन फारे हूलगी लुई बगालला थेप्‍सुङ सासीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुकला खिता च्‍योकराङ मिओनगी ख्‍योकोनला मेलेबा खिओ। थोगी ख्‍योकोन रूल च्‍योकराङ च्‍याङबो खाला देत। थेमे थेबा सुङलाङ छ्याःङ मेलेबा मिक्‍किता खाला गन्‍दीमा च्‍योकराङ सुधो ओङला काम खि।

मत्ती 25:2

थेबे नाङ मेन्‍दा ङा च्‍याङबोतेन्‍दे थेमे मेन्‍दा ङाचेन लेम्‍बीतेन्‍दे ओताक्‍वालो।

मत्ती 27:24

थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

मत्ती 27:4

थेमे थेकी थेबाला “छ्याःङ दोष मेताते मिला ङे थाराङ धोका बिन्‍दुक, ङेनी पापका खादुक,” सिन सिरजीन थेबेकीचेन “ङ्योकोनलाका च्‍यि सिते? था खोरोङ जेसुकै खि,” सिन सिदुक।

मत्ती 8:4

थेमे येशूकी थेला “खुई फार छुर गाल्‍ला दि बात सुङलाङ मासेर याङ। था खो दुरूकी सरासर पूजारी ओत्‍सादु खोरोङ ठाक्‍पाते तेन्‍दाला ग्‍युक। थेमे थे ओत्‍सादु गाल्‍ला मोशेकी टिबाते परमेश्‍वर नियमला जे खोबाते मिकी ठाक्‍नामेई च्‍यि च्‍यि चढे खिता फाप्‍क्‍यो साबा ओते थे परमेश्‍वरला चढे खि। थोक खानामेई खुई जे ठाक्‍तुक सिन ज्‍येनगी छ्या स्‍येक्‍यो,” सिन साकीन थेरूई ताङसुङ।

लूका 24:25

क्‍लेओपासकी थोक सानामेई थेकी “ख्‍योकोन चुक छ्याःङ मोखोकान्‍तेन्‍दे ईन्‍दाका। परमेश्‍वर बात खित्‍कान्‍ते मिओनगी ख्रीष्‍टकी विषयला साबा ओताते बात गाङे था ख्‍योकोन नाम पत्ते खिते?

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

गलाती 3:1

गलातिये मिवे, ख्‍योकोन च्‍यिला लेम्‍बे काम खिता छोल्‍गीते? ख्‍योकोनला सुई च्‍यि कुल्‍गीन लै खाईन दोक गाल्‍सुङा? येशू ख्रीष्‍टला स्‍यिङगी थामला टाँए खाईन सेताते बात ङे ख्‍योकोनला लेमु खाईन खोबा खाईन बिन्‍दा ओतान मेन?

गलाती 3:3

ख्‍योकोन दोक लेम्‍बा च्‍योक खित्‍च्‍या च्‍यि ख्‍योकोनगी गाङे बात टोक ज्‍येत्‍कीन सिन्‍सुङ? परमेश्‍वर आत्‍मेकी खेराङ नाङ शुरू खाबाते काम थाचेन ख्‍योकोन चुक खाला खेराङगीराङ खिता थुप्‍क्‍यो सिराच्‍योक खिते?

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

एफिसी 5:33

परमेश्‍वर बातला साबाते थे बात ख्‍यावा फेम्‍मे विषयलाङ साबाते ईन। थोगी ख्‍योकोन गाङेकी दाक्‍पोन ज्‍यानला माया खाबा च्‍योकराङ खाला फेम्‍मेला ङिङज्‍ये खि। थेमे फेम्‍मे मिओनगीङ दाक्‍पोन ख्‍योबोला मान खि।

फिलिप्‍पी 1:27

था जे ओङसीनोङ ख्रीष्‍टते गा लाङच्‍येते बात ङेन्‍कान्‍ते मिओनगी चुक चुक खिता फाप्‍च्‍येते ईन्‍दे ख्‍योकोनगी होथोकराङ खि। च्‍यि सासीन ख्‍योकोन गाङेराङ सेमज्‍यीकराङ खाला डिक्‍ला देत। ज्‍येनगी जे सासीनोङ जति दुक्‍पा बिन्‍सीनोङ ख्‍योकोन गाङेराङ डिक्‍ला खेराङगी ङेन्‍दाते गा लाङच्‍येते बात ङेन्‍गीनराङ देत। ङा थेपा वासीन ख्‍योकोनगी थोक खिन ओताते ङाराङगीराङ थोङगो, मासुङ सासीनोङ ख्‍योकोनगी थोक खिन दुक्‍लो सिन ङे थोबा ङेत्‍स्‍यीत।

कलस्‍सी 1:9

ख्‍योकोन बात थोबा छोमुमेई ङ्योकोनगी ख्‍योकोन लाईदु परमेश्‍वरला प्रार्थना खिता ताङा मेत। परमेश्‍वरगी ख्‍योकोनला थे खोरोङ आत्‍मे छ्य्‌वापेई बुद्धि बिन्‍ला खोबा फाप्‍च्‍येते बात गाङे लेमु खाला खो च्‍युत्‍ला थे खोरोङगी च्‍यि च्‍यि खि सिते सिन ख्‍योकोनगी लेमु खाला छ्या स्‍येस्‍यीत सिन ङ्योकोन प्रार्थना खिओ।

कलस्‍सी 4:5

येशू ख्रीष्‍ट मि मेन्‍दाते मिओनताङ चुक खाला बात खिता फाप्‍कीते, थेबे दोन्‍दु च्‍यि काम खिता लेमु ईन्‍दे सिन लेमु खाला विचार खाला खि। दोक्‍ते काम खिता ङेत्‍च्‍येते समय था काल्‍बा मेत सिन छ्या स्‍येला टोले मिक्‍किता खाला दोक खिन देत।

१ थिस्‍सलोनिकी 5:15

सुइँदेकी सुइँदाला मेलेबा खासीन थेलाङ थोकराङ खाला स्‍येदाङ सेता मेङगो। ख्‍योकोन सुङगीङ थोक माकेत। दाक्‍पोन नाङ ईन्‍स्‍यीत, ज्‍येन मि नाङ ईन्‍स्‍यीत चुक खित्‍जीन गाङेला लेमु ओङगीका थे छ्य्‌वापाकामा स्‍येत खि।

१ तिमोथी 6:9

छ्युक्‍पु ड्वा छोल्‍कान्‍ते मिओनलाचेन झन झन पैसे लोभ लाला तोर्बाकला फाप्‍लु खाला मेलेबा ओङगो। पैसे लोभकी खित्‍सादु थोक्‍ते मिओनगीचेन लेम्‍बा च्‍योक खाला आउदी मेलेबातेन्‍दे काम खाला खोपरोङ स्‍यूक्‍च्‍येते डालुम खोपरोङगीराङ ठुइओ।

हिब्रू 12:25

थोगी ख्‍योकोनगी परमेश्‍वरगी साबाते बातला नामज्‍योक सेत। थेकी दुरू साबाते बातला नामज्‍योक मेसेत्‍कान्‍ते मिओनगीनी सजाय ङेता ओतान सासीन थेकी स्‍वर्गनेकी साबाते बात ङुरूङगी ङेन्‍दा ताङसीन च्‍यि झन ङुरूङ उम्‍के खिओतरो?

याकूब 3:13

थेमे च्‍यि ख्‍योकोन सुइँदाला खेराङ आउदी बुद्धि ओताते थेमे जे बादोङ लेमु खाला छ्या स्‍येकान्‍ते मि ईन सिराच्‍योक लाङगीदुक? खोपरोङ थोक्‍ते मि ईन सिरकानगी खोपरोङताङ पक्‍काराङ बुद्धि ओत सिरच्‍येते बात छ्ये मिक्‍किता खाला काम बात जे खित्‍जीनोङ लेमु खाला खिता फाप्‍क्‍यो।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।