एफिसी 5:11 - जिरेल

¹¹ मुन्‍दाकला देत्‍कान्‍ते मिओनगी खित्‍च्‍येते मिला ङ्ये ज्‍युत्‍च्‍येते मेलेबाताङ ङोचा लाङच्‍येते काम सिराते ख्‍योकोनगी खितराङ माकेत। बरू दोक्‍ते काम खित्‍कान्‍ते मिओनला थोक खिता लेमु मेन सिन लाप्‍ला बिन।

एफिसी 5:11 Iomraidhean Croise

मत्ती 18:15

थेमे खेराङ आज्‍यो न्‍वाकी खेराङला खइँदा मेलेबा खासीन ख्‍योकोनगी दोक खि। च्‍यि सासीन जसकी खेराङला मेलेबा खिदुक गोमा खेराङ दोक्‍पोईकामा थे ओत्‍सादु गाल्‍ला थेकी थोक खाबाते लेमु मेन सिन थेला सम्‍झे खाला बिन। खेराङ ङिकामा ओत्‍जीन थेकी ‘ङे गल्‍ती खाबाप, स्‍येदाङ माकेत,’ सिन सासीन ख्‍योकोन याङराङ आज्‍यो न्‍वा च्‍योकराङ ओङला डिक्‍ला देता थुप्‍क्‍यो।

लूका 3:19

थेमे थेकी गालील अञ्‍चलदु राज्‍य खित्‍कान्‍ते हेरोदला “खुई खिता मेङच्‍येते काम खाला दुक। दोक खिता थोङ,” सिन सासुङ। च्‍यिला सासीन हेरोदकी थे खोरोङ न्‍वाते फेम्‍मे हेरोदियास खुलाबा ओतान। थेमे ज्‍येनोङ मेलेबाते काम काल्‍बेई खिन ओतान।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

रोमी 13:12

था नुप गाल्‍गीन नाम लाङा खाबा ओत। थोगी ङुरूङगी ज्‍येनगी थाहा मेछ्येत्‍स्‍यीत सिन मुन्‍दाकला खित्‍च्‍येते च्‍योक्‍ते मेलेबाते काम खित्‍च्‍येते गाङे तोङा फाप्‍क्‍यो। बरू गाङे ङोन्‍दु ङीमे कार्बोलाराङ खिता ओङच्‍येते च्‍योक्‍ते काम खिताला परमेश्‍वरगी तेरच्‍येते हात हतियार चले खिता फाप्‍क्‍यो। दोकचेन ङुरूङगी परमेश्‍वर शक्ति छ्य्‌वापेकी लेमुते कामकामा खिता फाप्‍क्‍यो साबाते ईन।

रोमी 16:17

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

रोमी 6:21

थेजीन खेराङगी चुक चुक खाबा ओताने सिन सम्‍झे खाला थरिङोला खेराङराङ ङोचा खिदुक। थोक खाला परमेश्‍वरगी माकेत साबाते काम खित्‍जीन ख्‍योकोनगी च्‍यि ङेता ओताने? थेजीन ख्‍योकोनगी खाबाते कामगी खित्‍सादुचेन ख्‍योकोन पापकी सजाय ङेत्‍ला स्‍या फाप्‍च्‍या ओङा ओतान।

गलाती 6:8

होदोकराङ खाला दाक्‍पोन खुशीला ख्‍याम्‍गीनराङ देत्‍कान्‍ते मिचेन थोक खाबेकी खित्‍सादु ङ्येला स्‍यिला नरककुण्‍डमा डुइओ। परमेश्‍वर आत्‍मेकी खित ज्‍युता च्‍योकराङ खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

एफिसी 5:12

ज्‍येनगी थाहा मेङेता खाला थेबा कोई कोईकी खित्‍च्‍येते कामगीतेनी बात खिताङ ङोचा ईन।

एफिसी 5:7

थोगी ख्‍योकोनगी होथोक्‍ते मित्ताङ साङ खाला थेबेकी च्‍योकराङ माकेत।

कलस्‍सी 1:12

थेमे ख्‍योकोनगी आबा परमेश्‍वरला धन्‍यवाद सिरा थुप्‍स्‍यीत सिनोङ प्रार्थना खिओ। थेकी थे खोरोङ सन्‍तानओनगी स्‍वर्गे राज्‍यने ङेत्‍च्‍येते गाङे ङुरूङगीङ ङेत्‍क्‍यो सिन साबा ओत।

१ थिस्‍सलोनिकी 5:7

थेमे मिओन नुपलाराङ ङ्याल्‍ग्‍यो, छ्याङ रक्‍सी थुला जिकान्‍तेबाङ नुपलाराङ जिइओ, मेनरो?

२ थिस्‍सलोनिकी 3:14

ख्‍योकोन नाङ सुइँदेकी ङ्योकोनगी दि चिट्ठीला खि सिन टिबाते बात माङेन्‍सुङ सासीन थोक्‍ते मि सु सु ईन्‍दे सिन ख्‍योकोन गाङेकी लेमु खाला ङो स्‍येबा खाला थेला ङोचा लाङस्‍यीत सिन थोक्‍ते मित्ताङ साङराङ माकेत।

२ थिस्‍सलोनिकी 3:6

थेमे आज्‍यो न्‍वावे, प्रभु येशू ख्रीष्‍टकीराङ ङ्योकोनला दोक खित्‍च्‍येते अधिकार बिन्‍दा ओतेकी ङ्योकोन ख्‍योकोनला च्‍यि खि सिते सासीन खेराङ नाङ ङ्योकोनगी लापाते बात माङेन्‍ला दाक्‍पोन लाःक खिता ताङला अल्‍छी खाला देत्‍कान्‍ते मिओनताङ ङ्योम्‍बुराङ रूला मादेत।

१ तिमोथी 5:20

थेबेकी साबाते बात साँचो ईन्‍सीन थे गल्‍ती खित्‍कान्‍ते मिला थोक खिता मेङगो सिन ज्‍येनतेबा गाङे दोन्‍दु थोप। थोक खानामेकी थोक्‍ते काम खिता मेङच्‍याक्‍वा सिन ज्‍येनतेबा गाङे ज्‍यीबा खिओ।

१ तिमोथी 5:22

थेमे होत्ताराङ सुइँदे लाक्‍तु लाक्‍पा ज्‍याक्‍ला येशू ख्रीष्‍ट मिओनला ताच्‍येते कामगी जिम्‍मा मातेर। सु मि चुक्‍ते ईन्‍दे सिन छ्या मास्‍येबालाराङ थे जिम्‍मा बिन्‍सुङ थेमे थोक्‍ते मिकी खइँदा गल्‍ती खासुङ सासीन ज्‍येनगी खुईतेङ गल्‍ती ईन सिन सिओ। थोक मेङस्‍यीत सिन ताला पेलाकामा काम खि।

१ तिमोथी 6:5

थेमे जहिलेङ थोम्‍मुकामा खिन देत्‍च्‍येते ओङगो। थेबे सेम मेलेबा ओतेकी सत्‍यते बात थेबाला छ्याःङ काम लै मिक्‍किओ। थेबेकी परमेश्‍वरला माने खित्‍च्‍येतेचेन सम्‍पत्ति ज्‍वा थुप्‍क्‍यो सिनकामा ईन।

२ तिमोथी 3:5

थेबा परमेश्‍वरला माने खित्‍कान्‍ते मि ईन सिरा च्‍योकराङ खाला ख्‍याम्‍ग्‍यो। तर लेमु खाईन तासीन थेबेकी परमेश्‍वरला खोपरोङ सेमदु काम खित माच्‍युत्‍ला थेला मन परे खित्‍च्‍येते सिराते कामज्‍यीगोङ मिक्‍किओ। थोक्‍ते मिओनताङ साङ माकेत।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

तीतस 2:15

दि बाततेबा खुई थेरू गाङेला लोप। थेबाला दि बातओन लेमु खाला ङेन सि। सुइँदेकी दि बातला नामज्‍योक मेसेत्‍तुक सासीन थेबाला थोप। छ्याःङ ज्‍यीबा मिक्‍किता खाला खुई दि कामओन खि। दोक खित्‍जीन खोरोङला खुईते दोक खित्‍च्‍येते च्‍यि अधिकार ओते सिराच्‍योक खित्‍च्‍येते लाम सुङलाङ मातेर।

छ्या स्‍ये च्‍युताते बात 18:4

दि तिरी ङे याङराङ स्‍वर्गनेकी “ङे मिवे, ख्‍योकोन गाङेराङ बेबिलोनदुकी थेन्‍ला स्‍योक। थेरू देत्‍ला मेलेबा काम माकेत। था थेरू ज्‍यीबा लाङच्‍या मेलेबा ओङे बेलाला ख्‍योकोन थेरू देता माफाप्‍स्‍यीत।