एफिसी 4:6 - जिरेल

⁶ ङुरूङ गाङेते परमेश्‍वर दोक्‍पोईराङ ईन, थेराङ ङुरूङ आबा ईन। ङुरूङ गाङेला राज्‍य खित्‍कान्‍ते, गाङे नाङ काम खित्‍कान्‍ते थेमे गाङे नाङ देत्‍कान्‍ते थेराङ ईन।

एफिसी 4:6 Iomraidhean Croise

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

मत्ती 6:9

ख्‍योकोनगीचेन परमेश्‍वरला दोक सिन प्रार्थना खि। चुक सासीन ‘स्‍वर्गने देत्‍कान्‍ते आबा परमेश्‍वर, मि गाङेकी खोल्‍ला मान खित्‍स्‍यीत।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 17:26

खो सु ईन्‍दे, चुक्‍ते ईन्‍दे सिन ङे दिबाला छ्या स्‍ये च्‍युत्‍कीन बिन्‍दा ओत। ङा थोरूमोङ दोक खिनराङ देत्‍क्‍यो। खुई ङाला ङिङज्‍ये खाबा च्‍योकराङ दिबेकीङ खोपरोङ नाङ ङिङज्‍ये खितरीङ खित्‍स्‍यीत सिन ङा दिबे सेमगी नाङराङ देत्‍क्‍यो,” सिन आबातेला प्रार्थना खासुङ।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

रोमी 11:36

ओताते जति गाङे थेकीराङ जोबाते ईन थेमे जोबातेबरी जेसुकैला ताकान्‍तेङ थेराङ ईन, दिबा जेसुकै गाङे थेतेराङ ईन। दोक छ्येते परमेश्‍वरते सधैँभरि जय जय ओङस्‍यीत। आमेन।

१ कोरिन्‍थी 12:6

मिओनगी खुदुक खुदुक काम खासीनोङ मि दाक्‍पोन दाक्‍पोनला होथोक्‍ते सीपताङ शक्ति बिन्‍ला थेबाला होदोक्‍ते काम खित ज्‍युत्‍कान्‍ते परमेश्‍वरचेन दोक्‍पोईराङ ईन।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

एफिसी 1:21

थेकी सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङेला राज्‍य खित्‍च्‍येते अधिकार ख्रीष्‍टला बिन्‍दा ओत। थेमे थेकीराङ ख्रीष्‍ट छेत छ्ये होदिबा सुङ मेन, दि जुगला ईन्‍स्‍यीत, था ओङच्‍येते सत्‍यते जुगला ईन्‍स्‍यीत ख्रीष्‍टराङ गाङे भन्‍दा छ्येते ईन सिन साबा ओत।

एफिसी 2:22

ज्‍येनतेबा च्‍योकराङ थेत्ताङ जीउज्‍यीकराङ ओङाते ख्‍योकोनोङ दोक खाला जोइन ओताते मन्‍दिर ईन। थे खोरोङ आत्‍मे छ्य्‌वापेई परमेश्‍वर दि मन्‍दिरदु देत्‍क्‍यो।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

एफिसी 6:23

थेमे आबा परमेश्‍वरताङ प्रभु येशू ख्रीष्‍टकी आज्‍यो न्‍वाबा ख्‍योकोनला डिक ज्‍युत्‍कीनराङ देत्‍स्‍यीत, दोक्‍पोईकी ज्‍येनज्‍यीकला ङिङज्‍ये खिन देत ज्‍युत्‍स्‍यीत थेमे विश्‍वास खिनराङ देत ज्‍युत्‍स्‍यीत।

१ यूहन्‍ना 3:24

परमेश्‍वरगी खि सिन कोताते खित्‍कान्‍ते मिओनचेन थेत्ताङ डिक्‍ला देत्‍क्‍यो। थोक्‍ते मिओनताङ परमेश्‍वर ङ्योम्‍बुराङ देत्‍क्‍यो। परमेश्‍वर ङुरूङताङ ङ्योम्‍बु देत्‍क्‍यो सिन ङुरूङगी चुक खाला छ्या स्‍येकीते? दि बातचेन ङुरूङगी थेकी ङुरूङला बिन्‍दाते थे खोरोङ आत्‍मे छ्य्‌वापेई छ्या स्‍येक्‍यो।