एफिसी 4:5 - जिरेल5 थोकराङ खाला प्रभु येशू ख्रीष्टकामा ङुरूङ मालिक ईन, थेला विश्वास खित्जीन ङुरूङ गाङेकी ङेन्दाते बातज्यीकराङ ईन थेमे ङुरूङ गाङेकी थे मिनगी छ्य्वापेईराङ बप्तिस्मा लाबाते ईन। Faic an caibideil |
एफिसी 4:5
28 Iomraidhean Croise
ङा दि चिट्ठी कोरिन्थ सारदु जम्मा ओङकान्ते परमेश्वर मिओन ख्योकोनला टिगीन ओत। येशू ख्रीष्टकी खित्सादु परमेश्वरगी ख्योकोन सेम खुदुक जोकीन थे खोरोङ सन्तान ईन सिन छाने खाबा ओत। दुरू टिबाते बातचेन ख्योकोन च्योकराङ प्रभु येशू ख्रीष्टला प्रभु सिन सिरकान्ते गाङेपे मिलाङ ईन। येशू ख्रीष्टचेन थेबेतेङ ङुरूङतेङ मालिक ईन।
ईन्सीनोङ ङुरूङ लाईदुनी परमेश्वर खालि दोक्पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्वर मि ईन्देकी ङुरूङ थेकी साबाते ङेन्ला थेला छ्ये जोइओ। थोकराङ खाला येशू ख्रीष्टकामा ङुरूङ मालिक ईन। दि सा नाम थेमे ओताते जति गाङे परमेश्वरगी थे छ्य्वापेकीराङ जोबाते ईन। थेमे ङुरूङला जुनी तेरकान्तेङ येशू ख्रीष्टराङ ईन।
च्यिला सासीन सुइँदेकी वाकीन ङ्योकोनगी लापाते च्योक्ते मेन्देकी ज्येनज्यीकराङ येशू बात लाप्सीनोङ ख्योकोनगी थे आउदी लेमु खाला ङेन्च्याक्वा। थेमे थेबेकी खेराङला ङेता फाप्क्यो साबाते आत्मा ख्योकोन ङेता छोल्च्याक्वा। थे आत्माचेन ख्योकोनगी ङेता ओताते परमेश्वर आत्मा मेन। थोकराङ खाला ङ्योकोनगी ख्योकोनला लाप्कीन बिन्दा ओताते च्योक्ते मेन्देकी खुदुकज्यीकराङ गा लाङच्येते बात लाप्सीन ख्योकोनगी होथोक्ते बातराङ ङेन्च्याक्वा।
ङुरूङ गाङेकी थोक खिन डोजीन थेला विश्वास खाईन ङेन्दाते बातला ङुरूङ झन डिगीन डुइओ थेमे परमेश्वर फुज्युङ चुक्ते ईन्दे, च्यि खिते सिन झन लेमु खाला छ्या स्येला ङुरूङ गाङेराङ सेमज्यीकराङ खाला काम खित्कान ओङगो। दोक खाला ख्रीष्टकी ङुरूङ नाङ खिता चालाते काम पूरो ओङला ङुरूङ थेकी ज्वा चाला च्योकराङ पाको ओङगो।
ईन्दाबोङ येशू ख्रीष्टला ङाराङ मालिक ईन सिन छ्या स्येच्येते छेत छ्येते बात ज्येनतोक छ्याःङ मेन्दाक्वा। थोगी ङाराङ चुक्ते ईन्दे, चुक चुक खिन ओताने सिरच्येते बात छ्याःङ काम लै मिक्किच्याक्वा सिन छ्या स्येकीन ङे था थोक्ते बात खिता गाङे ताङाप। ङाराङते होथे गोमे बाततेबा सम्झे खित्जीन ङालानी किक्टो लाङच्येते फोर मैलो च्योकराङ लाकीन था थेते विचारराङ खिता ताङा ओत। ख्रीष्टला पूरो खाला छ्या स्येबा थुप्स्यीत
दि चिट्ठी टिक्कान्ते ङा पावल ईन। ङा परमेश्वर काम खित्कान्ते मि ईन। थेमे ङा येशू ख्रीष्टकी खटे खाबाते मिङ ईन। परमेश्वरगी थे खोरोङ मि सिन छाने खाबाते मिओनगी झन लेमु खाला थेला विश्वास खिता थुप्स्यीत थेमे सत्यते बात लेमु खाला छ्या स्येला झन थेला लेमु खाला माने खिता थुप्स्यीत सिन थेबाला लाप्ला कोत्ला तेरच्येते जिम्मा ङाला बिन्दा ओत।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
दि चिट्ठी टिक्कान्ते ङा शिमोन पत्रुस ईन। ङा येशू ख्रीष्ट काम खित्कान्ते थेकी खटे खाबाते मि ईन। ङा दि चिट्ठी जे खित्जीनोङ ठीक खाला खित्कान्ते ङुरूङला पापदुकी डेल्कान्ते येशू ख्रीष्टकी खित्सादु ङेराङ च्योकराङ पक्का खाला थेला विश्वास खिता ङेताते मिओनला टिगीन ओत। येशू ख्रीष्टराङ ङुरूङ परमेश्वर ईन।
ङिङज्येते आज्यो न्वावे, परमेश्वरगी ङुरूङला पापकी सजायदुकी चुक खाईन टाल्सुङा सिन ख्योकोनला चिट्ठी टिक्पाला ङाला आउदी सेम लाबा ओतान। थे बात मेन्देकी थाचेन ङाला ख्योकोनला दि बात टिक्पाराङ फाप्क्यो सिराच्योक लासुङ। च्यि सासीन ज्येनगी जे सासीनोङ, जति दुक्पा बिन्सीनोङ येशूला विश्वास खाईन ङेन्दाते बात ख्योकोनगी ङेन्दा मातोङ। दि बात परमेश्वरगी थे खोरोङ सन्तान गाङेला ङेन सिन बिन्दाते ईन।
Sanasan