एफिसी 4:30 - जिरेल

³⁰ खेराङ खेकी खित्‍सादु परमेश्‍वर आत्‍माला मेलेबा लाङच्‍येते काम माकेत। परमेश्‍वर आत्‍मा ङेतेकी खित्‍सादुराङ परमेश्‍वरगी थे खोरोङगी साबे छोमु ख्‍योकोनलाङ पूरो खाला पापदुकी टाल्‍ला थे खोरोङताङ देत ज्‍युत्‍क्‍यो सिन टोक माज्‍येत।

एफिसी 4:30 Iomraidhean Croise

मर्कूस 3:5

थेबा थोक खाईन छ्याःङ मिसिरा खाईन देता थोङजीन थेला स्‍येदाङ लासुङ। थेमे थेबाला रकस्‍यिक ताकीन देत्‍सुङ। थेला सेमला दुक्‍पाङ लासुङ। च्‍यिला सासीन दया माया सिराते थेबे सेमला छ्याःङ मेतान, परमेश्‍वर बात ङेन्‍च्‍ये सेमोङ मेतान। थेमे थेकी थे लाक्‍पा काम्‍बाते मिला “खुईते लाक्‍पा स्‍योङते,” सिन सिदुक। थे मिकीङ लाक्‍पा स्‍योङजीन लेमु खाला चले खिता थुप्‍च्‍या गाल्‍सुङ।

लूका 21:28

थोगी थोक थोक ज्‍यीबा लाङच्‍या ओङा थोङजीन ख्‍योकोन सेम मासेत। बरू था दुक्‍पादुकी ठाल्‍च्‍ये बेला लेपा खासुङ सिन गा खि,” सिन सिदुक।

यूहन्‍ना 3:33

थेकी साबाते बात ङेन्‍कान्‍ते मिकीचेन परमेश्‍वर साँचोते बातकामा खित्‍कान्‍ते ईन सिरच्‍येते बातला पक्‍काराङ ईन सिन सिओ।

शक्ति काम 7:51

ङे थाल्‍लासाक खाबाते बात थोकान ख्‍योकोन गाङेराङ जति सासीनोङ टेरेराङ मिक्‍किच्‍या स्‍यिङ दो च्‍योकराङ गाल्‍ला दुक। ख्‍योकोनते नामज्‍योक थुक्‍पु गाल्‍ला दुक। ख्‍योकोनचेन परमेश्‍वरगी साबाते ङेनराङ मेङेन्‍दुक। ख्‍योकोन खेराङ ज्‍युज्‍यु पुर्खा च्‍योकराङ गाल्‍ला दुक। थेबेकी खाबा च्‍योकराङ ख्‍योकोनोङ परमेश्‍वर आत्‍मेकी साबाते ङेनराङ मेङेन्‍दुक।

रोमी 8:11

परमेश्‍वर थे खोरोङ आत्‍मा ख्‍योकोन सेमदु ओतेकी येशू ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरगीराङ था स्‍यिनामेई रूल्‍ला डोच्‍येते ख्‍योकोन जीउ खुदुक जोला सोम्‍बो लोइओ। दोकचेन थेकी ख्‍योकोन सेमदु ओताते थे खोरोङ आत्‍मे छ्य्‌वापेई खिओ।

रोमी 8:23

ईन्‍दाका ङुरूङोङ थोरूमसाक दुक्‍पालाराङ देता फापा ओतेकी ङुरूङ सेमलाङ ढुक्‍क मेत। परमेश्‍वरगी ङुरूङला थे खोरोङ आत्‍मा बिन्‍दा ओतेकी थेकी खिओ साबाते ज्‍येनोङ था गाङे साबा च्‍योकराङ खिओ। परमेश्‍वर आत्‍मा ङेता ओत्‍सीनोङ परमेश्‍वरगी ङुरूङला स्‍या फाप्‍सादुकी टाल्‍ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्‍य्‌वाच्‍येते दिन नामराङ लेबोङा सिन ङुरूङ गुकीन देता ओत।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 15:54

होदोक खुदुक ओङगीन सिन्‍नामेईचेन परमेश्‍वर बातला “था कालगी सुङलाङ छ्याःङ खिता मुथुप्‍च्‍या खाईन परमेश्‍वरगी कालला पूरो खाईन ग्‍याला ओत,” सिन टिबा ओताते बात साबा च्‍योकराङ ओङगो।

१ थिस्‍सलोनिकी 5:19

थेमे परमेश्‍वर आत्‍मेकी खिता चालाते काम रोके माकेत,

हिब्रू 10:29

होथोक्‍ते मिकीनी थोक ज्‍यीबा लाङच्‍याई सजाय ङेत्‍क्‍यो सासीन परमेश्‍वर फुज्‍युङला काम्‍बे पुज्‍या छेदोङ गने मिक्‍किकान्‍ते, दाक्‍पोन सेम खुदुक जोच्‍येते जमान पूरो खित्‍कान्‍ते परमेश्‍वर फुज्‍युङ ठाकला छ्याःङ काम लै मिक्‍किच्‍येते च्‍योक ठाने खित्‍कान्‍ते थेमे मिओनला दया खित्‍कान्‍ते परमेश्‍वर आत्‍मे विरोध खित्‍कान्‍ते मिकी झन चुक ज्‍यीबा लाङच्‍याई सजाय ङेदोङा सिन ख्‍योकोन खेराङराङ विचार खि।

हिब्रू 3:10

ङे जति लाःप्‍जीन कोत्‍जीनोङ थेबेकी ङे लाःपा कोताते माङेन्‍गीन ङाला स्‍येदाङ लाबेकी ‘थेबा जहिलेङ खोपरोङ खुशीलाकामा ख्‍याम्‍गीदुक, ङे खि सिन साबाते थेबेकी ङेनराङ मेङेन्‍दुक,’ सिन साबान।

हिब्रू 3:17

थेमे लो खाल ङि ङिसाक परमेश्‍वरला स्‍येदाङ लोङगीनराङ देत्‍कान्‍तेबा सु ओताने याङ? च्‍यि थे बातला टेरे मिक्‍किता खाला पाप खित्‍कान्‍ते मिओनराङ मेनरो? थोक खित्‍कान्‍तेबानी गाङेराङ ठाःकताङ बालुवा बाई छ्याःङ मेत्‍से नाङलाराङ स्‍यिइन थेङलाराङ रूल्‍गीन गाला ओतान।