एफिसी 4:29 - जिरेल

²⁹ थोकराङ खाला ख्‍योकोनगी दोक्‍पोईकी ज्‍येनज्‍यीक सेमला फोक्‍च्‍येते बात नोमुङ माकेत। बरू सु मिला च्‍यि बेलाला चुक सिरा लेमु ओङच्‍या दुका थे विचार खाला बात खि।

एफिसी 4:29 Iomraidhean Croise

मत्ती 5:16

बात दोक ईन्‍देकी ख्‍योकोनगी लेमु काम खि। ख्‍योकोनगी खाबाते लेमुते काम थोङला परमेश्‍वरगी खित्‍सादुराङ ख्‍योकोनगी थोक खाबाते ईन सिन छ्या स्‍येला मिओनगी स्‍वर्गने देत्‍कान्‍ते ख्‍योकोन आबा परमेश्‍वरला मान खिओ।

लूका 4:22

थेकी खाबाते बात थोजीन थे मिओन छक्‍क परे खिन दिकी लोप्‍कीन ओताते बातनी ङेन्‍गीनराङ देत्‍की सिराच्‍योक दुक सिन बात खिताला स्‍यूसुङ। बात खिन खिन याङराङ थेबेकी “दि सु ईन्‍देरो? यूसुफ फुज्‍युङराङनी ईन,” सिनोङ सासुङ।

यूहन्‍ना 1:37

थेकी थोक सानामेई थे चेलातेबा ङिकाराङ येशू तिङ ङ्योगीन गाल्‍सुङ।

रोमी 14:19

बात दोक ईन्‍देकी ङुरूङगी दाक्‍पोन नाङ मिडिक्‍च्‍येते होदोक्‍ते बात खिता ताङला डिक्‍ला थुन्‍ला देता फाप्‍क्‍यो। थेमे चुक खासीन दाक्‍पोन नाङ लेमु ओङगीका थोकराङ खित्‍च्‍ये छ्य्‌वापाकामा गाङेकी स्‍येत खिता फाप्‍क्‍यो।

रोमी 15:2

ङुरूङगी थेबाङ दाक्‍पोन च्‍योकराङ ईन सिन सम्‍झे खाला थेबाङ पाको डोरस्‍यीत सिन चुक खासीन थेबाला लेमु ओङगीका थोकराङ खिता फाप्‍क्‍यो।

१ कोरिन्‍थी 14:19

थोक ईन्‍सीनोङ ज्‍येनतेबाला लेमु ओङस्‍यीत सिन येशू ख्रीष्‍ट मिओन रूसादुचेन ङा ङाराङगी छ्या मास्‍येबाते खुदुक खुदुकते भाषाला आउदी काल्‍बासाक बात खिता भन्‍दा बरू गाङेकी खोबा थुप्‍च्‍येते बात ङिचो सुमजोराङ खाला लोप्‍क्‍यो।

एफिसी 4:12

परमेश्‍वर सन्‍तान गाङेकी परमेश्‍वरगी खाबाते थेमे थेकी च्‍यि खि सिते सिन छ्या स्‍येला खोपरोङगी खिता फाप्‍च्‍येते काम खिता थुप्‍स्‍यीत, दोक खाला ख्रीष्‍टकी जीउ च्‍योक ओङाते थेबा गाङेराङ डिक्‍ला चुक खासीन दाक्‍पोन नाङ लेमु ओङगीका थोकराङ खित्‍स्‍यीत सिनराङ मिओनला खुदुक खुदुक काम खित्‍च्‍येते होदोक्‍ते सीपताङ शक्ति बिन्‍दाते ईन।

एफिसी 4:16

थेमे ख्रीष्‍टकी थे खोरोङ मि गाङेला डिक च्‍युत्‍ला सेमज्‍यीकराङ खाला काम खित्‍कान जोला दोक्‍पोईकी ज्‍येनज्‍यीकला लेमु खित्‍स्‍यीत सिन थेबाला गोच्‍येते जति गाङे तेरग्‍यो। दोक ओङनामेई थेबा खोपरोङ नाङ ङिङज्‍ये खिन मि जीउ छारगीन ड्वापच्‍योक खाला ख्रीष्‍टकी थेबाला जस्‍तो ज्‍वा चाला ओतान थोकराङ डुइन डुइओ। दोक ओङाला थेबेकीङ दाक्‍पोन दाक्‍पोनगी खिता फाप्‍च्‍येते काम खिता फाप्‍क्‍यो।

कलस्‍सी 4:6

थेबाताङ बात खित्‍जीन थेबे सेमला फोक्‍च्‍येते बात मिक्‍किता खाला खा छ्येत लेमु खाला बात खि। थोक खासीन थेबेकी खइँदा बात ठिजीन थे बात चुक खाला सिरा लेमु ईन्‍ताका सिन विचार खाला लाःपा थुप्‍क्‍यो।

१ थिस्‍सलोनिकी 5:11

बात दोक ईन्‍देकी थातासाक खिन ओता च्‍योकराङ ख्‍योकोनगी ङुरूङ सुङगीङ सेम सेता माफाबो साला दोक्‍पोईकी ज्‍येनज्‍यीकला आँट बिन।

१ पत्रुस 2:12

परमेश्‍वरला छ्या मेस्‍येकान्‍ते खेराङला मेलेबा मि ईन सिरकान्‍ते मिओन नाङराङ देता ओत्‍सीनोङ काम बात जे खित्‍जीनोङ ख्‍योकोनगी लेमुतेकामा खि। दोक खाईन ख्‍योकोनगी लेमुकामा खानामेई था परमेश्‍वरगी वाला मि गाङे न्‍याय खिते छोमु ख्‍योकोनला मेलेबा मि सिन सिरकान्‍ते होथे मिओनगी ख्‍योकोन थोक्‍ते मि मेन्‍दाक्‍वा सिन छ्या स्‍येला परमेश्‍वरते जय जय खिओ।

१ पत्रुस 3:1

थोकराङ खाला फेम्‍मे मिवे, ख्‍योकोनगी दाक्‍पोन ख्‍योबो अधीनला देत्‍ला थेबाला मान खि। थेबा कोईकी परमेश्‍वर बात ङेन्‍दा मेत्‍सीनोङ ख्‍योकोन चालचलनताङ बानी लेमु थोङनामेई थेबाला थे बात ङेन सिन सिराराङ माफापा खाला थेबेकीङ प्रभु येशूला विश्‍वास खिता थुप्‍क्‍यो।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।