एफिसी 4:28 - जिरेल

²⁸ गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

एफिसी 4:28 Iomraidhean Croise

लूका 19:8

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

लूका 3:8

ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो। ख्‍योकोनबरीचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

यूहन्‍ना 12:6

दुक्‍पा ङेताते मिओनला ङिङज्‍ये खितेकी थेकी थोक साबा मेतान। थेचेन चोर ओतान। थेबा गाङे पैसा ज्‍य्‌वाकान्‍ते थेराङ ओतान। थेमे थे खोरोङला गोबे बेलाला थेकी थे पैसाराङ थेन्‍ला चले खिन ओतान।

यूहन्‍ना 13:29

थेबा गाङे पैसा यहूदेकीराङ ज्‍य्‌वाकीन ओतान। थोगी चेलातेबा कोईकीचेन थेकी यहूदाला थोक साबाते चाड माने खिताला च्‍यि च्‍यि गोकीते ङ्यो साबाते ईन्‍दा, ना दुक्‍पा ङेताते मिओनला खइँदा बिन साबाते ईन्‍दा सिन विचार खासुङ।

रोमी 12:13

परमेश्‍वर सन्‍तान नाङ दुक्‍पा ङेतातेबाताङ गोला सो। खाम्‍बादु वाबाते मि गाङेला लेमु खि।

१ कोरिन्‍थी 4:12

साप थुङाताङ खोन्‍दे लाईदु ङ्योकोन स्‍याप स्‍याप खाला काम खिओ। ङेराङला मोता सराप खित्‍कान्‍ते मिओनला ङ्योकोन आशी तेरग्‍यो। थेमे ज्‍येनगी खेदापानी खित्‍जीनोङ ङ्योकोन छ्याःङ मिक्‍किता खाला खपेराङ खाला देत्‍क्‍यो।

२ कोरिन्‍थी 8:12

ख्‍योकोनते तेरच्‍येते सेम ओत्‍सुङ सासीन खेराङगी जति तेरा थुप्‍कीदुक थोस्‍यिकराङ बिन्‍सीनोङ परमेश्‍वरला लेमुराङ लाङगो। खेराङताङ ओतराङ मेतातेका परमेश्‍वरगी बिन सिनोङ मिसिरो।

२ कोरिन्‍थी 8:2

खोपरोङगी आउदी खाईन दुक्‍पा ङेता ओत्‍सीनोङ थेमे ज्‍येनगी तेरासम्‍म दुक्‍पा बिन्‍सीनोङ थेबा आउदी गा खिन देत्‍सुङ। दोक खाला गा खिन देत्‍कीन थेबेकी खोपरोङताङ छ्याःङ मेत्‍सीनोङ दुक्‍पा ङेताते ज्‍येनला मद्धत खिताला खोपरोङगी तेरा थुपासम्‍म बिन्‍सुङ।

गलाती 6:10

बात दोक ईन्‍देकी ज्‍येनला लेमु खित्‍च्‍येते मौका ओत्‍केलाराङ ङुरूङगी मि गाङेला लेमु खिता फाप्‍क्‍यो। थोरूम काल्‍बा च्‍योक्‍तेचेन ङुरूङगी येशू ख्रीष्‍टला विश्‍वास खाईन खाम्‍बाज्‍यीक मि च्‍योकराङ ओङा ओताते मिओन नाङ दोक खिता फाप्‍क्‍यो।

१ तिमोथी 6:18

थेबाला सम्‍पत्ति सोक्‍पा साटोला ज्‍येनलाङ ता फाप्‍क्‍यो सिन खोपरोङ सम्‍पत्ति ज्‍येनताङ गोला सो सि। दोक खिन लेमुते कामकामा खि सि।

तीतस 3:14

दोक खाला सुङगीङ दाक्‍पोनला छ्याःङ काम लै मिक्‍किच्‍येते मि मिसिरस्‍यीत सिन येशू ख्रीष्‍ट मिओनगीचेन सुइँदाला खाँचो परे खाबे बेलाला खइँदा तेरा फाप्‍सीन थोक खिता फाप्‍च्‍याक्‍वा सिन गाङेकी लोप्‍स्‍यीत।

तीतस 3:8

दि बात साँच्‍चीराङ ईन्‍दाते बात ईन। थोगी ङा खोल्‍ला च्‍यि सिते सासीन परमेश्‍वरला विश्‍वास खित्‍कान्‍ते थेरू मिओनगी लेमुते काम खित्‍च्‍ये छ्य्‌वापाकामा सेम लै खाला थोकराङ खित्‍स्‍यीत सिन थेबाला दि बात दोरे खाला खाला लाप्‍ला बिन। दि बात लेमु ईन्‍देकी मिओनगी ङेन्‍सुङ सासीन गाङेला लेमु ओङगो।