एफिसी 4:27 - जिरेल

²⁷ थोक माक्‍यासीन शैतानगी ख्‍योकोनला ङ्ये ज्‍युत्‍च्‍येते मौका ङेत्‍क्‍यो। ख्‍योकोनगी थेला थोक खित्‍च्‍येते मौका मातेर।

एफिसी 4:27 Iomraidhean Croise

शक्ति काम 5:3

थे पैसा खुलानामेई पत्रुसकी थेला “हननिया, खो च्‍यिला खाम्‍बादु पैसा ज्‍याक्‍ला स्‍यीङ च्‍वाबाते पैसा दोस्‍यिकराङ ईन सिते? दोक खाला च्‍यिला खो ल्‍हन्‍डीक गेल्‍बो शैतानताङ डिक्‍ला परमेश्‍वर आत्‍माला ढाँर खिता छोल्‍गीते? खुई च्‍यिला दोक खाबे?

रोमी 12:19

ङिङज्‍येते आज्‍यो न्‍वावे, ख्‍योकोनगी खेराङला मेलेबा खित्‍कानला नोमुङ स्‍येदाङ मासेत। थोक्‍ते मिओनला परमेश्‍वरगीराङ छ्येन विचार खिओ सिरच्‍येते बात टोक माज्‍येत। “ज्‍येनला मेलेबा खित्‍कान्‍तेबाला स्‍येदाङ सेत्‍च्‍येते काम ङेते ईन। ङा सु सुला चुक चुक खिता फाप्‍कीते थोकराङ खाला किम्‍बा ज्‍येल्‍ग्‍यो,” सिन प्रभु परमेश्‍वर थे खोरोङगीराङ साबाते बात परमेश्‍वर बातला टिबा ओत।

एफिसी 6:11

थेमे शैतानताङ जीङाला परमेश्‍वरगी तेरच्‍येते हात हतियार जति गाङे खुरला खोन्‍ला देत। थोक खाईन देत्‍सीन खेराङला परमेश्‍वर छ्य्‌वापेई डेलाला शैतानगी जतिराङ च्‍याङबो खाईन काम खासीनोङ थेते छ्याःङ सीप लै मिक्‍किओ।

एफिसी 6:16

दोस्‍यिककामा मेन, येशू ख्रीष्‍टला विश्‍वास खिन देता नोमुङ मातोङ। थेला विश्‍वास खिन देत्‍च्‍येतेचेन लाःक्‍तु ढाल खुराते ईन। ढाल खुरा ओत्‍नामेई ख्‍योकोनला मेलेबा खित्‍कान्‍ते शैतानगी टुप्‍पोदु मे पारगीन ग्‍यापाते दा गाङे रोके खाला थे मे सेता थुप्‍क्‍यो।

याकूब 4:7

थोक ईन्‍देकी था ख्‍योकोनगी परमेश्‍वर अधीनला देत्‍ला थेकी खि साबा च्‍योकराङ खि। शैतानगी जे सासीनोङ थे बात ङेनराङ माङेन। दोक खानामेई ख्‍योकोनला दुक्‍पा तेरा ताङला शैतान दाक छ्योङगो।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।