एफिसी 4:26 - जिरेल

²⁶ सुइँदाताङ स्‍येदाङ लासीन स्‍येदाङगी खित्‍सादु मेलेबा काम माकेत। सुङताङ स्‍येदाङ मोसोक्‍पा खाला थे छोमुराङ थे बात डिक्‍पा खाला टोक ज्‍येत।

एफिसी 4:26 Iomraidhean Croise

मत्ती 5:22

ङाचेन ख्‍योकोनला च्‍यि सिते सासीन सुइँदा दाक्‍पोन आज्‍यो न्‍वाताङ स्‍येदाङ खासुङ सासीनकामाङ थेलाङ सजाय तेरा फाप्‍क्‍यो। थेमे आज्‍यो न्‍वाला खो ङ्येबे ङ्येस्‍यु सिन सिरकान्‍ते मिला सजाय बिन सिन छ्ये छ्ये मि रूसादु खेरा फाप्‍क्‍यो। थेमे आज्‍यो न्‍वाला खोनी ठुङराङ माठुङसीन ओङच्‍या ओतान सिन सिरकान्‍ते मिनी झन सजाय ङेत्‍ला नरककुण्‍डमा मे नाङराङ स्‍यूइओ।

मर्कूस 10:14

चेलातेबेकी थोक खाबाते येशूला लेमु मालाकीन स्‍येदाङ लासुङ। थेमे थेकी थेबाला “फिजाओनला दुरू खुला माङ सिन माङार। थेबाला ङा ओत्‍सादु ओङ छ्युत। दि फिजाओन थेमे होदिबा च्‍योकराङ ङा ङाराङ ईन सिराच्‍योक मिक्‍किकान्‍ते मिओनराङ परमेश्‍वर राज्‍यने स्‍यूक्‍पा ङेत्‍क्‍यो।

मर्कूस 3:5

थेबा थोक खाईन छ्याःङ मिसिरा खाईन देता थोङजीन थेला स्‍येदाङ लासुङ। थेमे थेबाला रकस्‍यिक ताकीन देत्‍सुङ। थेला सेमला दुक्‍पाङ लासुङ। च्‍यिला सासीन दया माया सिराते थेबे सेमला छ्याःङ मेतान, परमेश्‍वर बात ङेन्‍च्‍ये सेमोङ मेतान। थेमे थेकी थे लाक्‍पा काम्‍बाते मिला “खुईते लाक्‍पा स्‍योङते,” सिन सिदुक। थे मिकीङ लाक्‍पा स्‍योङजीन लेमु खाला चले खिता थुप्‍च्‍या गाल्‍सुङ।

याकूब 1:19

थेमे ङिङज्‍येते आज्‍यो न्‍वावे, दि बात टोक माज्‍येत। च्‍यि सासीन खेराङला लोप्‍कान्‍ते मिओन बातला लेमु खाला नामज्‍योक सेत, बात खित्‍जीन लेमु खाला विचार खालाकामा खि थेमे होत्ता स्‍येदाङ खित्‍च्‍येते बान्‍दा माकेत।

याकूब 1:20

स्‍येदाङ खित्‍कान्‍ते मिकी परमेश्‍वरगी खि साबाच्‍योक खाला लेमु काम खिता मुथुबो।