एफिसी 4:23 - जिरेल

²³ खेराङ सेम लेमु ओङाते मि ओङा फाप्‍क्‍यो सिन ख्‍योकोनगी परमेश्‍वरला खेराङ सेम खुदुक जोला नाङ सि।

एफिसी 4:23 Iomraidhean Croise

रोमी 12:2

था ख्‍योकोनगी परमेश्‍वरला माने मिक्‍किकान्‍ते दि सा लुङबे मिओनते च्‍योक्‍ते चालचलनताङ बानी बिवारा गाङे थोङ। खेराङ सेम परमेश्‍वरला खुदुक जोला नाङ साला ख्‍योकोन सेम लेमु ओताते मि ओङा फाप्‍क्‍यो। दोक ओङनामेई परमेश्‍वरगी खेराङला च्‍यि च्‍यि खि सिरच्‍या ईन्‍दाका सिन ख्‍योकोनगी लेमु खाला छ्या स्‍येबा थुप्‍क्‍यो। दोक खाला ख्‍योकोनगी परमेश्‍वरला मन परे खित्‍च्‍येतेताङ लेमुते काम च्‍यि ईन्‍दाका सिन डेला थुप्‍क्‍यो।

रोमी 6:4

थोक खाला बप्‍तिस्‍मा तेरजीन ङुरूङ थेत्ताङराङ स्‍यिइन दिबाते ईन। आबा परमेश्‍वरगी थे खोरोङ छ्येज्‍यीक शक्तिकी ख्रीष्‍टला स्‍यिसादुकी सोम्‍बो लोक्‍पा ओत। था ङुरूङगी गोमाबा खाबाच्‍योक पाप मिक्‍किता खाला थे खोरोङगी खि साबा च्‍योकराङ खिता थुप्‍स्‍यीत सिन परमेश्‍वरगी ख्रीष्‍टला बिन्‍दा च्‍योक्‍ते साम्‍बाते जुनी ङुरूङलाङ बिन्‍दा ओत।

रोमी 8:6

दाक्‍पोन खुशीला ख्‍याम्‍कान्‍ते मिचेन थोक खाबेकी खित्‍सादु सजाय ङेत्‍ला स्‍यिइओ। परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो। थेमे सेमला ढुक्‍क लोङगो।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

कलस्‍सी 3:10

खेराङ बानी खुदुक गाल्‍गीन लेमु कामताङ बात खिताला स्‍यूबा ओत। परमेश्‍वरगीराङ ख्‍योकोन बानी दोक लेमु जोबाते ईन। थे खोरोङ चुक्‍ते ईन्‍दाका सिन झन लेमु खाला छ्या स्‍येस्‍यीत थेमे थे खोरोङ च्‍योकराङ लेमु डुइन डोरस्‍यीत सिन परमेश्‍वरगी ख्‍योकोन बानी झन झन लेमु जोइन ओत।

तीतस 3:5

ङुरूङला पापकी सजायदुकी टाल्‍सुङ। थेकी थोक खाबाते ङुरूङगी थेकी खि साबा साबाच्‍योक खाबेकी खित्‍सादु मेन। ङुरूङला आउदी खाला ङिङज्‍ये खितेकी खित्‍सादुकामा थेकी थोक खाबाते ईन। थेकी ङुरूङला ठु खाईन चोके खाबाच्‍योक खाईन परमेश्‍वर आत्‍मे छ्य्‌वापेकी लोईन केर च्‍युताच्‍योक खाईन साम्‍बाते जुनी बिन्‍गीन खुदुक जोसुङ।

१ पत्रुस 1:13

परमेश्‍वरगी ख्‍योकोनला दोक लेमु खाबा ओतेकी था ख्‍योकोनगी थेकी खि साबाते काम खित्‍च्‍ये छ्य्‌वापाकामा स्‍येत खि। दाक्‍पोन सेम काबूला स्‍योक। थेमे येशू ख्रीष्‍ट ग्‍युरला ओङे छोमु परमेश्‍वरगी ख्‍योकोनला दया खाला पूरो खाला पापदुकी टाल्‍ला लेमु खिओ साबाते पक्‍काराङ खिओ सिन खेराङगी आश खाईन देता च्‍योकराङ ओङगो सिन टोक माज्‍येत।