एफिसी 4:22 - जिरेल

²² था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

एफिसी 4:22 Iomraidhean Croise

रोमी 6:6

लोक्‍ला दि बादोङ ङुरूङला छ्या ओत। च्‍यि सासीन ख्रीष्‍टला स्‍यिङगी थामला टाँए खाला सेत्‍जीन ङुरूङते मेलेबा कामताङ बात खित्‍च्‍येते बानी खुदुक गाल्‍ला पाप खिता तोङस्‍यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्‍योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्‍योक खाला पाप खिन देताराङ माफाबो।

रोमी 7:11

ङाराङ सेमला पाप ओतेकी खित्‍सादु परमेश्‍वर नियमला माकेत साबा साबा खासीन ओङगो सिन ङा छक्‍के खाईन ङे थेरू माकेत साबा साबाते कामराङ खाबाप। थोक खाईन पाप खानामेई ङा थे नियमगी तोके खाबाते पापकी सजाय भोगे खाला स्‍या फाप्‍च्‍या ओङाते ईन।

२ कोरिन्‍थी 11:3

थाङबो रूलगी हव्‍वाला आउदी च्‍याङबो खाईन छक्‍के खाबा च्‍योकराङ खाला सुइँदेकी ख्‍योकोनलाङ छक्‍के खाला ख्रीष्‍टकी साबाते ङेन्‍ला थेत्ताङकामा डिक्‍ला देत्‍से छ्य्‌वापेकी डेल्‍गीता सिन ङाला आउदी ज्‍यीबाङ लाङगीदुक।

गलाती 1:13

ङा गोमा चुक्‍ते मि ओताने सिन ख्‍योकोनगीङ लेमु खाईन थोबाराङ ओतासीन। थेजीन ङा आउदी खाला यहूदी धर्म माने खिन ओतान। थोगी ठाउँ ठाउँला जम्‍मा ओङकान्‍ते परमेश्‍वर मि दोक्‍पोईलाङ सोम्‍बो ज्‍य्‌वाबा मेङगो सिन ङे थेबाला गाङेपा खेदा खाईन खाईन दुक्‍पा बिन्‍गीन थुपासम्‍म थेबेते दर सन्‍तानराङ तोर ज्‍युता चालाप।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

एफिसी 4:17

थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

एफिसी 4:25

थोगी ख्‍योकोनगी ढाँर खिता ताङला दोक्‍पोईकी ज्‍येनज्‍यीकताङ साँचोते बातकामा खि। च्‍यिला सासीन ङुरूङ गाङेराङ जीउज्‍यीगी लाक्‍पा, काम्‍बा, मिक च्‍योक्‍ते ईन।

एफिसी 4:31

थेमे सुङताङ स्‍येदाङ खुरला मादेत, पालोईला स्‍येदाङ फुङ पुङच्‍येते माकेत, सुङताङ स्‍येदाङ माकेत, ज्‍येनताङ थोम्‍मु माकेत, सुङलाङ मामोत, मि बात खित्‍च्‍येते होदोक्‍ते बानी गाङे थोङ।

कलस्‍सी 2:11

ख्रीष्‍टताङ जीउज्‍यीकराङ ओङगीन ख्‍योकोन खतकी चिनु जोबाते मि ओङा ओत। दोक साबाते ख्‍योकोनला सुइँदेकी जीउला खतकी चिनु जोकीन बिन्‍दाते मेन, बरू ख्रीष्‍टकी खेराङ मेलेबा सेम खुदुक जोबा ओतेकी था ख्‍योकोन खुदुक मि ओङा ओत साबाते ईन।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 3:13

थोगी परमेश्‍वर बात ङेन्‍दा ताङला पाप खाला परमेश्‍वर छ्य्‌वापेई ठाला माफाप्‍स्‍यीत सिन परमेश्‍वर बात ङेन्‍दा फाप्‍क्‍यो सिन ख्‍योकोनगी दोक्‍पोईकी ज्‍येनज्‍यीकला ङीमे ठाङमा सिन देत। खेराङगी “थरिङ दिन” सिरा ङेत ङेतसाकराङ ख्‍योकोनगी दोक खिनराङ देत।

याकूब 1:21

दोक ईन्‍देकी ख्‍योकोनगी मि गाङेकी खिन ओताते खिता मेङच्‍या मेलेबा मेलेबा खित्‍च्‍येते बानी थोङ। थेमे होदोक्‍ते ज्‍येनोङ मेलेबाते काम खिता गाङे थोङ। थेमे ङेल्‍ला दि बात मोगोओ सिराच्‍योक मिक्‍किता खाला परमेश्‍वरगी खेराङला खो च्‍युताते बात लेमु खाला ङेन। परमेश्‍वर बात ङेन्‍गीन साबा च्‍योकराङ खासीन ख्‍योकोनगी पापकी सजाय भोगे खिता माफाबो।

याकूब 1:26

सुइँदेकी ङानी परमेश्‍वरगी खि साबाच्‍योक खित्‍कान्‍ते मि ईन खिदुक तर खोपरोङ खाचेन थाताला मोज्‍योदुक सासीन थोक्‍ते मिकीनी दाक्‍पोनगी ठुबाते डालुमला दाक्‍पोनराङ स्‍यूक्‍च्‍येते काम खाबाते ईन। थोक्‍ते मिकी जस्‍तोराङ लेमु काम खासीनोङ थोक खाबेकी थेला छ्याःङ फाइदा मेङगो।

१ पत्रुस 1:18

मोल च्‍याल्‍गीनकामा खेराङ ज्‍युज्‍यु पुर्खे पालोमेकी चले खिन वाबाते छ्याःङ काम लै मिक्‍किच्‍येते रीतिथिति छ्य्‌वापेकी खेराङला टालाते ईन सिन ख्‍योकोनला छ्याराङ ओत। थोक खिताला च्‍यालाते मोल सेरताङ चाँदी मेतान। सेर चाँदीनी ङीमाई छ्याःङ काम लै मिक्‍किच्‍या डुइओ।

१ पत्रुस 4:3

ईन्‍दालाचेन गोमाबा ख्‍योकोनगीङ परमेश्‍वरला ङो मेस्‍येकान्‍ते मिओनगी च्‍योकराङ खिन तोङासम्‍म समय ताङा ओतान। च्‍यि सासीन थेजीन ख्‍योकोनगी ङोचा लाङच्‍येते कामओन खिन ओतान, दाक्‍पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्‍सीकी जिलाकामा देत्‍कीन ओतान, ज्‍येनताङ रूला भक्‍कुचूर सोला थुला मोज मज्‍जा खिन ओतान थेमे ल्‍हा लु माने खिन खिता ओङराङ मेङच्‍येते काम खिन ओतान।

२ पत्रुस 2:13

थेबेकी ज्‍येनला जस्‍तो मेलेबा खाला दुक उस्‍तोराङ खाला परमेश्‍वरगी थेबालाङ मेलेबा खिओ। थेबेकीनी ङीमे खोङलाराङ खोपरोङला खिता सेम लाबा लाबा खिओ। ख्‍योकोनताङ ङ्योम्‍बु रूला साजीन थुङजीन थेबेकी ख्‍योकोनलाङ खोपरोङ मेलेबा बानी बिवाराराङ लाप्‍ला खोपरोङ च्‍योकराङ जोइओ। ख्‍योकोनलाङ खोपरोङगी च्‍योकराङ खिता लोप्‍जीन थेबाला गा लाङगो।

२ पत्रुस 2:7

थे सारओन थोक खाला नाश तोङे बेलाला सदोम सारदुराङ देता ओताते लोतलाचेन थेकी थेरूकी तेन्‍गीन जोए खाबा ओतान। लोत परमेश्‍वरगी खि साबा साबाच्‍योक खित्‍कान्‍ते मि ओतान। थे सारगी मिओनगी खिता मेङच्‍या आउदी मेलेबा मेलेबा ङोचा लाङच्‍या काम खाबा थोङजीन थेला आउदी मेलेबा लाबा ओतान।