एफिसी 4:19 - जिरेल

¹⁹ थेबे सेमचेन स्‍यिङ दो च्‍योकराङ स्‍येन्‍दे गाला ओतेकी खिता मेङच्‍येते काम खित्‍जीनोङ थेबाला छ्याःङ च्‍योक मालाङो। दोक गालेकी थेबेकी खिता मेङच्‍येतेताङ ङोचा लाङच्‍येते कामकामा खिन देत्‍क्‍यो। होथोक्‍ते काम माक्‍याबाला ओङराङ मेङगो सिराच्‍योक खाला थेबेकी झन झन होथोक्‍ते कामकामा खिता छोल्‍ग्‍यो।

एफिसी 4:19 Iomraidhean Croise

मर्कूस 7:22

थेमे लोभ खित्‍च्‍येते ईन। दोस्‍यिककामा मेन, ज्‍येनोङ मेलेबा मेलेबा काम खित्‍च्‍येते, मिला ठगे खित्‍च्‍येते, ङोचा लाङच्‍येते कामओन खित्‍च्‍येते, मिला डार खित्‍च्‍येते, ज्‍येनला मोत्‍च्‍येते, ङा ङाराङ ईन सिराच्‍योक खित्‍च्‍येते थेमे विचार मिक्‍किता खाला कामताङ बात खित्‍च्‍येते ईन।

एफिसी 4:17

थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

कलस्‍सी 3:5

थोगी था ख्‍योकोनगी दाक्‍पोन खुशी खिन दाक्‍पोनला च्‍यि च्‍यि खिता सेम लाङगीका थोकराङ खिन देता थोङ। च्‍यि सासीन रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम माकेत, होदोक्‍ते काम माक्‍याबाला ओङराङ मेङगो सिराच्‍योक माकेत, लोभ माकेत, लोभ खित्‍च्‍येतेनी परमेश्‍वर लाईदु ल्‍हा लु माने खाबा छेतराङ मेलेबा ईन।

१ तिमोथी 4:2

ढाँर खित्‍कान्‍तेबेकी होथे ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात लेमु बात ईन सिन ज्‍येनला लोप्‍क्‍यो। थोक्‍ते मि सेमचेन स्‍यिङ दो च्‍योकराङ स्‍येन्‍दे गाला ओतेकी खोपरोङगी थोक मेलेबा बात लोप्‍जीनोङ छ्याःङ च्‍योक मालाङो।

१ पत्रुस 4:3

ईन्‍दालाचेन गोमाबा ख्‍योकोनगीङ परमेश्‍वरला ङो मेस्‍येकान्‍ते मिओनगी च्‍योकराङ खिन तोङासम्‍म समय ताङा ओतान। च्‍यि सासीन थेजीन ख्‍योकोनगी ङोचा लाङच्‍येते कामओन खिन ओतान, दाक्‍पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्‍सीकी जिलाकामा देत्‍कीन ओतान, ज्‍येनताङ रूला भक्‍कुचूर सोला थुला मोज मज्‍जा खिन ओतान थेमे ल्‍हा लु माने खिन खिता ओङराङ मेङच्‍येते काम खिन ओतान।

२ पत्रुस 2:22

थेबे काम ताजीन दि उखानताङ डिइदुक। चुक सासीन “किकी ग्‍युरला गाल्‍ला थे खोरोङ क्‍युबाराङ दाइओ।” थेमे “फाक्‍पाला साङसाङ खाईन टुकीन बिन्‍सीनोङ लोक्‍ला हिलो नाङराङ गाल्‍ला ढलीमली खिओ।”

यहूदा 1:11

था थेबाला आउदी मेलेबा ओङगो। च्‍यिला सासीन थेबेकी कयिनगी खाबा च्‍योकराङ खिदुक। पैसे लोभ खाईन बालामगी खाबा च्‍योकराङ मेलेबा काम खिदुक। थेमे कोरहेकी च्‍योक खाला छ्ये छ्ये मि विरोध खिदुक। दोक खाबेकी थेबाङ कोरह च्‍योकराङ सजाय ङेत्‍ला स्‍यिइओ।

छ्या स्‍ये च्‍युताते बात 18:3

च्‍यिला सासीन गाङे लुङबा लुङबे मि बेबिलोनगी खि साबा च्‍योकराङ खाईन खिता मेङच्‍येते ङोचा लाङच्‍येते काम खाईन आउदी खाईन अंगूर छ्याङगी जाप च्‍योकराङ गाला ओतान। दि सा लुङबे गेल्‍बोओनगी थेत्ताङ डिगीन थेकी खिन ओता च्‍योकराङ खिता मेङच्‍येते ङोचा लाङच्‍येते काम खाबा ओतान। दि सा लुङबे बेपारीओन थेरू मोज मज्‍जा खिताला गोच्‍येते सामानओन च्‍वाकीनराङ आउदी छ्युक्‍पु गालाते ईन,” सिन ओतान।