एफिसी 4:17 - जिरेल

¹⁷ थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

एफिसी 4:17 Iomraidhean Croise

लूका 16:28

ङेते न्‍वा ङाटीक ओत। थेकी गाल्‍ला थेबाला ङे खाबाच्‍योक मेलेबा काम खिता ताङला लेमु काम खि सिन लाःप्‍स्‍यीत। थोक खासीन थेबेकी ङे च्‍योकराङ देमा स्‍यूला दि दुक्‍पा भोगे खिता माफाबो,’ सिन सादुक्‍लो।

शक्ति काम 14:15

“ए ख्‍योकोनगी दोक च्‍यि खिता चाले? ङ्योकोन ल्‍हा मेन। ङ्योकोनोङ ख्‍योकोन च्‍योक्‍ते मिराङ ईन। ङ्योकोननी दुरू ख्‍योकोनला गा लाङच्‍येते बात लोपालाका वाबाते ईन। च्‍यि सासीन ख्‍योकोनगी थातासाक ल्‍हा सिन माने खाबातेबाला माने खिता माफाबो। थेबा ल्‍हा मेन। थेबाला माने खिता ताङला बरू सोम्‍बोते परमेश्‍वर छ्य्‌वापा लै खाला थेला माने खि। थेकीराङ दि सा नाम, समुन्‍द्र थेमे ओतातेबरी जति गाङे जोबाते ईन।

शक्ति काम 18:5

सिलासताङ तिमोथी म्‍यासिडोनियादुकी थेरू वानामेकीचेन ज्‍येनते काम ताङगीन पावलगी खालि गा लाङच्‍येते बातकामा लोपाला स्‍यूसुङ। थेकी यहूदीओनला येशूराङ परमेश्‍वरगी तोङगो साबाते ख्रीष्‍ट ईन सिन ठोके खाईन लाप्‍सुङ।

शक्ति काम 2:40

बात खिन खिन पत्रुसकी थेबाला लोईन “पाप खाबेकी खित्‍सादु दि लुङबे मिओन गोःनामा परमेश्‍वर सजाय फाप्‍कीन सिन्‍दा ओत। थे सजायला माफाप्‍स्‍यीत सिन ओर्च्‍ये ङे बात ङेन्‍ला था ख्‍योकोनगीचेन ज्‍येन च्‍योकराङ खिन मादेत, पाप खिता थोङ,” सिन सासुङ।

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

रोमी 1:21

थे सु ईन्‍दे, चुक्‍ते ईन्‍दे सिन छ्या स्‍येकीन स्‍येकीनोङ मिओनगी थेला खोराङ परमेश्‍वर ईन सिन मान माक्‍यासुङ। थेकी चुक लेमु खासुङा सिन धन्‍यवादोङ माबिन्‍सुङ। दोक खाईन थेबेकी थेला छ्याःङ वास्‍ता माक्‍याबेकी थेबा लेम्‍बा गाल्‍गीन थेबे सेमगी नाङ पापताङ लोभकामा ठुङाला स्‍यूसुङ।

१ कोरिन्‍थी 1:12

चुक सासीन ख्‍योकोन कोईकी “ङा पावलगी साबाते ङेन्‍कान्‍ते ईन,” खिदुक्‍लो, कोईकी “ङा अपोल्‍लोसकी साबाते ङेन्‍कान्‍ते ईन,” खिदुक्‍लो। लोक्‍ला कोईकी “ङा पत्रुसकी साबाते ङेन्‍कान्‍ते ईन,” खिदुक्‍लो सासीन ज्‍येनज्‍यीगीचेन “ङानी ख्रीष्‍टकी साबातेकामा ङेन्‍कान्‍ते ईन,” खिदुक्‍लो।

१ कोरिन्‍थी 15:50

थोगी आज्‍यो न्‍वावे, बात दिराङ ईन। च्‍यि सासीन दि स्‍या ठाक ओताते जीउताङचेन ङुरूङ परमेश्‍वर राज्‍यने स्‍यूक्‍पाराङ मेङेदो। थोकराङ खाला दि स्‍यिला रूल्‍ला डोच्‍येते जीउओङ नोमुङ स्‍यिला रूल्‍ला मोन्‍डोच्‍येते ओङाराङ मुथुबो।

२ कोरिन्‍थी 9:6

ख्‍योकोनगी दि बात टोक माज्‍येत। च्‍यि सासीन सोन टिक्‍पीस्‍यिक देप्‍कान्‍ते मिकी तिरी बाली थोक्‍जीन रूक्‍जीनोङ टिक्‍पीस्‍यिकराङ रूइओ। सोन काल्‍बेई देप्‍कान्‍तेईचेन बालीङ काल्‍बेईराङ रूइओ।

गलाती 3:17

बात च्‍यि सासीन परमेश्‍वरगी अब्राहामताङ जमान खानामेई लो सय स्‍यीताङ खालज्‍यीकताङ च्‍युताम्‍बा तिरीकामा यहूदीओनला थे खोरोङ नियम बिन्‍दा ओतान। थे नियम बिन्‍दा ईन्‍सीनोङ थेकी गोमाका जस्‍तो खिओ सिन जमान खाबा ओतान थोकराङ खिओ। थेकी जमान खाबा च्‍योकराङ मिक्‍किच्‍या ईन्‍दा ईन्‍सीन थेकी आशी तेरग्‍यो सिन साबाते बात बातकामा ओङच्‍या ओतान।

गलाती 5:3

ङा थोरूम च्‍यि सिते सासीन थे खतकी चिनु जोकान्‍ते मिकीचेन परमेश्‍वर नियमला खि साबाते जति दोक्‍पोईओङ मोतोङा खाला गाङे खि साबा साबा च्‍योकराङ खिता फाप्‍क्‍यो।

एफिसी 1:22

दोक खाईन थेकी जो ईन्‍सीनोङ जे ईन्‍सीनोङ गाङेपा गाङेला ख्रीष्‍टकी अधीनलाराङ ज्‍याक्‍पा ओत। दोक खाला गाङेपा गाङेला राज्‍य खित्‍कान्‍ते ख्रीष्‍टलाराङ थेकी गाङेपा जम्‍मा ओङकान्‍ते येशू ख्रीष्‍ट मिओनतेङ छ्येते जोसुङ। दोक खाईन ख्रीष्‍टचेन थे खोरोङ मिओनते गोः च्‍योक ओङसुङ।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

कलस्‍सी 2:18

थेमे परमेश्‍वरला माने खिताला बर्त देत्‍च्‍येतेताङ दुक्‍पा खाला खाला होदोक्‍ते काम काल्‍बेई खिता फाप्‍क्‍यो, परमेश्‍वर दूतओनलाङ माने खिता फाप्‍क्‍यो सिन सिरकान्‍ते मि सुङगीङ बात माङेन। थोक्‍ते मि बात ङेन्‍सीन ख्‍योकोनगी परमेश्‍वरगी तेरच्‍येते इनाम मेङेदो। होथोक सिरकान्‍ते मिओनगीचेन परमेश्‍वरगी ङ्योकोनला मिलाम खित ज्‍युताच्‍योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्‍ते बात खिन छ्ये खिन ख्‍याम्‍ग्‍यो।

कलस्‍सी 2:4

सुङगीङ ख्‍योकोनला स्‍यीम्‍बु स्‍यीम्‍बु बात खाला लुला खोपरोङ छ्य्‌वापा लै खिता मुथुप्‍स्‍यीत सिनराङ ङा दि बातओन सिन ओत।

१ थिस्‍सलोनिकी 4:6

थेमे ख्‍योकोन सुङगीङ येशूला विश्‍वास खित्‍कान्‍ते ज्‍येन मि फेम्‍मेताङ खिता मेङच्‍येते काम खाला थे ख्‍योबोला सोम्‍बोलाराङ सबी चावादु लुच्‍येते काम माकेत। होथोक्‍ते मेलेबाते काम जे खासीनोङ थोक खित्‍कान्‍तेबाला प्रभु येशूकी सजाय तेरग्‍यो। थोगी ख्‍योकोन च्‍याङबो खि सिन ङ्योकोनगी ख्‍योकोनला गोमाकाराङ लाःपा ओत।

१ तिमोथी 5:21

ङे खि साबाते दोक्‍ते काम खित्‍जीन खुई छ्ये टेक्‍टे मेडेला खाला सुङलाङ काका पाका मिक्‍किता खाला खि। परमेश्‍वरताङ येशू ख्रीष्‍ट थेमे परमेश्‍वरगी छाने खाबाते दूतओन ङोन्‍दु ङा खोल्‍ला दोक खि सिन कोत्‍क्‍यो।

१ तिमोथी 6:13

थेमे ओताते जति गाङेला ङेपाक तेरकान्‍ते परमेश्‍वर थेमे रोमी गेल्‍बो हाकिम पन्‍तियस पिलातस दोन्‍दु साँचोते बात लाःप्‍कान्‍ते येशू ख्रीष्‍ट ङोन्‍दु ङा खोल्‍ला दोक दोक खि सिन कोत्‍क्‍यो।

२ तिमोथी 4:1

थोगी परमेश्‍वरताङ येशू ख्रीष्‍ट दोन्‍दु ङा खोल्‍ला चुक खिता फाप्‍कीते सिन कोत्‍क्‍यो। स्‍याप्‍तेबा थेमे सोम्‍बोराङ ओताते मि गाङेला न्‍याय खित्‍कान्‍ते थेमे स्‍वर्गनेकी ग्‍युरला वाला गाङेपा गाङेला राज्‍य खित्‍कान्‍ते येशू ख्रीष्‍टराङ ईन सिन टोक माज्‍येत।

१ पत्रुस 1:18

मोल च्‍याल्‍गीनकामा खेराङ ज्‍युज्‍यु पुर्खे पालोमेकी चले खिन वाबाते छ्याःङ काम लै मिक्‍किच्‍येते रीतिथिति छ्य्‌वापेकी खेराङला टालाते ईन सिन ख्‍योकोनला छ्याराङ ओत। थोक खिताला च्‍यालाते मोल सेरताङ चाँदी मेतान। सेर चाँदीनी ङीमाई छ्याःङ काम लै मिक्‍किच्‍या डुइओ।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।