एफिसी 4:16 - जिरेल16 थेमे ख्रीष्टकी थे खोरोङ मि गाङेला डिक च्युत्ला सेमज्यीकराङ खाला काम खित्कान जोला दोक्पोईकी ज्येनज्यीकला लेमु खित्स्यीत सिन थेबाला गोच्येते जति गाङे तेरग्यो। दोक ओङनामेई थेबा खोपरोङ नाङ ङिङज्ये खिन मि जीउ छारगीन ड्वापच्योक खाला ख्रीष्टकी थेबाला जस्तो ज्वा चाला ओतान थोकराङ डुइन डुइओ। दोक ओङाला थेबेकीङ दाक्पोन दाक्पोनगी खिता फाप्च्येते काम खिता फाप्क्यो। Faic an caibideil |
एफिसी 4:16
28 Iomraidhean Croise
ज्येनतोक गाङे ङीमा लेनज्यीक छ्याःङ काम लै मिक्किच्या गाल्सीनोङ परमेश्वरला विश्वास खित्च्येते, थेकी ङुरूङला तेरग्यो साबाते ङेत्क्यो सिन खित्च्येते आश थेमे ज्येनला ङिङज्ये खित्च्येते दि बात सुमचेन नोमुङ छ्याःङ काम लै मिक्किच्या मोन्डोओ। दि बात सुमगी नाङदुङ छ्येते बातचेन ज्येनला ङिङज्ये खित्च्येतेराङ ईन।
परमेश्वर आत्मेकी खित ज्युता चालाच्योक खित्कान्ते मिलाचेन थेकी फलफूल गोन ज्युताच्योक खाला लेमु कामताङ बात खित ज्युत्क्यो। थोगी थोक्ते मिकीचेन ज्येनला ङिङज्ये खिओ, थे गा खिन देत्क्यो थेमे सेमदु ढुक्क खाला देत्क्यो। थोक्ते मि होत्ताराङ स्येदाङ मिक्किओ, थेकी ज्येनला दया खिओ थेमे लेमु खिओ, थेकी खिओ साबा च्योकराङ खिओ,
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
थोक्ते मिचेन ख्रीष्टताङ ठाल्गीन सिन्दाते मि ईन। मि जीउकी गोः च्योकराङ थे खोरोङ मिओनते छ्येते ख्रीष्टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्सीनकामा मि जीउ छारग्यो। थोकराङ खाला ख्रीष्टकीकामा थे खोरोङ मि गाङेला डिक च्युत्ला परमेश्वरगी चुक ओङा फाप्क्यो सिन साबाते ईन्दे पूरो खाला थोकराङ ओङ ज्युत्क्यो।
ख्योकोन थेमे होथेबा ज्येन गाङेकी आँट ङेत्ला दोक्पोईकी ज्येनज्यीकला ङिङज्ये खिन गाङेराङ सेमज्यीकराङ खाला डिक्ला देत्स्यीत थेमे परमेश्वरगी गोमा सुङलाङ छ्या स्ये च्युता मेताते बात च्यि ईन्दाका सिन ख्योकोन गाङेकी लेमु खाला छ्या स्येला पूरो खाला खोबा थुप्स्यीत सिनराङ ङा दोक दुक्पा खाला खाला काम खिन ओत। होथे बात लेमु खाला छ्या स्येच्या साबातेचेन ख्रीष्टला छ्या स्येच्येतेराङ ईन।
धन्यवाद सिरजीनराङ ख्योकोनगी येशू ख्रीष्टला विश्वास खाईन लेमु काम खिताला स्यूबाते थेमे ज्येनला ङिङज्ये खिन झन झन लेमु खाबाते बातकी लाईदु ङुरूङ आबा परमेश्वरला धन्यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्ट ग्युरला ओङगो सिन आश खाईन गुकीन देता ओतेकी जस्तो दुक्पा ओङसीनोङ ख्योकोन सेम मेसेता खाईन देता ओताते बातकी लाईदुङ ङ्योकोन थेला धन्यवाद सिओ।
थेमे ङ्योकोन जहिलेङ दि बातकी लाईदुङ परमेश्वरला धन्यवाद सिओ। च्यि सासीन ङ्योकोनगी परमेश्वर बात लोप्जीन थे बात मिकी जोबाते मेन्दाक्वा, परमेश्वर बातराङ दुका सिन ख्योकोनगी ङेन्सुङ। ईन्दाबोङ थे बातचेन परमेश्वर बातराङ ईन। येशूला विश्वास खित्कान ख्योकोन नाङ परमेश्वरगी होथे बातकी छ्य्वापेईराङ काम खिन ओत।
ङे खोल्ला होथे मिओनला दोक खि, थोक माकेत सिन कोत साबातेचेन थेबेकी ज्येनतेबाला ङिङज्ये खित्स्यीत सिनराङ ईन। थोक खाला ङिङज्ये खिताला थेबे सेम लेमु ओङा फाप्क्यो, दाक्पोनला ङे दोक खिता ठीक मेन सिराच्योक लाबाते काम छ्याःङ खिता मेङगो, थेमे खेकीकामा मेन्देकी येशू ख्रीष्टला पक्काराङ खाला विश्वास खिता फाप्क्यो।
Sanasan