एफिसी 4:15 - जिरेल

¹⁵ ङुरूङगीचेन मेन्‍दे बात खिता साटोला बरू दाक्‍पोन नाङ ङिङज्‍ये खिन परमेश्‍वरते सत्‍यते बातकामा खिता फाप्‍क्‍यो। दोक खिन डोजीन ङुरूङ कामताङ बात गाङे ख्रीष्‍टकी च्‍योकराङ लेमु खिता थुप्‍कान डुइन गाल्‍ला ङुरूङ गोः च्‍योकराङ ईन्‍दाते ख्रीष्‍टताङ झन जीउज्‍यीकराङ डुइन डुइओ।

एफिसी 4:15 Iomraidhean Croise

यूहन्‍ना 1:47

नथानेलला थे खोरोङ ओत्‍सापा ओङा थोङगीन येशूकी “लो तो, दिचेन लेमुते इस्राएली ईन। दि सेमगी नाङ मेलेबा सिराते छ्याःङ मिन्‍दुक,” सिन सासुङ।

रोमी 12:9

थेमे ख्‍योकोनगी ज्‍येनला खेकीकामा मेन, पक्‍काराङ ङिङज्‍ये खि। दोकचेन खिताराङ मेङगो सिन मेलेबाते कामताङ बात सिराते छ्याःङ माकेत। खालि लेमुते कामताङ बात खित्‍च्‍ये छ्य्‌वापाकामा स्‍येत खि।

१ कोरिन्‍थी 11:3

था ङा ख्‍योकोनला बातज्‍यीक बात ङि सिरामीन। च्‍यि सासीन ख्‍योओ मि भन्‍दा ख्रीष्‍ट छ्ये ईन। थेमे फेम्‍मे मि भन्‍दा ख्‍योओ मि छ्ये ईन। थोकराङ खाला ख्रीष्‍ट भन्‍दा परमेश्‍वर छ्ये ईन।

२ कोरिन्‍थी 4:2

ङ्योकोन ईप्‍ला छ्याक्‍ला ज्‍येनला ठगे खित्‍च्‍येते च्‍योक्‍ते ङोचा लाङच्‍येते काम मिक्‍किओ, मिला छक्‍के खिताला ईनराङ मेन्‍दे बात मोलोबो, ङ्योकोननी परमेश्‍वर बात खुदुक जोला लोप्‍च्‍येतेङ मिक्‍किओ। परमेश्‍वर दोन्‍दुराङ काम खाबाच्‍योक खाला ङ्योकोननी सत्‍यते बातला जे साला दुक थेकामा लोप्‍क्‍यो। थोक ईन्‍देकी ङ्योकोनगी सत्‍यते बातकामा लापा ओत सिन मि गाङेकी सिरा थुप्‍क्‍यो।

२ कोरिन्‍थी 8:8

ङे ख्‍योकोनगी दोकराङ खिता फाप्‍क्‍यो सिन कोतातेनी मेन। ज्‍येनतेबेकी दुक्‍पा ङेतातेबाला चुक रहर खाईन तेरा चाल्‍ला दुका सिन साला ख्‍योकोनगीङ ज्‍येनला खेकीकामा मेन पक्‍काराङ ङिङज्‍ये खित्‍च्‍या ईन्‍दाकाना मेन्‍दाका सिन छ्या स्‍येबाला ङे दोक साबाते ईन।

एफिसी 1:22

दोक खाईन थेकी जो ईन्‍सीनोङ जे ईन्‍सीनोङ गाङेपा गाङेला ख्रीष्‍टकी अधीनलाराङ ज्‍याक्‍पा ओत। दोक खाला गाङेपा गाङेला राज्‍य खित्‍कान्‍ते ख्रीष्‍टलाराङ थेकी गाङेपा जम्‍मा ओङकान्‍ते येशू ख्रीष्‍ट मिओनतेङ छ्येते जोसुङ। दोक खाईन ख्रीष्‍टचेन थे खोरोङ मिओनते गोः च्‍योक ओङसुङ।

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

एफिसी 2:21

परमेश्‍वर सन्‍तान गाङेला सेमज्‍यीकराङ खाला डिक्‍पा खाला परमेश्‍वर देताला सिन दि जगी लाक प्रभु येशू ख्रीष्‍टकी मन्‍दिर जोइन ओत।

एफिसी 4:25

थोगी ख्‍योकोनगी ढाँर खिता ताङला दोक्‍पोईकी ज्‍येनज्‍यीकताङ साँचोते बातकामा खि। च्‍यिला सासीन ङुरूङ गाङेराङ जीउज्‍यीगी लाक्‍पा, काम्‍बा, मिक च्‍योक्‍ते ईन।

एफिसी 5:23

ख्रीष्‍टकी मिओनते छ्येते ख्रीष्‍ट ईन्‍दा च्‍योकराङ फेम्‍मे मिते छ्येतेचेन थे मोरोङ ख्‍योबोराङ ईन। ख्रीष्‍टकी मिओनचेन थे जीउ ईन। थेबाला पापकी सजायदुकी डेल्‍कान्‍ते थेराङ ईन।

१ पत्रुस 1:22

सत्‍यते बात ङेन्‍गीन ख्‍योकोन सेम खुदुक गालेकी ख्‍योकोनगी ज्‍येन आज्‍यो न्‍वाला खेकीकामा मेन्‍देकी पक्‍काराङ ङिङज्‍ये खित्‍च्‍येते ईन। थोगी ख्‍योकोनगी दोक्‍पोईकी ज्‍येनज्‍यीकला आउदी खाला ङिङज्‍ये खि।

१ पत्रुस 2:2

बरू बालकते फिजेकी याङ याङ नुमा थुङा सेम खाबाच्‍योक खाला ख्‍योकोनगीङ परमेश्‍वर बात ङेन्‍ला थेरू खि साबा साबा खित्‍च्‍ये छ्य्‌वापाकामा सेम खि। परमेश्‍वर बातचेन मि बात मेन्‍देकी गाङे सत्‍यते बात ईन। दि बात ङेन्‍ला थेरू खि साबा च्‍योकराङ खिन गाल्‍नामेई ख्‍योकोन मेलेबा काम खिता ताङला पाको डुइओ।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।

१ यूहन्‍ना 3:18

बात दोक ईन्‍देकी फिजावे, ङुरूङगी ज्‍येनला ङिङज्‍ये खिओ सिन खेकीकामा मेन, सत्‍यते परमेश्‍वरगी खि साबाच्‍योक खाला कामगीराङ खाला तेन्‍दा फाप्‍क्‍यो।