एफिसी 4:13 - जिरेल13 ङुरूङ गाङेकी थोक खिन डोजीन थेला विश्वास खाईन ङेन्दाते बातला ङुरूङ झन डिगीन डुइओ थेमे परमेश्वर फुज्युङ चुक्ते ईन्दे, च्यि खिते सिन झन लेमु खाला छ्या स्येला ङुरूङ गाङेराङ सेमज्यीकराङ खाला काम खित्कान ओङगो। दोक खाला ख्रीष्टकी ङुरूङ नाङ खिता चालाते काम पूरो ओङला ङुरूङ थेकी ज्वा चाला च्योकराङ पाको ओङगो। Faic an caibideil |
एफिसी 4:13
34 Iomraidhean Croise
परमेश्वरगी सा नाम जोजीन “मुन्दाकते ठाउँदु नाम्दाक ओङस्यीत,” सिन साबा ओतान। होथोक सिरकान्ते परमेश्वरगीराङ मुन्दाकते ठाउँदु नाम्दाक ओङ च्युताच्योक खाईन थे खोरोङ सु ईन्दे थेमे थेत्ताङ चुक छ्येज्यीक शक्ति ओते सिन ङुरूङला छ्या स्ये च्युत्सुङ। दि बात ङुरूङगी ख्रीष्टला ताकीन छ्या स्येबाते ईन।
चुक खाईन सासीन ख्रीष्टकी थे खोरोङ ज्यान बिन्गीन स्यिइन ङ्योकोन इस्राएलीला दोक खि, थोक माकेत सिन बिन्दाते परमेश्वर नियम काम लै मिक्किच्या जोसुङ। थे नियमचेन ङुरूङ फारदु मिडिक्च्येते बात ओतान। दोक खाईन थेकी गोमा खुदुक खुदुक जात ओताते मि ङुरूङला थे खोरोङताङराङ डिक्पा खाईन जातज्यीगी मिराङ जोसुङ।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
ईन्दाबोङ येशू ख्रीष्टला ङाराङ मालिक ईन सिन छ्या स्येच्येते छेत छ्येते बात ज्येनतोक छ्याःङ मेन्दाक्वा। थोगी ङाराङ चुक्ते ईन्दे, चुक चुक खिन ओताने सिरच्येते बात छ्याःङ काम लै मिक्किच्याक्वा सिन छ्या स्येकीन ङे था थोक्ते बात खिता गाङे ताङाप। ङाराङते होथे गोमे बाततेबा सम्झे खित्जीन ङालानी किक्टो लाङच्येते फोर मैलो च्योकराङ लाकीन था थेते विचारराङ खिता ताङा ओत। ख्रीष्टला पूरो खाला छ्या स्येबा थुप्स्यीत
ख्रीष्ट दोक खाला ज्येन ज्येन जातकी मि सेमगी नाङ देत्क्यो सिन ङ्योकोन मि गाङेला लोप्क्यो। च्यि सासीन ख्रीष्टताङ जीउज्यीकराङ ओङाते मिओन काम बात जे कुरोलाङ पाको गालाते मि ओङला परमेश्वर दोन्दु देता थुप्स्यीत सिन ङ्योकोनगी लोप्च्येते बात लेमु खाला ङेन सिन मि गाङेला दि बात परमेश्वरगी बिन्दाते बुद्धिकी लेमु खाला लोप्क्यो।
ख्योकोन थेमे होथेबा ज्येन गाङेकी आँट ङेत्ला दोक्पोईकी ज्येनज्यीकला ङिङज्ये खिन गाङेराङ सेमज्यीकराङ खाला डिक्ला देत्स्यीत थेमे परमेश्वरगी गोमा सुङलाङ छ्या स्ये च्युता मेताते बात च्यि ईन्दाका सिन ख्योकोन गाङेकी लेमु खाला छ्या स्येला पूरो खाला खोबा थुप्स्यीत सिनराङ ङा दोक दुक्पा खाला खाला काम खिन ओत। होथे बात लेमु खाला छ्या स्येच्या साबातेचेन ख्रीष्टला छ्या स्येच्येतेराङ ईन।
दोक मेन्देकी पाको गाल्गीन ज्येनलाङ लोपा थुप्कान्ते मिओनगीचेन परमेश्वर बात लेमु खाला खोबा थुप्क्यो। थेबाचेन छारगीन दाक्पोनगी मुरला साच्येते साप साकान्ते मि च्योक्ते ईन। होदोक्ते मिओनगीचेन च्यि खिता लेमु ईन्दे, च्यि मेलेबा ईन्दे सिन खोपरोङगीराङ छ्या स्येला दोक्ते बात जहिलेङ डेला थुप्क्यो।
ङुरूङला ज्येनोङ बात च्यि छ्या ओते सासीन परमेश्वर फुज्युङगी दुरू वाकीन परमेश्वर सु ईन्दे, चुक्ते ईन्दे सिन ङुरूङला छ्या स्ये च्युत्सुङ। थेकी दोक खानामेई ङुरूङ सत्यते परमेश्वरताङ डिक्पा थुप्सुङ थेमे परमेश्वर फुज्युङ येशू ख्रीष्टताङ डिक्पा थुप्सुङ। येशू ख्रीष्टचेन सत्यते परमेश्वर ईन, नोमुङ मिसिन्च्येते जुनी तेरकान्तेङ थेराङ ईन।
Sanasan