एफिसी 4:11 - जिरेल

¹¹ थेकीराङ मिओनला खुदुक खुदुकते काम खित्‍च्‍येते सीपताङ शक्ति बिन्‍गीन कोईला थे खोरोङगी खटे खाबाते मि थेमे कोईला परमेश्‍वर बात खित्‍कान्‍ते मि जोसुङ। थोकराङ खाईन कोईला ठाउँ ठाउँला गाल्‍ला गा लाङच्‍येते बात लोप्‍कान्‍ते मि थेमे कोईला परमेश्‍वर सन्‍तानओनला ताकान्‍ते थेमे परमेश्‍वर बात लोप्‍कान्‍ते मि जोसुङ।

एफिसी 4:11 Iomraidhean Croise

मत्ती 28:20

थेमे ङे ख्‍योकोनला खि सिन गोमामेई थातासाक लोप्‍कीन वाबाते बात गाङे थेबालाङ लाप्‍ला थोकराङ खि सिन लोप। ख्‍योकोन छ्याःङ ज्‍यीबा माकेत। च्‍यिला सासीन ङा ख्‍योकोनला नोमुङ मोतोङो, दि जुग सिन सिनसाकराङ ङा ख्‍योकोनताङ ङ्योम्‍बुराङ देत्‍क्‍यो,” सिन बात खासुङ।

शक्ति काम 13:1

एन्‍टिओखियादु जम्‍मा ओङकान्‍ते येशू ख्रीष्‍ट मिओन नाङ कोई परमेश्‍वर बात खित्‍कान थेमे कोईचेन परमेश्‍वर बात लोप्‍कान ओतान। थेबाचेन बारनाबास, काला सिराते शिमियोन, साइरेनीपे लुसियस थेमे मनेनताङ शावल ओतान। मनेनचेन हेरोद गेल्‍बोताङराङ हुर्के खाबा ओतान।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

शक्ति काम 21:8

ङारो च्‍योक्‍ते ङ्योकोन थेबाताङ ठाल्‍गीन सिजरियापा गालाप। थेरू ङ्योकोन फिलिप खाम्‍बादु गाल्‍गीन देताप। थेचेन ठाउँ ठाउँला गाल्‍ला गा लाङच्‍येते बात लोप्‍कान्‍ते मि ओतान। गोमा यरूशलेमदु येशूला विश्‍वास खित्‍कान्‍तेबाला मद्धत तेराला छाने खाबातेबा मेरा दुईनगी नाङ थेङ दोक्‍पोई ओतान।

रोमी 12:7

थेमे सुइँदाला परमेश्‍वर सन्‍तान खोपरोङ नाङ काम खित्‍च्‍येते सीप बिन्‍दा ओत्‍सीन थेकीङ थे कामराङ खिता फाप्‍क्‍यो। ज्‍येनतेबाला परमेश्‍वर बात लोप्‍च्‍येते सीप ङेता ओताते मिकी थे बात लोपा फाप्‍क्‍यो।

१ कोरिन्‍थी 12:4

परमेश्‍वर आत्‍मेकी मिओनला खुदुक खुदुक काम खित्‍च्‍येते सीपताङ शक्ति तेरग्‍यो। मिओनला खुदुक खुदुक काम खित्‍च्‍येते सीपताङ शक्ति बिन्‍सीनोङ परमेश्‍वर आत्‍माचेन दोक्‍पोईराङ ईन।

एफिसी 2:20

येशू ख्रीष्‍टकी खटे खाबाते मिओनताङ परमेश्‍वर बात खित्‍कान्‍ते मिओनगी तिङाते जगी लाक गारो चिबाच्‍योक खाईन ख्‍योकोनला ज्‍याक्‍पा ओत। थे जगीते आउदी काम लै खित्‍च्‍येते थे मेताला छ्याःङ खिता मुथुप्‍च्‍येते दोचेन येशू ख्रीष्‍टराङ ईन।

एफिसी 3:5

थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

एफिसी 4:8

थेकी दोक खिओ सिन परमेश्‍वर बातला चुक साबा ओते सासीन “थेकी दुरूकी स्‍वर्गने डोजीन फाम्‍बातेबालाङ थे खोरोङगी ग्‍याल्‍सुङ सिन तेन्‍दाला थे खोरोङताङराङ टीकीन खेरसुङ। थेमे मिओनलाचेन थे खोरोङगी तेरा सेम खाबाते बिन्‍सुङ,” सिन साबा ओतान।

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

हिब्रू 5:12

ईन्‍दानी दि बेलासाकला ख्‍योकोन ज्‍येनला परमेश्‍वर बात लोपा थुप्‍कान ड्वा फाप्‍च्‍येते ईन। थोरूमसाकोङ ख्‍योकोनलानी परमेश्‍वर बातला च्‍यि साबा ओते, थोक साबाते च्‍यि ईन्‍दे सिन शुरू शुरूला लोपा फाप्‍च्‍येते बातओनका लोपा फाप्‍कीदुक। ख्‍योकोनगी परमेश्‍वर बात खजो खोकीका सिन विचार खासीन ख्‍योकोननी थोरूमोङ नुमा लुता फाप्‍च्‍येते बालकते फिजा च्‍योकराङ दुक। नामचेन ख्‍योकोन दाक्‍पोनगी मुरला साच्‍येते साप पच्‍चे खित्‍कान डुइते?

यहूदा 1:17

ङिङज्‍येते आज्‍यो न्‍वावे, ख्‍योकोनगी ङुरूङ प्रभु येशू ख्रीष्‍टकी खटे खाबाते मिओनगी खेराङला गोमाबा साबाते बाततेबा ठेम्‍बा खि।

छ्या स्‍ये च्‍युताते बात 18:20

“था स्‍वर्गने ओत्‍कान्‍तेबा गाङेराङ, परमेश्‍वर सन्‍तानओन, येशू ख्रीष्‍टकी खटे खाबाते मिओन थेमे परमेश्‍वर बात खित्‍कान्‍तेबा ख्‍योकोन गाङेराङ थे सार थोक खाईन छिगीन गाला थोङजीन गा खि। च्‍यिला सासीन थेकी ख्‍योकोनला मेलेबा खाबेकीराङ परमेश्‍वरगी थेला थोक छ्येज्‍यीक सजाय बिन्‍सुङ।”

छ्या स्‍ये च्‍युताते बात 21:14

थे सारगी गारोते जग च्‍युन्‍ङी ओतान। थे जगओन लाक्‍तुचेन लुई रीउकी खटे खाबाते मेन्‍दा च्‍युन्‍ङी मिओन मिन टिबा ओतान।