एफिसी 4:10 - जिरेल

¹⁰ थे स्‍वर्गनेकी देमा वाकीन थेनेराङ ग्‍युरगीन स्‍वर्ग भन्‍दाङ तेङने गाल्‍गीन सा नाम खाङ खापा चुक ओङा फाप्‍च्‍येते ईन्‍दे थोकराङ ओङ च्‍युत्‍ला गाङेपा गाङेला राज्‍य खिन ओत।

एफिसी 4:10 Iomraidhean Croise

मत्ती 24:34

दि बात ङेन। च्‍यि सासीन दि पुस्‍तालाराङ ङे ओङगो साबाच्‍योक गाङे ओङगो।

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 1:16

परमेश्‍वर फुज्‍युङचेन आउदी दया खित्‍कान्‍ते ईन्‍देकी ङुरूङ गाङेकी आशी ङेता ओत। ङीमाईकामा मेन्‍देकी थेकी ङुरूङला दया खाला आशी तेरगीनराङ देत्‍क्‍यो।

यूहन्‍ना 19:24

थोगी थेबेकी “फाबा दिचेन मोरोल्‍गी, बरू सुला फाप्‍कीका सिन चिट्ठा देइ,” सिन चिट्ठा ग्‍याप्‍सुङ। थेबेकी थोक खानामेई परमेश्‍वर बातला दोक सिन टिबाते बात साबा च्‍योकराङ ओङसुङ। थेरू च्‍यि साबा ओते सासीन “थेबेकी ङे खोलाकतेबा खोपरोङ नाङ गोसुङ, खोलाकज्‍यीकलाचेन चिट्ठा ग्‍याप्‍सुङ,” सिन टिबा ओत। थे मिल्‍टेरीओनगी साँच्‍चीराङ थोकराङ खासुङ।

यूहन्‍ना 19:28

थेमे येशूकी थे खोरोङगी खिता फाप्‍च्‍येते काम जति खाईन सिन्‍दाते छ्या स्‍येकीन “ङाला कोम्‍बा लासुङ,” सिन सिदुक। थेकी थोक सानामेई परमेश्‍वर बातला टिबा ओताते बात साबा च्‍योकराङ ओङसुङ।

यूहन्‍ना 19:36

थे मिल्‍टेरीओनगी येशूते काम्‍बा माच्‍याक्‍नामेकी परमेश्‍वर बातला “थेतेचेन रूबाज्‍यीगोङ माछ्यागो,” सिन साबाते बात साबा च्‍योकराङ ओङसुङ।

शक्ति काम 1:11

“ए गालीलपे मिवे, ख्‍योकोन च्‍यिला दोक खाला नामने ताला देत्‍कीते? येशूला परमेश्‍वरगी स्‍वर्गने खेरसुङ। आनाङ ख्‍योकोनगी थेला चुक खाईन थेने ड्वा थोङा ओताने, था तिरी ङीमाई लोक्‍ला थे होथोकराङ खाला देमा ग्‍युरला ओङगो,” सिन सिदुक।

शक्ति काम 1:9

दि बात खाईन सिन्‍नामेकी थेबेकी तेइन तेइनलाराङ थे नामने थेगीन थेगीन गाल्‍गीन परमेश्‍वरगी थेला स्‍वर्गने खेरसुङ। थोक खाला खेरजीन मुक्‍पा वाकीन थेला दाक उप्‍सुङ। थेमे थेबेकी थेला थोङा माथुप्‍सुङ।

शक्ति काम 2:33

थोक खाईन सोम्‍बो लोक्‍नामेकी परमेश्‍वरगी थेला छ्येज्‍यीक मान बिन्‍गीन थे खोरोङ सामे छ्य्‌वापा ज्‍याक्‍पा ओत। थे खोरोङगी मिओनला तेरग्‍यो साबाते परमेश्‍वर आत्‍मा तेरच्‍येते जिम्‍मा थेकी येशूला बिन्‍सुङ। आबातेकी जिम्‍मा बिन्‍दा च्‍योकराङ खाईन थेकी ङ्योकोनला परमेश्‍वर आत्‍मा बिन्‍सुङ। ख्‍योकोनगी थरिङ थोङातेताङ थोबाते बात ङ्योकोनगी परमेश्‍वर आत्‍मा ङेतेकी खित्‍सादुराङ ईन।

शक्ति काम 3:18

ईन्‍दानी थे खोरोङगी तोङगो साबाते ख्रीष्‍टकी दुक्‍पा ङेत्‍क्‍यो सिन परमेश्‍वरगी थोङलाकाराङ थे खोरोङ बात खित्‍कान्‍ते मिबरीला सिर च्‍युता ओतान। ख्‍योकोनगी येशूला सेत्‍जीन परमेश्‍वरगी थे खोरोङगी सिर च्‍युताते बात साबा च्‍योकराङ ओङ च्‍युत्‍सुङ।

२ कोरिन्‍थी 12:2

च्‍यि सासीन लो च्‍युप्‍स्‍यी गोमे बात ईन। ख्रीष्‍टला विश्‍वास खित्‍कान्‍ते मिज्‍यीकला ङा लेमु खाला छ्या स्‍येक्‍यो। थे मिला टेप तुकीन स्‍वर्गने परमेश्‍वर देत्‍सासाकराङ खेरसुङ। ईन्‍दाका थेलाराङ थेने खेराते ईन्‍दा ना ठामासोमुला मिलाम खित ज्‍युताच्‍योक खाईन थेने खेराते ईन्‍दा ङाला छ्याःङ छ्या मेत। दि बात परमेश्‍वरलाकामा छ्या ओत।

एफिसी 3:19

थेमे मिकी जति बुद्धि खिये खासीनोङ खोबा मुथुप्‍च्‍या खाला ख्रीष्‍टकी ङुरूङला चुक ङिङज्‍ये खिते सिन ख्‍योकोनगी खोबा थुप्‍स्‍यीत सिनोङ ङा प्रार्थना खिओ। परमेश्‍वरगी ख्‍योकोनला थे खोरोङ बुद्धि थेमे शक्ति बिन्‍ला थे खोरोङ च्‍योकराङ लेमु ओङाला गोच्‍येते जति तेरस्‍यीत सिनराङ ङा ख्‍योकोन लाईदु दोक दोक खाला प्रार्थना खिओ।

कलस्‍सी 1:19

च्‍यिला सासीन थे खोरोङ जस्‍तो ईन फुज्‍युङोङ होथोकराङ ओङाते थेला लेमु लाबा ओतान। थे खोरोङगी दोक खिता चालेकीराङ थोक ओङाते ईन।

कलस्‍सी 2:9

परमेश्‍वर जस्‍तो ईन ख्रीष्‍टोङ होथोकराङ ईन, मि जुनी लाबा ओत्‍सीनोङ ख्रीष्‍टताङ परमेश्‍वरला छ्याःङ फरक मेत।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

हिब्रू 8:1

था छ्येते बातचेन दिराङ ईन। च्‍यि सासीन ङुरूङते गाङे भन्‍दा छ्येते पूजारी चुक छ्ये ईन्‍दे सासीन थेनी स्‍वर्गने छ्येज्‍यीक शक्ति ओताते परमेश्‍वर देत्‍च्‍येते सिंहासन सामे छ्य्‌वापा देता ओत।