एफिसी 3:9 - जिरेल

⁹ थेमे परमेश्‍वरगी गोमा सुङलाङ छ्या स्‍ये च्‍युता मेताते बात चुक खाईन छ्या स्‍ये च्‍युत्‍सुङा सिन मि गाङेला लेमु खाला खो ज्‍युत्‍च्‍येते ईन। दि सा नाम थेमे ओताते जति गाङे जोकान्‍ते परमेश्‍वरगी गोमा गोमा दि बात गाङेताङ ब्‍वाकीन ज्‍याक्‍पा ओतान।

एफिसी 3:9 Iomraidhean Croise

मत्ती 10:27

थेमे ङे नुप्‍ला खेराङकामा ओत्‍जीन लोप्‍कीन ओताते बात ज्‍येनलाङ लाप्‍ला बिन। थोकराङ खाला ङे खेराङलाकामा साबाते बातओन गाङेकी छ्या स्‍येस्‍यीत सिन थोच्‍या खाला लोप।

मत्ती 13:35

थोक खाईन थाङबोका परमेश्‍वरगी थे खोरोङ बात खित्‍कान्‍ते छ्य्‌वापेकी साबाते दि बात साबा च्‍योकराङ ओङसुङ। थेकी “ङा मिओनला कथा लाःप्‍लाकामा ङाराङ बात लोप्‍क्‍यो। थोक खाला ङा थेबाला दि साताङ नाम जोजीनमेकी थातासाक छ्या स्‍ये च्‍युता मेताते बातओन लाप्‍ला तेरग्‍यो,” सिन साबा ओतान।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 5:17

थोक खिताला स्‍यूनामेई येशूकी थेबाला “ङे आबाचेन थरिङोलाङ मिओनला लेमु ओङच्‍येते काम खिनराङ ओत। थेमे ङाङ दोकराङ खिओ,” सिन सिदुक।

यूहन्‍ना 5:19

थेबेकी थोक खिता चाल्‍नामेकी येशूकी थेबाला “ख्‍योकोन दि बात ङेन। च्‍यि सासीन आबेकी चुक खिका सिन माथोङथुप थे फुज्‍युङगी थे खोरोङगीकामा छ्याःङ मिक्‍किओ। आबेकी जे खिदुक थे फुज्‍युङगीङ थेराङ खिओ।

शक्ति काम 15:18

ङे गोमामेकीराङ दोक खिओ सिन साबाते बात साबा च्‍योकराङ खिओ,’ सिन साबा ओतान।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

१ कोरिन्‍थी 2:7

ङ्योकोन ख्‍योकोनला थेकी गोमा सुङलाङ छ्या स्‍ये च्‍युता मेताते परमेश्‍वर बुद्धि बातज्‍यीक सिरामीन। दि बात गोमा परमेश्‍वरगी मिओनताङ ब्‍वाकीन ज्‍याक्‍पा ओतान। च्‍यि सासीन दि साताङ नाम ज्‍वा भन्‍दा गोमामेकीराङ थेकी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिन साबा ओतान।

एफिसी 1:4

च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

एफिसी 3:2

परमेश्‍वर थे खोरोङ दयेकी खाबाते कामगी बात ख्‍योकोन ज्‍येन ज्‍येन जातकी मिला लोप्‍च्‍येते जिम्‍मा ङाला बिन्‍दाते ईन सिन ख्‍योकोनगी थोबाराङ ओतासीन।

एफिसी 6:19

थेमे परमेश्‍वरगी गोमा सुङलाङ छ्या स्‍ये च्‍युता मेताते गा लाङच्‍येते बात ङे ज्‍येनला लोप्‍जीन छ्याःङ ज्‍यीबा मिक्‍किता खाला थेमे थेबेकी खोबा थुप्‍च्‍या खाला लोपा थुप्‍स्‍यीत सिन ङे लाईदुङ प्रार्थना खि।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

कलस्‍सी 1:26

थोक खाला लोप सिन साबाते दि बातचेन सा नाम ज्‍वा भन्‍दाङ गोमामेकी थातासाक परमेश्‍वरगी सुङलाङ छ्या स्‍ये च्‍युता मेतान। थाचेन दि बात च्‍यि ईन्‍दे, चुक्‍ते ईन्‍दे सिन थेकी थे खोरोङ सन्‍तानओनला छ्या स्‍ये च्‍युता ओत।

कलस्‍सी 3:3

च्‍यिला सासीन खेराङ ख्रीष्‍टताङ स्‍यिइन सिन्‍दाते मि ईन्‍देकी ख्‍योकोन गोमाबा खाबाच्‍योक खित्‍च्‍ये छ्य्‌वापेई ठाल्‍गीन सिन्‍दा ओत। ख्‍योकोनगी ख्रीष्‍टताङ ङेताते साम्‍बाते जुनी चुक्‍ते ईन्‍दे सिन परमेश्‍वरगी थरिङोला ज्‍येनला छ्या स्‍ये च्‍युता मेत। ख्रीष्‍ट परमेश्‍वरताङ स्‍वर्गने ङ्योम्‍बु ओतेकी मिओनगी मोथोङो।

कलस्‍सी 4:3

थेमे थे खोरोङगी गोमा सुङलाङ छ्या स्‍ये च्‍युता मेताते ख्रीष्‍टकी बात मिओनला लोपाला परमेश्‍वरगी ङ्योकोनला मौका तेरस्‍यीत सिन ङ्योकोन लाईदुङ प्रार्थना खि। होथे बात मिओनला लापेकी खित्‍सादु थरिङोला ङाला जेलदु लुक्‍पा ओत।

२ थिस्‍सलोनिकी 2:13

दोक ईन्‍सीनोङ आज्‍यो न्‍वावे, ख्‍योकोनलाचेन प्रभु येशू ख्रीष्‍टकी आउदी ङिङज्‍ये खाबा ओत। थेमे ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। परमेश्‍वर आत्‍मेकी खित्‍सादु ख्‍योकोन सेम खुदुक गालाते मि ओङला थेमे सत्‍यते बात ङेन्‍ला ख्‍योकोनगी पापकी सजाय भोगे खिता माफाप्‍स्‍यीत सिन परमेश्‍वरगी ख्‍योकोनला दि सा नाम ज्‍वा भन्‍दा गोमाकाराङ छाने खाबा ओतेकी ङ्योकोनगी थेला धन्‍यवाद सिरा फाप्‍च्‍येतेराङ ईन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

तीतस 1:2

ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

१ पत्रुस 1:20

दि सा नाम ज्‍वा भन्‍दा गोमाकाराङ परमेश्‍वरगी थेला मिओनला पापदुकी डेलाला छाने खाबा ओतान। थेमे ख्‍योकोनला दोक खाला लेमु खिताला थे दि जुग सिन्‍दे खाला देमा वाबाते ईन।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 14:6

थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।

छ्या स्‍ये च्‍युताते बात 17:8

खुई थोङाते दि जन्‍तु गोमा पालोई ओतान, थाल्‍ला मेत। थे था तिरी खापान खापान तीङ ओताते डालुममेकी थेन्‍ला ओङगो। तर थेन्‍गीन वानामेकी थे सजाय ङेत्‍ला नरककुण्‍डमा ड्वा फाप्‍क्‍यो। दि सा नाम ज्‍वा भन्‍दा गोमामेकीराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्‍तुला थोङजीन छक्‍क परे खिओ। च्‍यिला सासीन थे जन्‍तु गोमा ओतान, थाल्‍ला मेत थेमे था ङीमाई याङराङ थे दुरू ओङगो।

छ्या स्‍ये च्‍युताते बात 4:11

“ङ्योकोन प्रभु परमेश्‍वर, खुईते जय जय ओङस्‍यीत। खोल्‍ला मान खिता सोई खिओ, खोत्ताङ छ्येज्‍यीक शक्ति ओत। च्‍यिला सासीन सा नाम थेमे ओताते जति गाङे खुईराङ जोबाते ईन। थोगी दिबा ओङाते ईन। दिबा गाङे खुई ज्‍वा चाला च्‍योकराङ खाईन जोबाते ईन,” सिन ओतान।