एफिसी 3:8 - जिरेल

⁸ दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

एफिसी 3:8 Iomraidhean Croise

लूका 14:22

थेमे थेकीङ कोता च्‍योकराङ खाईन मिओन काताङगीन खुलानामेई खाम्‍बे धनी ओत्‍सादु ख्‍योल्‍गीन ‘ङे हजूरगी साबा च्‍योकराङ खाबाप। ईन्‍सीनोङ थोरूमोङ खाम्‍बा खाङा मिन्‍दुक,’ सिन सिरजीन

यूहन्‍ना 1:16

परमेश्‍वर फुज्‍युङचेन आउदी दया खित्‍कान्‍ते ईन्‍देकी ङुरूङ गाङेकी आशी ङेता ओत। ङीमाईकामा मेन्‍देकी थेकी ङुरूङला दया खाला आशी तेरगीनराङ देत्‍क्‍यो।

शक्ति काम 5:41

ताङनामेई थेबाचेन “ङुरूङ चुक भाग्‍यमानी ईन्‍दे। च्‍यिला सासीन परमेश्‍वरगी ङुरूङला प्रभु येशू लाईदु दुक्‍पा भोगे खित्‍च्‍ये मौका बिन्‍सुङ,” सिन गा खिनकामा बात खिन गाल्‍सुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 11:33

परमेश्‍वरगी खित्‍च्‍येते काम थोई बुद्धि पुरे खाईन खाला दुका। थे च्‍योकराङ जे बादोङ छ्या स्‍येकान्‍ते ज्‍येन सुङ मेत। थेमे थेकी मिओनला सजाय तेरच्‍येतेताङ ङिङज्‍ये खित्‍च्‍येते चुक खाला खित्‍च्‍या ईन्‍दाका सिन खोबा चाल्‍सीनोङ सुङगीङ खोबाराङ मुथुबो।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

रोमी 2:4

ख्‍योकोनलाचेन खेराङ लेमु मि ईन्‍गीनका परमेश्‍वरगी आउदी दया खाला लेमु खिन ओताते ईन सिराच्‍योक लाङगीतासीन। तर बात दोक मेन। ख्‍योकोनगी खेराङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनका परमेश्‍वरगी थरिङसाक छ्याःङ मिक्‍किता खाईन देताते ईन सिन ख्‍योकोनगी छ्या स्‍येबा खि।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 15:9

येशू ख्रीष्‍टकी खटे खाबाते मि गाङे नाङ ङानी थेबा छेत ईनराङ मेन। ङानी येशू ख्रीष्‍टकी खटे खाबाते मि ईन सिराङ सोई मिक्‍किओ। च्‍यिला सासीन ङेनी गोमाबा परमेश्‍वर मिओनला गाङेपा चाल्‍गीन चाल्‍गीन थेबे खेदापानी खाबाप।

१ कोरिन्‍थी 2:9

दि बात थेबा सुङगीङ छ्या मास्‍येसीनोङ परमेश्‍वर बातला चुक सिन टिला दुका सासीन “सुङगीङ माथोङाते, माथोबाते थेमे मिकी दोक ओङगीता सिन नोमुङ विचारराङ माक्‍याबाते कामतेबा परमेश्‍वरगी थे खोरोङला ङिङज्‍ये खित्‍कान्‍ते मिओनला खाला तेरग्‍यो सिन ठीक खाबा ओत,” सिन साला दुक।

गलाती 1:16

थे खोरोङ फुज्‍युङ सु ईन्‍दे सिन ठेत च्‍युत्‍कीन बिन्‍सुङ। थे फुज्‍युङ सु ईन्‍दे, चुक्‍ते ईन्‍दे सिरच्‍येते बात ज्‍येन ज्‍येन जातकी मिला लोप सिन परमेश्‍वरगी ङाला थोक खाबा ओतान। थोक ओङनामेई था च्‍यि खित्‍च्‍ये, चुक खित्‍च्‍ये सिन ङे सुङ मित्ताङ सल्‍लाह माला।

गलाती 2:8

च्‍यिला सासीन पत्रुस यहूदी नाङ काम खिताला येशू ख्रीष्‍टकी खटे खाबाते मि ईन्‍देकी परमेश्‍वरगी पत्रुस छ्य्‌वापेकी यहूदीओन नाङ काम खाबा च्‍योकराङ ङाचेन ज्‍येन ज्‍येन नाङ काम खिताला येशू ख्रीष्‍टकी खटे खाबाते मि ईन्‍देकी परमेश्‍वरगी ङे छ्य्‌वापेकी ज्‍येन ज्‍येन जातकी मि नाङ काम खासुङ।

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

एफिसी 3:1

परमेश्‍वरगी ख्‍योकोनला होदोक लेमु खाबा ओतेकी ङा पावल ख्‍योकोन लाईदु परमेश्‍वरला प्रार्थना खिओ। येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ख्‍योकोन ज्‍येन ज्‍येन जातकी मिला लेमु ओङस्‍यीत सिन ङा दोक खाला दुक्‍पा भोगे खिओ।

एफिसी 3:16

थे आउदी खाला दया खित्‍कान्‍ते ईन्‍देकी थेमे थेत्ताङ छ्येज्‍यीक शक्ति ओतेकी थेकी थे खोरोङ आत्‍मेकी ख्‍योकोन सेमगी नाङ शुरू खाबाते काम खिन देत्‍ला ख्‍योकोनला थे खोरोङगी ज्‍वा चालाच्‍योक ओङाला झन शक्ति तेरस्‍यीत

एफिसी 3:19

थेमे मिकी जति बुद्धि खिये खासीनोङ खोबा मुथुप्‍च्‍या खाला ख्रीष्‍टकी ङुरूङला चुक ङिङज्‍ये खिते सिन ख्‍योकोनगी खोबा थुप्‍स्‍यीत सिनोङ ङा प्रार्थना खिओ। परमेश्‍वरगी ख्‍योकोनला थे खोरोङ बुद्धि थेमे शक्ति बिन्‍ला थे खोरोङ च्‍योकराङ लेमु ओङाला गोच्‍येते जति तेरस्‍यीत सिनराङ ङा ख्‍योकोन लाईदु दोक दोक खाला प्रार्थना खिओ।

एफिसी 3:2

परमेश्‍वर थे खोरोङ दयेकी खाबाते कामगी बात ख्‍योकोन ज्‍येन ज्‍येन जातकी मिला लोप्‍च्‍येते जिम्‍मा ङाला बिन्‍दाते ईन सिन ख्‍योकोनगी थोबाराङ ओतासीन।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

फिलिप्‍पी 4:19

ङे माने खिन ओताते परमेश्‍वरताङ ङुरूङगी विचारराङ खिता मुथुप्‍च्‍या जेसुकै ओत। थेकीराङ ख्‍योकोनला गोच्‍येते जति येशू ख्रीष्‍ट छ्य्‌वापेकी पूरो खाला तेरग्‍यो।

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

१ तिमोथी 1:13

ईन्‍दानी थोङला ङे थेला आउदी खाईन विरोध खाबाप। थेला विश्‍वास खित्‍कान्‍ते मिओनला ङे खेदा खाईन खाईन दुक्‍पा बिन्‍दाप। थे मिओन दोक्‍पोईलाङ बाँकी ज्‍य्‌वाबा मेङगो सिन ङे थेबाला खितासम्‍म मेलेबा खाबाप। ङे थोक मेलेबा खाबा ईन्‍सीनोङ प्रभु येशू ख्रीष्‍टकी ङाला दया खाईन लेमु खासुङ। च्‍यिला सासीन थेजीन ङे थेला विश्‍वास खाबा मेतान थेमे ङाराङगी चुक मेलेबा खिन ओते सिनोङ ङाला छ्या मेतान।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।

१ तिमोथी 2:7

परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।

२ तिमोथी 1:11

दि गा लाङच्‍येते बात ज्‍येनला लोप सिन परमेश्‍वरगी ङाला छाने खाबा ओतान। दोक खाईन ङा येशू ख्रीष्‍टकी खटे खाबाते मि ईन्‍देकी थेमे दि बात लोप्‍कान्‍ते मि ईन्‍देकी ङे दि काम खिता फाप्‍क्‍यो।

छ्या स्‍ये च्‍युताते बात 3:18

थोगी ङा ख्‍योकोनला च्‍यि खि सिते सासीन खेराङला जेसुकै दाङस्‍यीत ख्‍योप्‍स्‍यीत सिन मेला लुगीन ताकीन सक्‍कली दुका सिन छ्या स्‍येबाते सेर ङात्ताङ ङ्यो, ङोचा लाङच्‍या पेर्दुङबाराङ ओतेकी खोन्‍दाला ख्‍योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्‍यीत सिन ङात्ताङ ओताते मलम ङ्योला कु।