एफिसी 3:5 - जिरेल

⁵ थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

एफिसी 3:5 Iomraidhean Croise

मत्ती 13:17

ङा ख्‍योकोनला च्‍यि सिते सासीन ख्‍योकोनगी थोङा ङेताते स्‍वर्गे राज्‍य ताप सिन परमेश्‍वर बात खित्‍कान्‍ते मिओन थेमे परमेश्‍वरगी खि साबाते ङेन्‍कान्‍ते मि काल्‍बेई गुकीन देता ओतान। ईन्‍सीनोङ थेबे पालोला ता माङेत्‍सुङ। थोकराङ खाईन ख्‍योकोनगी थोबा ङेताते स्‍वर्गे राज्‍य बात चुक दुका सिन थोबा चाल्‍सीनोङ थेबेकी थे बेलाला थोबा माङेत्‍सुङ।

मत्ती 20:7

थोक सिरजीन थेबेकी ‘खै ङ्योकोनगीनी थरिङ छ्याःङ कामराङ माङेत्‍सुङ,’ सिन सिरजीन थेकी ‘लो थोक सासीन ख्‍योकोनबरीङ ङे स्‍यीङला काम खिताला ग्‍युक,’ सिन स्‍यीङदु ताङदुक्‍लो।

मत्ती 23:34

च्‍यिला सासीन था ङा ख्‍योकोन नाङ परमेश्‍वर बात खित्‍कान्‍ते मिओन, आउदी बुद्धि ओताते मिओन थेमे परमेश्‍वर बात लोप्‍कान्‍तेबाला तोङगो। थेबे नाङ ख्‍योकोनगी कोईला सेत्‍क्‍यो, कोईला स्‍यिङगी थामला टाँए खाला सेत्‍क्‍यो, कोईला खेराङ मिटिङ खित्‍च्‍येते खाम्‍बे नाङला खेरला कोर्रा लै खिओ थेमे कोईलाचेन थेबा जुन जुन सारदु डुइदुक थेरू थेरूराङ गाल्‍ला थेङलेकी उरला तोङगो।

लूका 10:24

ङा ख्‍योकोनला च्‍यि सिते सासीन ख्‍योकोनगी थोङा ङेताते परमेश्‍वर राज्‍य ताप सिन परमेश्‍वर बात खित्‍कान्‍ते मिओन थेमे गेल्‍बोओन काल्‍बेई गुकीन देता ओतान। ईन्‍सीनोङ थेबे पालोला ता माङेत्‍सुङ। थोकराङ खाईन ख्‍योकोनगी थोबा ङेताते परमेश्‍वर राज्‍य बात चुक दुका सिन थोबा चाल्‍सीनोङ थेबेकी थे बेलाला थोबा माङेत्‍सुङ,” सिन सिदुक।

लूका 11:49

खेराङ ज्‍युज्‍यु पुर्खाताङ ख्‍योकोनगी होदोक्‍ते काम खिओ सिन थे खोरोङ बुद्धिकी परमेश्‍वरगी गोमाका छ्या स्‍येबा ओतान। थेमे थेकी ‘ङा ङे बात खित्‍कान्‍तेबा थेमे ज्‍येनोङ ङाराङगी खटे खाबाते मिओन मि नाङ तोङगो। तर मिओनगीचेन ङे ताङाते मिओन नाङ कोईला सेत्‍क्‍यो, कोईला आउदी दुक्‍पा बिन्‍ला उरला तोङगो,’ सिन साबा ओतान।

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

शक्ति काम 10:28

थेमे थेकी थेबाबरीला “ङ्योकोन यहूदीओन ज्‍येन जातकी मित्ताङ दोक खाला साङ खिता मेङगो। थेमे थेबे खाम्‍बादु गाल्‍ला थेबाताङ सा मेङगो। दोक खासीन ङ्योकोनगी परमेश्‍वर नियमताङ मिडिक्‍च्‍येते काम खाबाते ईन सिरच्‍येते बात ख्‍योकोनला छ्याराङ ओत। दोक ईन्‍सीनोङ ङाला परमेश्‍वर थे खोरोङगीराङ था ख्‍योकोन च्‍योक्‍ते ज्‍येन ज्‍येन जातकी मिलाङ सुङलाङ सानु जाति ईन सिरा मेङगो सिन छ्या स्‍ये च्‍युत्‍सुङ।

रोमी 16:25

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात

१ कोरिन्‍थी 2:10

परमेश्‍वर बातला साबा च्‍योकराङ खाईन थे खोरोङगी गोमा सुङलाङ छ्या स्‍ये च्‍युता मेताते बात परमेश्‍वरगी ङुरूङलाचेन थे खोरोङ आत्‍मे छ्य्‌वापेई छ्या स्‍ये च्‍युता ओत। परमेश्‍वर आत्‍मेकीचेन गाङे बात छ्या स्‍येक्‍यो, परमेश्‍वरगी च्‍यि खिता चाल्‍ला दुका सिरच्‍येते बात समेदोङ छ्या स्‍येक्‍यो।

एफिसी 2:20

येशू ख्रीष्‍टकी खटे खाबाते मिओनताङ परमेश्‍वर बात खित्‍कान्‍ते मिओनगी तिङाते जगी लाक गारो चिबाच्‍योक खाईन ख्‍योकोनला ज्‍याक्‍पा ओत। थे जगीते आउदी काम लै खित्‍च्‍येते थे मेताला छ्याःङ खिता मुथुप्‍च्‍येते दोचेन येशू ख्रीष्‍टराङ ईन।

एफिसी 3:9

थेमे परमेश्‍वरगी गोमा सुङलाङ छ्या स्‍ये च्‍युता मेताते बात चुक खाईन छ्या स्‍ये च्‍युत्‍सुङा सिन मि गाङेला लेमु खाला खो ज्‍युत्‍च्‍येते ईन। दि सा नाम थेमे ओताते जति गाङे जोकान्‍ते परमेश्‍वरगी गोमा गोमा दि बात गाङेताङ ब्‍वाकीन ज्‍याक्‍पा ओतान।

२ पत्रुस 3:2

परमेश्‍वर बात खित्‍कान्‍ते मिओनगी गोमाका साबाते बाततेबा थेमे ङुरूङला पापदुकी डेल्‍कान्‍ते प्रभु येशू ख्रीष्‍टकी खि साबाते थेकी खटे खाबाते मिओनगी खेराङला लाप्‍कीन बिन्‍दाते बातओन ख्‍योकोनगी नोमुङ टोक माज्‍येत।

यहूदा 1:17

ङिङज्‍येते आज्‍यो न्‍वावे, ख्‍योकोनगी ङुरूङ प्रभु येशू ख्रीष्‍टकी खटे खाबाते मिओनगी खेराङला गोमाबा साबाते बाततेबा ठेम्‍बा खि।