एफिसी 3:3 - जिरेल

³ च्‍यि सासीन गोमा सुङलाङ छ्या स्‍ये च्‍युता मेताते बात च्‍यि ईन्‍दे सिन परमेश्‍वर थे खोरोङगीराङ ङाला छ्या स्‍ये च्‍युत्‍कीन बिन्‍सुङ। थे बात च्‍यि ईन्‍दे सिन ङे थुम्‍मी खाईन दि चिट्ठीला आनाङ भर्खर टिकीन सिन्‍दा ओत।

एफिसी 3:3 Iomraidhean Croise

शक्ति काम 22:17

हननियेकी साबाच्‍योक जेसुकै खाईन सिन्‍नामेकी ङा यरूशलेमपा ग्‍युरगीन गालाप। थेमे बाजिई ङा परमेश्‍वर मन्‍दिरने गाल्‍ला परमेश्‍वरला प्रार्थना खिते बेलाला ठामासोमुलाराङ

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

शक्ति काम 23:9

थोक खाईन थेबे नाङ थोम्‍मु स्‍योरजीन थेरू आदोराङ हल्‍ला खल्‍ला ओङसुङ। थेमे फरिसी पाटी नाङ धर्मे गुरूओन कोई कोईकी देत्‍सादुकी जराक जुरूक लाकीन “ङ्योकोनगी दि मिते छ्याःङ गल्‍ती मोथोङदुक। दिकी गोमा साबा च्‍योकराङ दित्ताङ परमेश्‍वर दूतज्‍यीगी कि थोक्‍ते सुइँदेकी ठेत्‍कीन बात खाबाते पक्‍काराङ ईन्‍दा, दोक ओङाते मेन्‍दासीन सिन ङुरूङगी चुक खाला सिरा थुप्‍कीतेरो?” सिन सासुङ।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

रोमी 16:25

थेमे परमेश्‍वरगीराङ ख्‍योकोनला शक्ति तेरच्‍येते ईन्‍देकी ख्‍योकोनगी येशू ख्रीष्‍टला विश्‍वास खिन देता थुप्‍क्‍यो। परमेश्‍वरगी खित्‍सादु दोक खिन देता थुप्‍क्‍यो सिन येशू ख्रीष्‍ट सु ईन्‍दे, चुक्‍ते ईन्‍दे सिन ङे लोप्‍कीन ओताते गा लाङच्‍येते बातला साबा ओत। दि जुग शुरू ओङा भन्‍दा गोमामेईराङ परमेश्‍वरगी सुङलाङ छ्या स्‍ये च्‍युता मेताते दि गा लाङच्‍येते बात

२ कोरिन्‍थी 12:1

ईन्‍दाका ङा दोक्‍ते मि ईन, ङे दोक खाबाप सिन छ्ये खाला छ्याःङ फाइदा मेत। ईन्‍सीनोङ था ङा ख्‍योकोनला प्रभु ख्रीष्‍टकी मिलाम खित ज्‍युताच्‍योक खाईन खो च्‍युताते थेमे छ्या स्‍ये च्‍युताते बातओन खितामीन।

गलाती 1:12

दि बात ङे सुइँदेकी लोप्‍कीन ओते बेलाला थोबातेङ मेन, ङाला सुइँदा मिकी लाप्‍कीन बिन्‍दातेङ मेन। दि बातनी ङाला येशू ख्रीष्‍ट थे खोरोङगीराङ छ्या स्‍ये च्‍युत्‍कीन बिन्‍दाते ईन।

एफिसी 1:17

ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

एफिसी 3:4

ख्रीष्‍टकी छ्य्‌वापेई खाबाते गोमा सुङलाङ छ्या स्‍ये च्‍युता मेताते थे बात ङे खजो लेमु खाईन खोबा ओता ईन्‍दाका सिन दि चिट्ठी पढे खित्‍जीन ख्‍योकोनगी छ्या स्‍येक्‍यो।

एफिसी 3:6

थे बातचेन दिराङ ईन। च्‍यि सासीन येशू ख्रीष्‍टकी खाबाते कामगी खित्‍सादु थाचेन परमेश्‍वरगी ज्‍येन ज्‍येन जातकी मिलाङ थे खोरोङगी छाने खाबाते इस्राएलीओनला तेरच्‍येते जति गाङे तेरच्‍या ओङा ओत, थेबालाङ ज्‍येन गाङेताङ डिक्‍पा खाईन जीउज्‍यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्‍या ओङा ओत। दि बाततेबा थेबाला लोप्‍च्‍येते गा लाङच्‍येते बातला साबा ओत।

एफिसी 3:9

थेमे परमेश्‍वरगी गोमा सुङलाङ छ्या स्‍ये च्‍युता मेताते बात चुक खाईन छ्या स्‍ये च्‍युत्‍सुङा सिन मि गाङेला लेमु खाला खो ज्‍युत्‍च्‍येते ईन। दि सा नाम थेमे ओताते जति गाङे जोकान्‍ते परमेश्‍वरगी गोमा गोमा दि बात गाङेताङ ब्‍वाकीन ज्‍याक्‍पा ओतान।

एफिसी 6:19

थेमे परमेश्‍वरगी गोमा सुङलाङ छ्या स्‍ये च्‍युता मेताते गा लाङच्‍येते बात ङे ज्‍येनला लोप्‍जीन छ्याःङ ज्‍यीबा मिक्‍किता खाला थेमे थेबेकी खोबा थुप्‍च्‍या खाला लोपा थुप्‍स्‍यीत सिन ङे लाईदुङ प्रार्थना खि।

कलस्‍सी 2:2

ख्‍योकोन थेमे होथेबा ज्‍येन गाङेकी आँट ङेत्‍ला दोक्‍पोईकी ज्‍येनज्‍यीकला ङिङज्‍ये खिन गाङेराङ सेमज्‍यीकराङ खाला डिक्‍ला देत्‍स्‍यीत थेमे परमेश्‍वरगी गोमा सुङलाङ छ्या स्‍ये च्‍युता मेताते बात च्‍यि ईन्‍दाका सिन ख्‍योकोन गाङेकी लेमु खाला छ्या स्‍येला पूरो खाला खोबा थुप्‍स्‍यीत सिनराङ ङा दोक दुक्‍पा खाला खाला काम खिन ओत। होथे बात लेमु खाला छ्या स्‍येच्‍या साबातेचेन ख्रीष्‍टला छ्या स्‍येच्‍येतेराङ ईन।

कलस्‍सी 4:3

थेमे थे खोरोङगी गोमा सुङलाङ छ्या स्‍ये च्‍युता मेताते ख्रीष्‍टकी बात मिओनला लोपाला परमेश्‍वरगी ङ्योकोनला मौका तेरस्‍यीत सिन ङ्योकोन लाईदुङ प्रार्थना खि। होथे बात मिओनला लापेकी खित्‍सादु थरिङोला ङाला जेलदु लुक्‍पा ओत।

हिब्रू 13:22

थेमे आज्‍यो न्‍वावे, दि चिट्ठीला ङे काल्‍बा बात टिबा मेत। ईन्‍सीनोङ खेराङगी चुक खिता फाप्‍कीते, च्‍यि खिता फाप्‍कीते सिन दुरू टिबाते बातबरी ख्‍योकोनगी स्‍येदाङ मिक्‍किता खाला लेमु खाला ङेन सिन ङा बिन्‍ती खिओ।

१ पत्रुस 5:12

दि चिट्ठी ङे सिल्‍वानसला टिक च्‍युताते ईन। सिल्‍वानसचेन खिओ साबा च्‍योकराङ खित्‍कान्‍ते मि ईन। दि ङेते ङाराङ न्‍वा च्‍योकराङ ईन। जति दुक्‍पा ओङजीनोङ ख्‍योकोन सेम मेसेता खाला देत्‍स्‍यीत सिन आँट तेराला थेमे परमेश्‍वरगी पक्‍काराङ दया खिओ सिन ख्‍योकोनगी लेमु खाला छ्या स्‍येस्‍यीत सिन ङे थुम्‍मी खाईन दि चिट्ठी टिबाते ईन। परमेश्‍वरगी खेराङला दया खिनराङ देत्‍स्‍यीत सिन थेला माने खिन देता मातोङ।

२ पत्रुस 3:15

मिओन पापकी सजायदुकी थारस्‍यीत सिनकामा प्रभु परमेश्‍वर थोरूमसाक सजाय मेतेरा खाईन गुकीन देताते ईन। परमेश्‍वरगी छ्या स्‍ये च्‍युत्‍कीन बिन्‍दा ओतेकी ङुरूङ ङिङज्‍येते आज्‍यो पावलगीङ परमेश्‍वर च्‍यिला गुकीन देताते ईन्‍दे सिन बात खित्‍जीन ख्‍योकोनला दि बातराङ टिबा ओत।