एफिसी 3:19 - जिरेल

¹⁹ थेमे मिकी जति बुद्धि खिये खासीनोङ खोबा मुथुप्‍च्‍या खाला ख्रीष्‍टकी ङुरूङला चुक ङिङज्‍ये खिते सिन ख्‍योकोनगी खोबा थुप्‍स्‍यीत सिनोङ ङा प्रार्थना खिओ। परमेश्‍वरगी ख्‍योकोनला थे खोरोङ बुद्धि थेमे शक्ति बिन्‍ला थे खोरोङ च्‍योकराङ लेमु ओङाला गोच्‍येते जति तेरस्‍यीत सिनराङ ङा ख्‍योकोन लाईदु दोक दोक खाला प्रार्थना खिओ।

एफिसी 3:19 Iomraidhean Croise

मत्ती 5:6

परमेश्‍वरगी खि साबा साबाच्‍योक खिता आउदी सेम खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबेकी सेम खाबा च्‍योकराङ ओङ ज्‍युत्‍क्‍यो।

यूहन्‍ना 1:16

परमेश्‍वर फुज्‍युङचेन आउदी दया खित्‍कान्‍ते ईन्‍देकी ङुरूङ गाङेकी आशी ङेता ओत। ङीमाईकामा मेन्‍देकी थेकी ङुरूङला दया खाला आशी तेरगीनराङ देत्‍क्‍यो।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

रोमी 8:35

थोगी च्‍यि था सुइँदेकी थेमे खइँदेकी ङुरूङला ङिङज्‍ये खित्‍कान्‍ते येशू ख्रीष्‍ट छ्य्‌वापेकी डेला थुप्‍क्‍योतरो? च्‍यि सासीन ङुरूङला दुक्‍पा ओङसीनोङ, पीर फाप्‍सीनोङ, ज्‍येनगी खेदा खाईन दुक्‍पा बिन्‍सीनोङ, त्‍वाबा तुक्‍पाताङ पेर्दुङबाराङ देता फाप्‍सीनोङ, खइँसाला दाक खइँदा ओङगीता सिन ज्‍यीबा खिता फाप्‍सीनोङ थेमे सेत्‍सुङराङ सासीनोङ येशू ख्रीष्‍टकी ङुरूङला ङिङज्‍ये खिता ताङाक्‍वा सिन नोमुङ सिरा माफाबो।

२ कोरिन्‍थी 5:14

ङ्योकोनगी थरिङोला जे खिदुक थे खालि ख्रीष्‍टकी ङेराङला ङिङज्‍ये खाबेकी खित्‍सादु ईन। मि गाङेकी खाबाते पापकी सजाय भोगे खाईन गाङे लाईदु ख्रीष्‍ट स्‍याप्‍ते ईन्‍देकी मि गाङे थेत्ताङराङ स्‍याप्‍ते च्‍योक ओङा ओत सिन ङ्योकोनगी लेमु खाईन छ्या स्‍येबा ओत।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

एफिसी 1:23

थेमे थे मिओनचेन थे जीउ च्‍योक ओङसुङ। थे खोरोङ मिओनला गोच्‍येते जति तेरकान्‍ते थेमे सा नाम खाङ खापा चुक ओङा फाप्‍च्‍येते ईन्‍दे थोकराङ ओङ च्‍युत्‍ला गाङेपा गाङेला राज्‍य खित्‍कान्‍तेङ ख्रीष्‍टराङ ईन।

एफिसी 3:18

दोक खाला परमेश्‍वरगी गोमा सुङलाङ छ्या स्‍ये च्‍युता मेताते बात खोबा चाल्‍ला खोबा मुथुप्‍च्‍या चुक अचम्‍ब ईन्‍दाका सिन परमेश्‍वर सन्‍तान ज्‍येन गाङेताङ ख्‍योकोनगीङ गाङे लेमु खाला खोबा थुप्‍स्‍यीत।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

एफिसी 5:25

थेमे ख्‍योओ मिवे, ख्रीष्‍टकी थे खोरोङ मिओनला चुक खाईन ङिङज्‍ये खासुङा ख्‍योकोनगीङ दाक्‍पोन फेम्‍मेला होथोकराङ खाला ङिङज्‍ये खि। थेकीनी थे खोरोङ मिओन लाईदु थे खोरोङ ज्‍यानराङ बिन्‍गीन स्‍यिसुङ।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

फिलिप्‍पी 4:7

थोक थोक खासीन ख्‍योकोनगी जति बुद्धि खिये खासीनोङ खोबा मुथुप्‍च्‍या खाला परमेश्‍वरगी अचम्‍ब खाला ख्‍योकोन सेमला ढुक्‍क लोङगो। थेकी थोक खानामेई येशू ख्रीष्‍टताङ जीउज्‍यीकराङ ओङा ओतेकी ख्‍योकोन सेमला पीरताङ ताप माफाबो, फाप्‍सीनोङ थेतेराङ विचार खिन देता माफाबो।

कलस्‍सी 1:10

प्रभु येशू मिकी चुक खिता फाप्‍कीते सिन छ्या स्‍येला ख्‍योकोनगी थोकराङ खित्‍स्‍यीत, काम बात जे खासीनोङ थेला मन परे मिक्‍किच्‍येते सिराते छ्याःङ मिक्‍किस्‍यीत बरू झन झन लेमुते कामकामा खित्‍स्‍यीत थेमे परमेश्‍वर सु ईन्‍दे, चुक्‍ते ईन्‍दे सिन झन लेमु खाला छ्या स्‍येस्‍यीत सिन ङ्योकोन दोक खाला प्रार्थना खिओ।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।

२ पत्रुस 3:18

ङुरूङला पापदुकी डेल्‍कान्‍ते प्रभु येशू ख्रीष्‍टकी थोई दया खासुङा थेमे थे चुक लेमु खित्‍कान्‍ते ईन्‍दे सिन झन झन लेमु खाला छ्या स्‍येबा थुप्‍स्‍यीत सिन ख्‍योकोनगी सत्‍यते बात ङेन्‍गीन देत। थरिङोला ईन्‍स्‍यीत, था तिरी ईन्‍स्‍यीत सधैँभरि प्रभु येशू ख्रीष्‍टते जय जय ओङस्‍यीत सिन सिइ। आमेन।