एफिसी 3:16 - जिरेल

¹⁶ थे आउदी खाला दया खित्‍कान्‍ते ईन्‍देकी थेमे थेत्ताङ छ्येज्‍यीक शक्ति ओतेकी थेकी थे खोरोङ आत्‍मेकी ख्‍योकोन सेमगी नाङ शुरू खाबाते काम खिन देत्‍ला ख्‍योकोनला थे खोरोङगी ज्‍वा चालाच्‍योक ओङाला झन शक्ति तेरस्‍यीत

एफिसी 3:16 Iomraidhean Croise

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

रोमी 2:29

परमेश्‍वरगी छाने खाबाते मि ओङालानी जीउला थे खतकी चिनु जोला मेन, दाक्‍पोन सेमका लेमु ओङा फाप्‍क्‍यो। परमेश्‍वर नियमला खतकी चिनु जो सिन टिबाते बात ङेन्‍ला मि सेम लेमु ओङच्‍येते मेन। परमेश्‍वर आत्‍मेकीकामा मि सेम लेमु जोइओ। होदोक्‍ते मिलाचेन ज्‍येनगी मान माक्‍यासीनोङ परमेश्‍वर थेबाताङ खुशी ओङला थेबाला मान तेरग्‍यो।

रोमी 7:22

ईन्‍दालाचेन परमेश्‍वर नियम लेमु ईन सिन ङाला थेरू खि साबा च्‍योकराङ खिता आउदी सेम लाङगीदुक।

रोमी 9:23

थोकराङ खाईन थे खोरोङगी ङिङज्‍ये खाबाते ज्‍येन मिओनलाचेन थेकी थे खोरोङ चुक छ्ये ईन्‍दे थेमे चुक आशी तेरकान्‍ते ईन्‍दे सिनोङ तेन्‍गीन बिन्‍दा ओत। थेबालाचेन मान बिन्‍ला थे खोरोङगी ज्‍वा चाला च्‍योकराङ लेमु जोइओ सिन थेकी गोमामेकीराङ टुङ्गो खाबा ओतान।

१ कोरिन्‍थी 16:13

खेराङला छक्‍के खिता छोल्‍कानताङ च्‍याङबो खाला देत, प्रभु येशूला लेमु खाला विश्‍वास खिन देत, फिजा च्‍योक ज्‍यीबा माकेत बरू पाकोते मिकी च्‍योक खाला काम खि।

२ कोरिन्‍थी 12:9

दोक खित्‍जीन थेकी ङाला “ङे खोल्‍ला आउदी खाईन दया खाबा ओत। दि भन्‍दा ल्‍हाक्‍पा था खोल्‍ला छ्याःङ मोगोओ। खोरोङगी छ्याःङ खिता मुथुप्‍जीनराङ खुई ङेताते ङे शक्ति चुक छ्ये ईन्‍दाका सिन खुई छ्या स्‍येक्‍यो,” सिन सिदुक। थोगी ङाराङगी छ्याःङ खिता मुथुप्‍जीन ङानी गाका खिओ। च्‍यिला सासीन थोक्‍ते बेलालाराङ ख्रीष्‍टकी ङाराङला थे खोरोङ शक्ति बिन्‍दा ओत सिन ङे छ्या स्‍येकीदुक।

२ कोरिन्‍थी 4:16

बात दोक दोक ईन्‍देकी ङ्योकोन नोमुङ सेम मेसेदो। ङेराङ स्‍येत घटे खिन खोले खोले छ्याःङ खिता मुथुप्‍च्‍या डुइन ओत्‍सीनोङ परमेश्‍वरगी बिन्‍दाते नोमुङ मिसिन्‍च्‍येते जुनीचेन दोक डुइन मोन्‍डोओ सिन ङीमे ठाङमा झन झन लेमु खाला छ्या स्‍येकीदुक।

एफिसी 1:18

ङा ज्‍येनोङ च्‍यि सिन प्रार्थना खिते सासीन परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते बात थेमे थे खोरोङ सन्‍तान ज्‍येनतेबाताङराङ तिरी ख्‍योकोनगी ङेत्‍च्‍येते जति चुक लेमु ईन्‍दे सिरच्‍येते बात थेकी ख्‍योकोनला लेमु खाला खो ज्‍युत्‍स्‍यीत सिन प्रार्थना खिओ।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

एफिसी 3:15

स्‍वर्गदु थेमे पृथ्‍वीदु ओताते जति गाङेला जुनी तेरकान्‍ते थेराङ ईन।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

एफिसी 6:10

थोरूमोङ बातज्‍यीक च्‍यि सासीन प्रभु ख्रीष्‍टताङ जीउज्‍यीकराङ ओङेकी थेकी ख्‍योकोनला थे खोरोङ छ्येज्‍यीक शक्ति बिन्‍दा ओत सिन टोक मेज्‍येता खाला छ्याःङ ज्‍यीबा मिक्‍किता खाला देत।

फिलिप्‍पी 4:13

जस्‍तो ओङसीनोङ येशू ख्रीष्‍टकी ङाला शक्ति तेरच्‍येते ईन्‍देकी ङे जेङ खिता थुप्‍क्‍यो।

फिलिप्‍पी 4:19

ङे माने खिन ओताते परमेश्‍वरताङ ङुरूङगी विचारराङ खिता मुथुप्‍च्‍या जेसुकै ओत। थेकीराङ ख्‍योकोनला गोच्‍येते जति येशू ख्रीष्‍ट छ्य्‌वापेकी पूरो खाला तेरग्‍यो।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।

कलस्‍सी 2:2

ख्‍योकोन थेमे होथेबा ज्‍येन गाङेकी आँट ङेत्‍ला दोक्‍पोईकी ज्‍येनज्‍यीकला ङिङज्‍ये खिन गाङेराङ सेमज्‍यीकराङ खाला डिक्‍ला देत्‍स्‍यीत थेमे परमेश्‍वरगी गोमा सुङलाङ छ्या स्‍ये च्‍युता मेताते बात च्‍यि ईन्‍दाका सिन ख्‍योकोन गाङेकी लेमु खाला छ्या स्‍येला पूरो खाला खोबा थुप्‍स्‍यीत सिनराङ ङा दोक दुक्‍पा खाला खाला काम खिन ओत। होथे बात लेमु खाला छ्या स्‍येच्‍या साबातेचेन ख्रीष्‍टला छ्या स्‍येच्‍येतेराङ ईन।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

हिब्रू 11:34

थेला विश्‍वास खाबा ओतेकी कोईला मे धुनी नाङ लुजीन मेकी समेत छ्याःङ खाबा मेतान, कोईचेन खोपरोङला तरवारगी तुप्‍ला सेता छोल्‍कान्‍ते मिओन लाःक्‍तुकी याङ याङ उम्‍के खाबा ओतान। थेबा खोपरोङ छ्याःङ खिता मुथुप्‍कान्‍ते ईन्‍सीनोङ परमेश्‍वरगी शक्ति बिन्‍गीन थेबाला छ्ये छ्ये काम खित च्‍युता ओतान। थोक खाईन शक्ति ङेत्‍कीन थेबेकी खोपरोङताङ लडाइँ खित ओङकान्‍ते ज्‍येन ज्‍येन लुङबे फौजला ज्‍यीबाराङ मिक्‍किता खाईन उरगीन ताङा ओतान।

१ पत्रुस 3:4

बरू ख्‍योकोनगी ङा ङाराङ ईन सिराच्‍योक माकेत, गाङेताङ खा छ्येत लेमु खाला डिक्‍ला थुन्‍ला देत। होदोक दोक खित्‍कान्‍ते फेम्‍मे मिलाराङ परमेश्‍वरगी लेमुते फेम्‍मे मि ईन सिओ।