एफिसी 3:13 - जिरेल

¹³ दोक ईन्‍देकी ओर्च्‍ये, ख्‍योकोन लाईदु काम खित्‍जीन ङे जेलदु देत्‍कीन दुक्‍पा भोगे खिता फापा ओत्‍सीनोङ ख्‍योकोन सेम मासेत। ङे दोक खाईन दुक्‍पा भोगे खाबातेनी ख्‍योकोनला लेमु ओङालाराङ ईन।

एफिसी 3:13 Iomraidhean Croise

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

२ कोरिन्‍थी 1:6

ङ्योकोनगी दुक्‍पा ङेत्‍सीन थे ख्‍योकोनगी आँट ङेत्‍ला ख्‍योकोनला लेमु ओङाला ईन। परमेश्‍वरगी ङ्योकोनला आँट तेरच्‍येते ख्‍योकोनलाङ आँट तेरग्‍यो सिराला ईन। थेकी आँट बिन्‍नामेई ङ्योकोनला च्‍योकराङ दुक्‍पा ओङजीन ख्‍योकोनगीङ सेम मेसेता खाला थोक्‍ते दुक्‍पा खपे खिता थुप्‍क्‍यो।

२ कोरिन्‍थी 4:1

परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

गलाती 6:9

थोगी आ लेमु खालाङ च्‍यि ओङगीतेरो सिराच्‍योक खाला ङुरूङगी लेमु खिन देता तोङा मेङगो। सेम मेसेता खाईन लेमु खिनराङ देत्‍सीनचेन बाली लै खानामेई तिरी बाली रूक्‍पा ङेता च्‍योकराङ खाला लेमु खाबेकी खित्‍सादु ङीमाई ङुरूङगीङ इनाम ङेत्‍क्‍यो।

एफिसी 3:1

परमेश्‍वरगी ख्‍योकोनला होदोक लेमु खाबा ओतेकी ङा पावल ख्‍योकोन लाईदु परमेश्‍वरला प्रार्थना खिओ। येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ख्‍योकोन ज्‍येन ज्‍येन जातकी मिला लेमु ओङस्‍यीत सिन ङा दोक खाला दुक्‍पा भोगे खिओ।

फिलिप्‍पी 2:18

थोगी ङा स्‍या फाप्‍सीनोङ ख्‍योकोन गा खि सिन सिओ। ङा ख्‍योकोनताङ डिगीन गा खाबा च्‍योकराङ ख्‍योकोनोङ ङात्ताङ डिक्‍ला गा खि।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

२ थिस्‍सलोनिकी 3:13

थेमे चुक खिता लेमु ईन्‍दे सिन दाक्‍पोन दाक्‍पोन लाःक खिन ओताते आज्‍यो न्‍वाबा ख्‍योकोनगीचेन ङे लेमु खाईन च्‍यि ओङसुङारो सिराच्‍योक मिक्‍किता खाला थरिङसाक खिन ओता च्‍योकराङ खिन देत।