एफिसी 3:12 - जिरेल

¹² ङुरूङ प्रभु येशू ख्रीष्‍टकी खाबाते कामगी खित्‍सादु थेमे थेला विश्‍वास खाबेकी खित्‍सादु था ङुरूङ छ्याःङ ज्‍यीबा मिक्‍किता खाला ढुक्‍क ओङला परमेश्‍वर दोन्‍दु ड्वा थुप्‍क्‍यो।

एफिसी 3:12 Iomraidhean Croise

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

रोमी 3:22

थाचेन जोराङ ईन्‍सीनोङ येशू ख्रीष्‍टला विश्‍वास खित्‍कान्‍ते मि गाङेला परमेश्‍वरगी दोषी मेन सिओ। यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत परमेश्‍वर दोन्‍दु गाङे थोजोराङ ईन।

रोमी 5:2

थेकी खित्‍सादुराङ परमेश्‍वरगी थे खोरोङला विश्‍वास खित्‍कान ङुरूङला दया खाईन थे खोरोङताङ डिक च्‍युताते ईन। था थेकी ङुरूङला दया खिता नोमुङ मोतोङो। दोक ईन्‍देकी थाचेन परमेश्‍वरगी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ साबाते बात ङुरूङगी आश खाईन गुकीन देता च्‍योकराङ खिओ सिन गा खिन देता थुप्‍क्‍यो।

२ कोरिन्‍थी 3:4

ख्रीष्‍टकी छ्य्‌वापेई ङेराङला काम खिताला खटे खित्‍कान्‍ते परमेश्‍वरराङ ईन सिन लेमु खाला छ्या ओतेकीराङ ङे ख्‍योकोनला ख्रीष्‍टकी टिबाते चिट्ठी ईन सिन साबाते ईन।

एफिसी 2:18

थेकी खाबाते कामगी खित्‍सादु थाचेन ख्‍योकोन ज्‍येन ज्‍येन जातकी मि ईन्‍सीनोङ ङ्योकोन इस्राएली ईन्‍सीनोङ ङुरूङ गाङेकी ङेताते परमेश्‍वर आत्‍मे छ्य्‌वापेईराङ आबा परमेश्‍वर दोन्‍दु ड्वा थुप्‍क्‍यो।

हिब्रू 10:35

दि बाततेबा सम्‍झे खाला सेम मेसेता खाला ख्‍योकोन थोरूमोङ होथोकराङ खिन देत। थोक खिनराङ देत्‍सीन परमेश्‍वरगी ख्‍योकोनला छ्येज्‍यीक इनाम तेरग्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

१ यूहन्‍ना 2:28

थेमे था फिजावे, ख्‍योकोन येशू ख्रीष्‍टताङ डिक्‍लाराङ देत। थोक खाईन देत्‍सीन थे ग्‍युरला ओङे छोमु सजाय ङेत्‍कीता सिन छ्याःङ ज्‍यीबा थेमे ङोचा मिक्‍किता खाला ङुरूङ थे दोन्‍दु ड्वा थुप्‍क्‍यो।

१ यूहन्‍ना 3:21

ङिङज्‍येते फिजावे, दाक्‍पोनते ङे च्‍यिला थोक खाताका सिन मेलेबा लाङच्‍येते छ्याःङ मेत्‍सीन ङुरूङला परमेश्‍वर दोन्‍दु छ्याःङ ज्‍यीबा मालाङो।