एफिसी 3:10 - जिरेल10 थाचेन गाङेपा जम्मा ओङकान्ते येशू ख्रीष्ट मिओनला ताला थे खोरोङगी थेबे लाईदु खाबाते कामतेबा चुक आउदी बुद्धि पुरे खाईन खाबाते ईन्दे सिन परमेश्वरगी स्वर्गने ओताते छ्ये टेक्टे थे खोरोङ दूत गाङेला छ्या स्ये च्युत्कीन बिन्सुङ। Faic an caibideil |
एफिसी 3:10
23 Iomraidhean Croise
थोगी ङे दि बात लेमु खाईन छ्या स्येबा ओत। च्यि सासीन दुरू सोन्ला देत देतसाक जे ओङसीनोङ थेमे स्यिनामेकीङ परमेश्वरगी ङुरूङला ङिङज्ये खिता मोतोङो। परमेश्वर दूतओनगी ईन्स्यीत, ल्हा लुओनगी ईन्स्यीत, थरिङोला ङेत्च्येते दुक्पा किम्मु बातकी ईन्स्यीत, था तिरी आइ परे खित्च्येते बातकी ईन्स्यीत, ल्हन्डीक स्यिन्डीपकी ईन्स्यीत थेमे खेनला स्वर्गने ओतातेबेकी ईन्स्यीत, थुल्ला नरककुण्डमा ओतातेबेकी ईन्स्यीत परमेश्वरगी जोबातेबरी जो ईन्सीनोङ जे ईन्सीनोङ सुङगीङ थेमे छ्याःङगीङ ङुरूङला ङिङज्ये खित्कान्ते परमेश्वर छ्य्वापेकी डेला मुथुबो। ङुरूङ प्रभु येशू ख्रीष्टकी खित्सादु थेकी ङुरूङला ङिङज्ये खिता नोमुङ तोङराङ मोतोङो।
थेकी सा नाम खाङ ओताते परमेश्वर दूतओन ईन्स्यीत, ल्हा ल्हन्डीक ईन्स्यीत, छ्ये टेक्टे जो ईन्सीनोङ जे ईन्सीनोङ होदिबा गाङेला राज्य खित्च्येते अधिकार ख्रीष्टला बिन्दा ओत। थेमे थेकीराङ ख्रीष्ट छेत छ्ये होदिबा सुङ मेन, दि जुगला ईन्स्यीत, था ओङच्येते सत्यते जुगला ईन्स्यीत ख्रीष्टराङ गाङे भन्दा छ्येते ईन सिन साबा ओत।
च्यिला सासीन सा नाम ईन्स्यीत, मिओनगी थोङा थुप्च्येते देङला ओताते जति जे ईन्स्यीत, मिओनगी थोङा मुथुप्च्येते स्वर्गने परमेश्वर दूत ईन्स्यीत, ल्हा लु ईन्स्यीत, ज्येनला राज्य खित्कान्तेबा ईन्स्यीत, छ्ये टेक्टे जोराङ ईन्सीनोङ ओताते जति गाङे परमेश्वरगी थे छ्य्वापेकीराङ जोबाते ईन। जोबाते जति गाङे थेतेराङ ईन।
थेमे ख्रीष्टकी खित्सादुराङ ख्योकोनगी परमेश्वरगी तेरच्येते साम्बाते जुनी ङेत्कीन खेराङला गोच्येते जति गाङे ङेता ओत। सा नाम खाङ ओताते परमेश्वर दूतओन ईन्स्यीत, ल्हा ल्हन्डीक ईन्स्यीत, छ्ये टेक्टे जो ईन्सीनोङ जे ईन्सीनोङ होदिबा गाङे ख्रीष्टकी अधीनला ओत। होदिबा गाङे भन्दा छ्येतेचेन थेराङ ईन।
परमेश्वरगी गोमा सुङलाङ छ्या स्ये च्युता मेताते थे खोरोङला चुक खाला माने खिता फाप्कीते सिरच्येते बात आउदी अचम्ब लाङच्याज्यीक दुक। दि बात मेन सिन सुङगीङ सिरा मुथुबो। दि बात च्यि ईन्दे सासीन ख्रीष्टचेन मि जुनी लाकीन पृथ्वीदु केसुङ। थे छ्याःङ गल्ती मेताते ईन सिन परमेश्वर आत्मेकी छ्या स्ये च्युता ओत। थेला परमेश्वर दूतओनगी थोङा ओत। जात जातकी मिला थे बात लाप्कीन बिन्दा ओत। सा लुङबा खाङ मिओनगी थेला विश्वास खाबा ओत। थेला परमेश्वरगी छ्येज्यीक मान बिन्गीन स्वर्गने खेरा ओत।
परमेश्वरगी खोपरोङला सिर च्युताते होदि बातओन थेबा खोपरोङ लाईदु मेन्देकी ख्योकोन लाईदु ईन सिन परमेश्वरगी थेबाला छ्या स्ये च्युता ओतान। थेबेकी साबाते होथे बाततेबा थरिङोला गा लाङच्येते बात लोप्कान्ते मिओनगी ख्योकोनला लाप्कीन बिन्दा ओत। दि गा लाङच्येते बात परमेश्वरगी स्वर्गनेकी ताङाते परमेश्वर आत्मे छ्य्वापेई थेबेकी ख्योकोनला लाप्कीन बिन्दा ओत। होदि बातओन परमेश्वर दूतओनगीङ आउदी खाला छ्या स्येबा सेम खिओ।
Sanasan