एफिसी 3:1 - जिरेल

¹ परमेश्‍वरगी ख्‍योकोनला होदोक लेमु खाबा ओतेकी ङा पावल ख्‍योकोन लाईदु परमेश्‍वरला प्रार्थना खिओ। येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ख्‍योकोन ज्‍येन ज्‍येन जातकी मिला लेमु ओङस्‍यीत सिन ङा दोक खाला दुक्‍पा भोगे खिओ।

एफिसी 3:1 Iomraidhean Croise

लूका 21:12

थोक थोक ओङा भन्‍दा गोमा मिओनगी ख्‍योकोनला जुम्‍ला आउदी दुक्‍पा तेरग्‍यो। थेबेकी ख्‍योकोनला मिटिङ खित्‍च्‍येते खाम्‍बादु ओताते अड्डे मि दोन्‍दु केल्‍ग्‍यो। थेमे जेलदुङ लु ज्‍युत्‍क्‍यो। दोस्‍यिककामा मेन, ख्‍योकोनला गेल्‍बोओनताङ रोमी गेल्‍बो हाकिमओन दोन्‍दुङ केल्‍ग्‍यो। ङे मि ईन्‍देकीराङ ख्‍योकोनला दोक दोक खिओ।

शक्ति काम 21:33

थेमे थे छ्येते मिकी “दि मिला जुम्‍ला लाक्‍पा ङिकारला नेल कोन,” सिन पावलला जिन च्‍युत्‍कीन थेरू मिओनला “दि मि सु ईन्‍दे? दिकी च्‍यि खासुङा?” सिन ठिसुङ।

शक्ति काम 23:18

थेमे थे क्‍याप्‍टेनगीङ पावल भानिजला थे छ्येते मि ओत्‍सादु क्‍याल्‍गीन “हजूर, दुरू ङुरूङगी किल्‍गीन ज्‍याक्‍पाते पावलगी दि मिला हजूरताङ ठेता खाला बिन सिदुक। दिते हजूरला सिरा फाप्‍च्‍येते बात ओत्‍लो,” सिन सिदुक।

शक्ति काम 26:29

थेमे पावलगी “बात जस्‍तो ईन्‍सीनोङ होत्ता ईन्‍स्‍यीत तिरीकामा ईन्‍स्‍यीत थरिङ दुरू दि बातओन थोकान्‍तेबा सरकार खो थेमे ज्‍येन दुरू ओतातेबरी गाङेराङ ङा च्‍योकराङ येशूला विश्‍वास खित्‍कान ओङस्‍यीत सिन ङा परमेश्‍वरला प्रार्थना खिओ। तर ङे च्‍योक खाला ख्‍योकोनगीचेन नेल खोन्‍दा माफाप्‍स्‍यीत,” सिन सिदुक।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

२ कोरिन्‍थी 1:6

ङ्योकोनगी दुक्‍पा ङेत्‍सीन थे ख्‍योकोनगी आँट ङेत्‍ला ख्‍योकोनला लेमु ओङाला ईन। परमेश्‍वरगी ङ्योकोनला आँट तेरच्‍येते ख्‍योकोनलाङ आँट तेरग्‍यो सिराला ईन। थेकी आँट बिन्‍नामेई ङ्योकोनला च्‍योकराङ दुक्‍पा ओङजीन ख्‍योकोनगीङ सेम मेसेता खाला थोक्‍ते दुक्‍पा खपे खिता थुप्‍क्‍यो।

२ कोरिन्‍थी 10:1

थेमे ज्‍येन बात कोई कोईकी ङा ख्‍योकोन दोन्‍दु ओत्‍जीनचेन बात खितालाङ ज्‍यीबा खिन ओतान, थारीला गाल्‍नामेईचेन ङाराङ ईन सिराच्‍योक खाला बात खित्‍च्‍याक्‍वा सिन ङे बात खिदुक्‍लो। था ङा पावल ख्रीष्‍टकी खाबा च्‍योकराङ ङाराङ ईन सिराच्‍योक मिक्‍किता खाला थेमे स्‍येदाङ मिक्‍किता खाला ख्‍योकोनताङ बात खितामीन।

२ कोरिन्‍थी 11:23

थेबेकी खोपरोङ येशू ख्रीष्‍ट काम खित्‍कान्‍तेबा ईन खिदुक। ङाङ येशू ख्रीष्‍ट काम खित्‍कान्‍तेराङ ईन। ईन्‍दानी दोक्‍ते बात खित्‍च्‍येते लेम्‍बे बात च्‍योक्‍ते ईन सिन ङाला छ्या ओत। ईन्‍सीनोङ ङा च्‍यि सिते सासीन थेबेकी भन्‍दा ङे खापान खापान ल्‍हाक्‍पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।

गलाती 5:11

थेमे आज्‍यो न्‍वावे, गा लाङच्‍येते बात लोप्‍जीन ङेङ यहूदीओनगी जीउला ज्‍वा फाप्‍च्‍येते खतकी चिनु ज्‍वापराङ फाप्‍क्‍यो सिन थोरूमसाक लोप्‍कीन ओता ईन्‍सीन थरिङसाकराङ यहूदीओनगी च्‍यिला ङाला खेदा खाला खाला दुक्‍पा तेरगीका ओना? ङेङ थेबेकी साबा च्‍योकराङ खित्‍च्‍येते ईन्‍दा ईन्‍सीन येशू ख्रीष्‍ट स्‍यिङगी थामला टाँए खाईन स्‍याप्‍की खित्‍सादुकामा परमेश्‍वरगी मिला दोषी मेन सिओ सिन ङे लोप्‍कीन ओताते बातकीते थेबा सुङगीङ दोक खाला विरोध खित्‍च्‍याराङ मेतान।

गलाती 5:2

दि बात लेमु खाला नामज्‍योक सेत्‍ला ङेन। ङा पावल ख्‍योकोनला च्‍यि सिते सासीन ख्‍योकोनगी थे नियमला साबाते ङेन्‍गीन जीउला खतकी चिनु जोसुङ सासीन ख्रीष्‍टकी खाबाते काम ख्‍योकोन लाईदु छ्याःङ काम लै मिक्‍किओ।

गलाती 5:24

येशू ख्रीष्‍टताङ जीउज्‍यीकराङ ओङाते मिओनगीचेन थानामेई थोक मिक्‍किओ सिन दाक्‍पोन खुशीला ख्‍याम्‍च्‍येते बानी येशू ख्रीष्‍ट टाँए खाईन स्‍याप्‍ते स्‍यिङगी थामला टाँए खाईन सिन्‍दा ओत। थोक खाईन दाक्‍पोन खुशीला ख्‍याम्‍च्‍येते बानी ताङगीन सिन्‍दा ओतेकी था थेबेकी दाक्‍पोनला च्‍यि च्‍यि खिता सेम लाङगीका थोकराङ खिता माफाबो।

एफिसी 3:11

दोक दोकराङ खिओ सिन थेकी गोमा गोमामेकीराङ ठीक खाबा ओतान। ठीक खाबा ओता च्‍योकराङ खाईन थेकी ङुरूङ प्रभु येशू ख्रीष्‍ट छ्य्‌वापेकी थे कामतेबा खासुङ।

एफिसी 3:13

दोक ईन्‍देकी ओर्च्‍ये, ख्‍योकोन लाईदु काम खित्‍जीन ङे जेलदु देत्‍कीन दुक्‍पा भोगे खिता फापा ओत्‍सीनोङ ख्‍योकोन सेम मासेत। ङे दोक खाईन दुक्‍पा भोगे खाबातेनी ख्‍योकोनला लेमु ओङालाराङ ईन।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

एफिसी 4:1

बात दोक दोक ईन्‍देकी ङा ख्‍योकोनला दोक खि सिन सिओ। प्रभु येशू ख्रीष्‍टकी खि साबाते काम खाबेकी ङाला जेलदु ज्‍याक्‍पा ओत। ङा ख्‍योकोनला चुक खि सिते सासीन ओर्च्‍ये, परमेश्‍वरगी खेराङला थे खोरोङ दोन्‍दु स्‍योक सिन कातोङजीन ख्‍योकोनगी चुक चुक खिता फाप्‍क्‍यो सिन साबा ओताने थोक थोकराङ खि।

एफिसी 6:20

ङा दि गा लाङच्‍येते बात लोपाला येशू ख्रीष्‍टकी ताङाते मि ईन्‍सीनोङ दुरू जेलदु देता फापा ओत। जे ईन्‍सीनोङ ङे दि बात छ्याःङ ज्‍यीबा मिक्‍किता खाला जस्‍तो खाला लोपा फाप्‍च्‍येते ईन थोकराङ खाला लोप्‍कीन देता थुप्‍स्‍यीत सिन प्रार्थना खिनराङ देत।

फिलिप्‍पी 1:7

ख्‍योकोन विषयला खाबाते दि बात ङे थाराङ खाबाते मेन। ङा ङीन नुप ख्‍योकोनला सम्‍झे खिनराङ देत्‍क्‍यो। ङा दुरू जेलदु देता ओत्‍सीनोङ थेमे ङाराङगी लोप्‍च्‍येते बात सत्‍यते ईन सिन बेला बेलाला अड्डादु बयान तेरा फाप्‍सीनोङ परमेश्‍वर दयेकी खित्‍सादुराङ ङे दोक दोक खिता थुपा ओत। ङाला दया खित्‍कान्‍ते परमेश्‍वरगी ख्‍योकोन गाङेलाङ ङाला च्‍योकराङ खाला दया खिन ओत।

कलस्‍सी 1:24

ख्‍योकोन लाईदु दुक्‍पा भोगे खित्‍च्‍येतेनी ङाला गा लाङच्‍येते बातका ईन। ख्रीष्‍टकी खिता चालाते काम पूरो ओङस्‍यीत सिन ङाङ ङाराङला ङे जीउकी थोई दुक्‍पा भोगे खिता फाप्‍क्‍यो सिन ओताने थोस्‍यिकराङ दुक्‍पा भोगे खिन ओत। दि दुक्‍पाचेन ङे येशू ख्रीष्‍ट थे खोरोङ जीउ ईन्‍दाते मिओनला लेमु ओङाला भोगे खिता फाप्‍क्‍यो।

कलस्‍सी 4:18

थेमे ङेतेङ ख्‍योकोनला नमस्‍ते सिनचेन ङा पावल ङाराङ लाक्‍पेकीराङ टिगीन ओत। ङा जेलदु ओताते बात टोक माज्‍येत। प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत।

कलस्‍सी 4:3

थेमे थे खोरोङगी गोमा सुङलाङ छ्या स्‍ये च्‍युता मेताते ख्रीष्‍टकी बात मिओनला लोपाला परमेश्‍वरगी ङ्योकोनला मौका तेरस्‍यीत सिन ङ्योकोन लाईदुङ प्रार्थना खि। होथे बात मिओनला लापेकी खित्‍सादु थरिङोला ङाला जेलदु लुक्‍पा ओत।

२ तिमोथी 1:16

ओनेसिफरस खाम्‍बे मि गाङेला प्रभु येशूकी लेमु खित्‍स्‍यीत। च्‍यिला सासीन पालोताङ पालो थेकी ङाला आँट बिन्‍दा ओतान। थेमे ङा जेलदु ओता ईन्‍सीनोङ छ्याःङ ङोचा खाबा मेतान।

२ तिमोथी 1:8

थोक ईन्‍देकी ज्‍येनला ङुरूङ प्रभु येशू बात लोपा नोमुङ ङोचा माकेत। थेमे थे बात लापेकी ङाला जेलदु ज्‍याक्‍पा ओत्‍सीनोङ खो छ्याःङ ङोचा माकेत। बरू थे गा लाङच्‍येते बात लोप्‍जीन खुईङ ङे च्‍योकराङ खाला दुक्‍पा भोगे खिता फाप्‍च्‍या दुक सासीनोङ थोकराङ खि। थोक खिताला परमेश्‍वरगीराङ खोल्‍ला थे खोरोङ शक्ति तेरग्‍यो।

फिलेमोन 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा तिमोथी ईन। येशू ख्रीष्‍टकी खि साबाते काम खिन ओतेकी ङा जेलदु देता ओत। ङ्योकोन दि चिट्ठी ङेत्ताङ डिक्‍ला गा लाङच्‍येते बात लोप्‍कान्‍ते ङिङज्‍येते र्‍वा फिलेमोन खोल्‍ला टिगीन ओत।

फिलेमोन 1:23

येशू ख्रीष्‍टकी खि साबाते काम खिन ओतेकी ङात्ताङराङ जेलदु ओताते इपाफ्रासते ख्‍योकोनला नमस्‍ते ओत्‍लो।

फिलेमोन 1:9

बरू परमेश्‍वर सन्‍तान गाङेला खुई ङिङज्‍ये खिओ सिन ङाला छ्या ओतेकी खुई चुक खासीन लेमु ईन्‍दे सिन ङा खोल्‍ला बातज्‍यीक खितामीन। खोल्‍ला दि बात खित्‍कान्‍ते ङा पावल था चुक गान्‍दा गाल्‍गीन सिन्‍दा ओते सिन थेमे येशू ख्रीष्‍टकी खि साबाते काम खितेकी थरिङोला जेलदु देता फापाते ईन सिन खोल्‍ला छ्याराङ ओत।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।