एफिसी 2:9 - जिरेल

⁹ थेकी ख्‍योकोनला दोक खाबाते ख्‍योकोनगी थेकी खि साबा साबाच्‍योक लेमु काम खाबेकी खित्‍सादुचेन पक्‍काराङ मेन। थोक ईन्‍दा ईन्‍सीन ङ्योकोनगी लेमु काम खाईनका परमेश्‍वरगी ङ्योकोनला पापकी सजायदुकी टालाते ईन सिन ख्‍योकोन छ्ये खिता ङेत्‍च्‍या ओतान। तर परमेश्‍वर दोन्‍दु सु छ्ये खिता थुप्‍कीते?

एफिसी 2:9 Iomraidhean Croise

रोमी 11:6

थेबाला थेकी खोपरोङगी खाबाते धर्म कर्मे काम ताकीन छाने खाबाते मेन। थे खोरोङ दयेकी खित्‍सादुकामा थेकी थेबाला दोक खाबाते ईन। मिकी खाबाते धर्म कर्मे काम ताकीन छाने खाबाते ईन्‍सीन थेकी थे खोरोङ दयेकी खित्‍सादुकामा मिओनला छाने खित्‍च्‍येते ईन सिन सिरा थुप्‍च्‍या मेतान।

रोमी 3:20

च्‍यिला सासीन परमेश्‍वर नियमला खि साबाते ङेन्‍लानी सुङलाङ परमेश्‍वरगी दोषी मेन सिरराङ मिसिरो। परमेश्‍वर नियम तालाचेन खालि थे नियम माङेन्‍गीन दाक्‍पोनगी पाप खाबा ओताक्‍वा सिनकामा छ्या स्‍येक्‍यो।

रोमी 4:2

च्‍यि थेकी परमेश्‍वरगी खि साबाच्‍योक खाईन लेमु काम खाबेकीका परमेश्‍वरगी थेला दोषी मेन साबा ओतान? दोकनी मेन। थोक ईन्‍दा ईन्‍सीन थेकी छ्ये खिता ङेत्‍च्‍या ओतान। मि दोन्‍दु छ्ये खासीनोङ थेकी परमेश्‍वर दोन्‍दु छ्ये खिता थुप्‍च्‍या मेतान।

रोमी 9:11

थेबा ङिबोकी लेमुताङ मेलेबा छ्याःङ काम माक्‍याबाला थेबा क्‍या भन्‍दा गोमाराङ परमेश्‍वरगी रिबेकाला “आज्‍योतेकीका न्‍वातेला मान खिता फाप्‍क्‍यो,” सिन साबा ओतान। परमेश्‍वरगी सुइँदाला थे खोरोङ दोन्‍दु स्‍योक सिन छाने खित्‍जीन मिकी खाबाते लेमुताङ मेलेबा काम ताला मेन, थे खोरोङला छाने खिता सेम लाबातेला छाने खिओ सिन तेन्‍दालाराङ थेकी थेबा ङिबो नाङ न्‍वातेला थोक खाईन छाने खाबा ओतान।

रोमी 9:16

थोगी परमेश्‍वरगी मिला ङिङज्‍ये खित्‍च्‍येतेचेन सुइँदा मिकी परमेश्‍वरगी ङाला ङिङज्‍ये खिता फाप्‍क्‍यो सिराच्‍योक खाबेकी खित्‍सादुङ मेन, स्‍याप स्‍याप खाईन धर्म कर्म खाबेकीङ मेन। थे खोरोङगी ङिङज्‍ये खिता सेम खाबेकीकामा थेकी मिओनला थोक खित्‍च्‍येते ईन।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।