एफिसी 2:8 - जिरेल

⁸ ख्‍योकोनगी थेला विश्‍वास खानामेई थे खोरोङ दयेकीकामा परमेश्‍वरगी ख्‍योकोनला पापकी सजायदुकी टालाते ईन। ख्‍योकोनगी खइँदा लेमु काम खाबेकी खित्‍सादु मेन्‍गीन थे खोरोङगी दोक खिता चालेकीकामा थेकी ख्‍योकोनला पापकी सजायदुकी टालाते ईन।

एफिसी 2:8 Iomraidhean Croise

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मत्ती 20:9

थेमे थेकीङ मालिकतेकी साबा च्‍योकराङ खाईन पाँच बजे नाङपा काम खित गालातेबाला चाँदी डबल रेरे निमेक बिन्‍दुक्‍लो। थोकराङ खाईन ज्‍येनतेबा गाङेलाङ चाँदी डबल रेरेराङ बिन्‍दुक्‍लो।

मर्कूस 16:16

दि बात ङेन्‍ला ङाला विश्‍वास खाला बप्‍तिस्‍मा लिन्‍कान्‍ते मिला परमेश्‍वरगी पापकी सजायदुकी डेल्‍ग्‍यो। दि बात मेङेन्‍कानताङ ङाला विश्‍वास मिक्‍किकान्‍तेलाचेन परमेश्‍वरगी पापकी सजाय तेरग्‍यो।

लूका 7:50

येशूकीचेन थेबे बातला नामज्‍योकराङ मेसेता खाईन थे फेम्‍मे मिला लोईन “खुई खोरोङ पाप ङे माफ खिता थुप्‍क्‍यो सिन विश्‍वास खाबेकी ङे खुई पाप गाङे माफ खाबा ओत। लो था खोले खोले ग्‍युक। थेमे लेमु खाला देत,” सिन सिदुक।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

यूहन्‍ना 6:35

थेबेकी थोक सानामेकी येशूकी “नोमुङ मिसिन्‍च्‍येते जुनी ङेत्‍च्‍येते सापचेन ङाराङ ईन। सुइँदा ङे छ्य्‌वापा लै खिदुक सासीन थेला नोमुङ त्‍वाबा मालाङो। थेमे ङाला विश्‍वास खित्‍कान्‍ते मिलाचेन नोमुङ कोम्‍बा मालाङो।

यूहन्‍ना 6:37

आबेकी ङे जिम्‍माला तेरच्‍येते मि जति गाङे ङे छ्य्‌वापा लै खिओ। थोक खित्‍कान्‍ते सुङलाङ ङा ङे छ्य्‌वापा माङ सिन नोमुङ मिसिरो।

यूहन्‍ना 6:40

ङाला थे खोरोङ फुज्‍युङ दुका सिन छ्या स्‍येला विश्‍वास खित्‍कान गाङेकी नोमुङ मिसिन्‍च्‍येते जुनी ङेत्‍स्‍यीत सिरच्‍येते ङे आबेते आउदी सेम ओत। थोक्‍ते मिओनलाचेन न्‍याय खिते छोमु ङा सोम्‍बो लोइओ,” सिन सिदुक।

यूहन्‍ना 6:44

ङाला दुरू तोङकान्‍ते आबेकी ङे छ्य्‌वापा खुला मावाथुपनी सुङ ङे छ्य्‌वापा लै खिताराङ मुथुबो। ङे छ्य्‌वापा लै खित्‍कान्‍ते मिलाचेन ङा न्‍याय खिते छोमु सोम्‍बो लोइओ।

यूहन्‍ना 6:65

थोरूमोङ बात खिन थेकी “थोगीराङ ङे ख्‍योकोनला गोमाका ङे आबेकी ङे छ्य्‌वापा खुला मावाथुपनी सुङ ङे छ्य्‌वापा लै खिताराङ मुथुबो सिन साबाते ईन,” सिन सिदुक।

शक्ति काम 13:39

येशूला विश्‍वास खित्‍कान गाङेला परमेश्‍वरगी थेबे पापबरी माफ बिन्‍ला थेबाला दोषी मेन सिन सिओ। मोशेकी टिबाते परमेश्‍वर नियम तालाचेन परमेश्‍वरगी ख्‍योकोनला दोक खाला दोषी मेन सिरा थुप्‍च्‍या मेतान।

शक्ति काम 14:27

थेपा लेप्‍नामेकी येशू ख्रीष्‍ट मि गाङेला जम्‍मा खाईन थेबा ङिबोकी परमेश्‍वरगी खोपरोङला चुक चुक खित च्‍युत्‍सुङा थेमे ज्‍येन ज्‍येन जातकी मिलाङ थेकी चुक खाईन येशूला विश्‍वास खित्‍च्‍येते मौका बिन्‍सुङा सिन गाङे बात लाःप्‍सुङ।

शक्ति काम 15:11

साँच्‍चीराङ थोक खिता मेङगो। च्‍यि प्रभु येशूकी ङुरूङलाङ थेबाला च्‍योकराङ खाईन दया खाईन पापदुकी टालाते मेनरो?” सिन सासुङ।

शक्ति काम 16:14

थेबे नाङ परमेश्‍वरला माने खित्‍कान्‍ते लिडिया सिराज्‍यीगोङ ओताक्‍वा। थे थिआटीरा सिराते सारगी मि ओतान। थे मोर्मुते रंग ग्‍यापाते आउदी दामीते खोलाक बेपार खित्‍कान्‍ते मि ओतान। प्रभु येशूकी थे फेम्‍मे मिला पावलगी साबाते बातओन लेमु खाला ङेन्‍च्‍ये सेम बिन्‍देकी थेकी लेमु खाईन थे बात ङेन्‍सुङ।

शक्ति काम 16:31

थेमे थेबेकी “खुई प्रभु येशूला विश्‍वास खि। दोक खासीन खोत्ताङ खुई खाम्‍बे मि गाङेला परमेश्‍वरगी पापकी सजायदुकी डेल्‍ग्‍यो,” सिन सिदुक।

रोमी 10:14

थोक ईन्‍सीनोङ प्रभु येशू ख्रीष्‍टला विश्‍वासराङ माक्‍याबाला सुङगीङ थे छ्य्‌वापा लै खाला थेत्ताङ मद्धत नाङ सिरा मुथुबो। थोकराङ खाला थे सु ईन्‍दे, चुक्‍ते ईन्‍दे सिन थे बात थोराङ माथोबाला सुङगीङ थेला विश्‍वास खिताराङ मुथुबो। थोगी थे बात थोबाला सुइँदा लाप्‍ला तेरकान्‍ते मि गोसुङ मेन?

रोमी 10:17

बात चुक ईन्‍दे सासीन सुइँदेकी ख्रीष्‍टकी बात लाप्‍कीन बिन्‍नामेई थे थोला मिओनगी येशू ख्रीष्‍टला विश्‍वास खित्‍च्‍येते ईन।

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

रोमी 4:5

तर परमेश्‍वरगी सुइँदाला दोषी मेन सिरच्‍येते बातचेन थे मिकी काम खाबेकी तलब बिन्‍दाते च्‍योक मेन। थोगी सुइँदेकी परमेश्‍वरगी खि साबाच्‍योक खित्‍च्‍या सिन दुक्‍पा खाईन खाईन लेमु काम खाबेकी खित्‍सादु मेन, परमेश्‍वरगी पापीते मिओनला दोषी मेन सिओ सिन थेला विश्‍वास खित्‍कान्‍ते मिओनलाका परमेश्‍वरगी दोषी मेन सिओ। दोक खाला थे खोरोङला विश्‍वास खित्‍कान्‍ते मिओनला थेकी होथोक्‍ते मि ईन सिओ।

रोमी 9:16

थोगी परमेश्‍वरगी मिला ङिङज्‍ये खित्‍च्‍येतेचेन सुइँदा मिकी परमेश्‍वरगी ङाला ङिङज्‍ये खिता फाप्‍क्‍यो सिराच्‍योक खाबेकी खित्‍सादुङ मेन, स्‍याप स्‍याप खाईन धर्म कर्म खाबेकीङ मेन। थे खोरोङगी ङिङज्‍ये खिता सेम खाबेकीकामा थेकी मिओनला थोक खित्‍च्‍येते ईन।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

एफिसी 1:19

थेमे ख्रीष्‍टला विश्‍वास खित्‍कान ङुरूङ नाङ परमेश्‍वरगी चुक छ्येज्‍यीक शक्तिकी काम खिन ओते सिन ख्‍योकोनला छ्या स्‍ये ज्‍युत्‍स्‍यीत सिनोङ प्रार्थना खिओ। थेकी ङुरूङ नाङ जुन छ्येज्‍यीक शक्तिकी काम खिन दुक होथे शक्तिकीराङ

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 2:5

खिता मेङच्‍येते कामकामा खिन पाप खिन थे लाईदु स्‍याप छेतराङ गालाते ङुरूङला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते जुनी बिन्‍सुङ। थे खोरोङ दयेकी खित्‍सादुकामा परमेश्‍वरगी ख्‍योकोनला दोक खाईन पापकी सजायदुकी टाल्‍गीन बिन्‍दाते ईन सिन टोक माज्‍येत।

फिलिप्‍पी 1:29

परमेश्‍वरगी ख्‍योकोनला थे खोरोङ दयेकी ख्रीष्‍टला विश्‍वास खित्‍च्‍येते मौकाकामा बिन्‍दा मेत, थेला विश्‍वास खित्‍जीन दुक्‍पा भोगे खिता ङेत्‍च्‍येते मौकाङ बिन्‍दा ओत।

कलस्‍सी 2:12

चुक सासीन ख्‍योकोनला बप्‍तिस्‍मा तेरजीन ख्‍योकोन छ्युई नाङ नुप्‍जीन ख्रीष्‍टताङराङ स्‍यिइन थेत्ताङ दिबाते ईन। थेमे छ्युदुई थेन्‍जीन परमेश्‍वरगी ख्‍योकोनला ख्रीष्‍टताङराङ सोम्‍बो लोक्‍पाते ईन। ख्रीष्‍टला स्‍यिसादुकी सोम्‍बो लोक्‍कान्‍ते परमेश्‍वरताङ छ्येज्‍यीक शक्ति ओत सिन थेला विश्‍वास खाबेकी थेकी ख्‍योकोनला थोक खाबाते ईन।

२ थिस्‍सलोनिकी 1:9

होथोक्‍ते मिओनगी ङेत्‍च्‍येते सजाय च्‍यि ईन्‍दे सासीन थेबाचेन प्रभु येशू दोन्‍दु बान्‍दा देता मेङेदो। थेत्ताङ चुक छ्येज्‍यीक शक्ति ओता ईन्‍दाका सिनोङ नोमुङ थोङा मेङेदो। थेबेकीनी सधैँभरि आउदी खाला दुक्‍पा भोगे खिनराङ देता फाप्‍क्‍यो।

हिब्रू 6:4

थेमे दि बात टोक माज्‍येत। च्‍यि सासीन परमेश्‍वर सु ईन्‍दे, चुक्‍ते ईन्‍दे सिन छ्या स्‍येबा ओताते, परमेश्‍वरगी खोपरोङला ताला जेसुकै लेमु ओङ ज्‍युत्‍क्‍यो सिरच्‍येते बात खोबा ओताते, परमेश्‍वर आत्‍मा ङेता ओताते,

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।