एफिसी 2:5 - जिरेल

⁵ खिता मेङच्‍येते कामकामा खिन पाप खिन थे लाईदु स्‍याप छेतराङ गालाते ङुरूङला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते जुनी बिन्‍सुङ। थे खोरोङ दयेकी खित्‍सादुकामा परमेश्‍वरगी ख्‍योकोनला दोक खाईन पापकी सजायदुकी टाल्‍गीन बिन्‍दाते ईन सिन टोक माज्‍येत।

एफिसी 2:5 Iomraidhean Croise

लूका 15:24

च्‍यिला सासीन दि दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन साकीन भोज लै खिताला जेसुकै ठीक खित च्‍युत्‍तुक्‍लो। थोक खाईन थेरू छ्येज्‍यीक भोज लै खादुक्‍लो।

यूहन्‍ना 5:21

च्‍यिला सासीन जस्‍तो खाला आबेकी स्‍याप्‍ते मिओनला सोम्‍बो लोक्‍ला नोमुङ मिसिन्‍च्‍येते जुनी तेरगीदुक, थोकराङ खाला थे फुज्‍युङगीङ थे खोरोङगी नोमुङ मिसिन्‍च्‍येते जुनी तेरा चालाते मिओनला थे जुनी तेरग्‍यो।

यूहन्‍ना 6:63

मिओनला नोमुङ मिसिन्‍च्‍येते जुनी तेरकान्‍ते परमेश्‍वर आत्‍मा ईन। मिकीचेन दोक खिताराङ मुथुबो। ङे ख्‍योकोनताङ खाबाते बाततेबा परमेश्‍वर आत्‍मेते थेमे नोमुङ मिसिन्‍च्‍येते जुनी बात ईन।

शक्ति काम 15:11

साँच्‍चीराङ थोक खिता मेङगो। च्‍यि प्रभु येशूकी ङुरूङलाङ थेबाला च्‍योकराङ खाईन दया खाईन पापदुकी टालाते मेनरो?” सिन सासुङ।

रोमी 16:20

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वरगी था होत्ताराङ शैतानला नोमुङ लाङा मुथुप्‍च्‍या खाला ख्‍योकोन तिङबे ओक्‍तु ज्‍य्‌वाक्‍यो। प्रभु येशूकी ख्‍योकोनला दया खिनराङ देत्‍स्‍यीत।

रोमी 3:24

ज्‍येन छ्याःङ मेन्‍देकी थे खोरोङ दयेकीकामा परमेश्‍वरगी मिओनला दोषी मेन सिओ। येशू ख्रीष्‍टकी खाबाते कामगी खित्‍सादु थेकी मिओनला पापदुकी टाल्‍ला दोक खाला दोषी मेन सिओ।

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

रोमी 5:10

ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 5:6

चुक सासीन ङुरूङगी परमेश्‍वरगी खि साबाते ङेन्‍गीन लेमु काम खिता थुपा मेतान। दोक खाईन ङुरूङ परमेश्‍वरगी माकेत साबा साबा खिन देता ओते बेलालाराङ ख्रीष्‍ट ङुरूङ लाईदु थे खोरोङ ज्‍यान बिन्‍गीन स्‍यिसुङ। परमेश्‍वरगी तोके खाबाते ठीक बेलाला थे दोक खाईन स्‍या ओतान।

रोमी 5:8

तर ख्रीष्‍टचेन ङुरूङ पापी ओत्‍कीन ओत्‍कीनोङ ङुरूङ लाईदु थे खोरोङ ज्‍यान बिन्‍गीन स्‍यिसुङ। ङुरूङ लाईदु ख्रीष्‍टला थोक खिताला ताङगीन परमेश्‍वरगी ङुरूङला आउदी खाला ङिङज्‍ये खिओ सिन छ्या स्‍ये च्‍युत्‍सुङ।

रोमी 8:2

परमेश्‍वर आत्‍मेकी ङाला पाप खित्‍च्‍येते बानीदुकी टाल्‍गीन ङे पाप खाबेकी स्‍या फाप्‍च्‍येते सजायदुकीङ जोए खाईन बिन्‍सुङ। थेमे ङा येशू ख्रीष्‍टताङ जीउज्‍यीकराङ ओङा ओतेकी थेकी ङाला नोमुङ मिसिन्‍च्‍येते जुनीङ बिन्‍दा ओत।

२ कोरिन्‍थी 13:14

लो प्रभु येशू ख्रीष्‍टकी ख्‍योकोनला दया खिनराङ देत्‍स्‍यीत, परमेश्‍वरगी ख्‍योकोनला ङिङज्‍ये खिन देत्‍स्‍यीत थेमे परमेश्‍वर आत्‍मा ख्‍योकोन गाङेताङ ङ्योम्‍बुराङ देत्‍स्‍यीत।

एफिसी 2:1

थेमे गोमाबा ख्‍योकोन खिता मेङच्‍येते कामकामा खिन पाप खिन ओतेकी परमेश्‍वर लाईदु स्‍याप छेतराङ गाला ओतान।

एफिसी 2:8

ख्‍योकोनगी थेला विश्‍वास खानामेई थे खोरोङ दयेकीकामा परमेश्‍वरगी ख्‍योकोनला पापकी सजायदुकी टालाते ईन। ख्‍योकोनगी खइँदा लेमु काम खाबेकी खित्‍सादु मेन्‍गीन थे खोरोङगी दोक खिता चालेकीकामा थेकी ख्‍योकोनला पापकी सजायदुकी टालाते ईन।

एफिसी 5:14

नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।

कलस्‍सी 2:13

खेराङ सेम मेलेबा ओत्‍कीन गोमाबा ख्‍योकोन खेराङला चुक खिता सेम लाङगीका थोकराङ खिन पाप खिन देतेकी परमेश्‍वर लाईदु स्‍याप छेतराङ गाला ओतान। ख्‍योकोन थोक्‍ते मि ओता ईन्‍सीनोङ परमेश्‍वरगी ख्‍योकोनला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते साम्‍बाते जुनी बिन्‍सुङ। थेकी ङुरूङगी खाबाते पाप गाङे माफ बिन्‍दा ओत।

तीतस 2:11

येशू ख्रीष्‍ट मिओनगी होदोक दोक खिता फाप्‍क्‍यो। च्‍यिला सासीन परमेश्‍वरगी मि गाङेला पापकी सजायदुकी डेलाला दया खाईन येशू ख्रीष्‍टला देमा ताङा ओत।

तीतस 3:5

ङुरूङला पापकी सजायदुकी टाल्‍सुङ। थेकी थोक खाबाते ङुरूङगी थेकी खि साबा साबाच्‍योक खाबेकी खित्‍सादु मेन। ङुरूङला आउदी खाला ङिङज्‍ये खितेकी खित्‍सादुकामा थेकी थोक खाबाते ईन। थेकी ङुरूङला ठु खाईन चोके खाबाच्‍योक खाईन परमेश्‍वर आत्‍मे छ्य्‌वापेकी लोईन केर च्‍युताच्‍योक खाईन साम्‍बाते जुनी बिन्‍गीन खुदुक जोसुङ।

छ्या स्‍ये च्‍युताते बात 22:21

परमेश्‍वर सन्‍तान गाङेला प्रभु येशूकी दया खिनराङ देत्‍स्‍यीत। आमेन।