एफिसी 2:3 - जिरेल

³ ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

एफिसी 2:3 Iomraidhean Croise

मर्कूस 4:19

ईन्‍सीनोङ साच्‍या थुङच्‍याताङ खोन्‍च्‍ये पीर, सम्‍पत्ति लोभ थेमे दाक्‍पोन खुशी खिता चालेकी खित्‍सादु थेबेकी थोबाते बात दाक टोक ज्‍येत्‍ला छ्याःङ काम लै मिक्‍किओ।

यूहन्‍ना 1:13

परमेश्‍वर फुज्‍युङ फुमु ओङच्‍येते साबाते ख्‍यावा फेम्‍मे ङ्योम्‍बु ङ्याल्‍गीन केबाते फिजा च्‍योक मेन। परमेश्‍वरगीराङ थेबाला साम्‍बाते जुनी बिन्‍ला थे खोरोङ फुज्‍युङ फुमु जोच्‍येते ईन्‍देकी दिचेन आमे कोखदु ठुङाते फिजा केबा च्‍योक्‍तेङ मेन।

यूहन्‍ना 8:44

ख्‍योकोनचेन खेराङ आबा शैतानताङ डिक्‍कान्‍ते मि ईन। थेमे ख्‍योकोन खेराङ आबेकी खित्‍च्‍येते कामकामा खिता सेम खिदुक। थेकीनी च्‍याक दि जुग शुरू ओङजीनमेईराङ मि सेत्‍च्‍येतेकामा खिन ओत। ईन्‍दाते बातला थेकी बान्‍दा गा मिक्‍किओ। साँचोते बात सिरातेचेन थेकी नोमुङ मिक्‍किओ। ढाँर खित्‍च्‍येतेनी थेते बानीराङ ईन्‍देकी थेचेन ढाँर खित्‍कान्‍ते ईन। ढाँर खित्‍च्‍येते सिराते गाङे थे छ्य्‌वापेईराङ ओङच्‍येते ईन।

शक्ति काम 14:16

गोमा गोमाबाचेन थेकी लुङबा लुङबे मि गाङेला खोपरोङ खुशी खिन ख्‍याम्‍सीनोङ छ्याःङ माक्‍यासुङ।

रोमी 1:24

मिओनगी थोक खिताला स्‍यूबेकी खित्‍सादु परमेश्‍वरगी थेबाला खोपरोङ खुशीला ताङसुङ। थोक खानामेई मिओनगी खोपरोङला जे खिता सेम लाङगीदुक थेराङ खिन खिता मेङच्‍येते ङोचा लाङच्‍येते कामकामा खिताला स्‍यूसुङ।

रोमी 11:30

गोमाबा ख्‍योकोनगीङ परमेश्‍वरगी साबाते ङेन्‍गीन मेतान। इस्राएलीओनगी थे खोरोङगी साबाते माङेन्‍नामेकीचेन थेकी ख्‍योकोनला ङिङज्‍ये खाबाते ईन।

रोमी 13:14

खेराङला जे जे खिता सेम लाङगीदुक थे थेराङ माकेत। दाक्‍पोन खुशीला ख्‍याम्‍बा लेमु मेन साला बरू ख्‍योकोनगी जे खासीनोङ प्रभु येशू ख्रीष्‍टकी खित ज्‍युता चाला च्‍योक्‍तेकामा खि।

रोमी 2:14

ज्‍येन ज्‍येन जातकी मिला परमेश्‍वर नियम बिन्‍दा मेतेकी थेबाला थे नियम छ्या मेत। दोक ईन्‍सीनोङ थेबेकी थे नियमला खि सिन साबाते बातताङ डिक्‍च्‍येते कामओन खिदुक। थेबेकी थोक खाबा थोङजीन खाङ काम लेमु ईन्‍दे, खाङ मेलेबा ईन्‍दे सिन थेबा खोपरोङगीराङ डेला थुपाते बात दाक छ्या स्‍येकीदुक।

रोमी 5:10

ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 5:9

ख्रीष्‍ट थोक खाला ङुरूङ लाईदु ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी ङुरूङला दोषी मेन साबा ओत। दोक ईन्‍देकी था तिरी परमेश्‍वरगी स्‍येदाङगी चूर गाल्‍ला तेरच्‍येते सजायदुकीङ ख्रीष्‍टकीराङ ङुरूङला टाल्‍ला तेरग्‍यो।

रोमी 6:12

थोगी दाक्‍पोन खुशी खाला मेलेबा कामताङ बात खिन देता माफाप्‍स्‍यीत सिन था पालोई स्‍यिला दि जीउ रूल्‍ला डुइओ सिन सम्‍झे खाला पाप खिता थोङ।

रोमी 7:18

ङा परमेश्‍वरगी खि साबाच्‍योक खिता मुथुप्‍कान्‍ते मिकामा ईन्‍देकी ङे लेमु सिराते छ्याःङ खिता मुथुप्‍च्‍येते ईन सिन ङाला छ्या ओत। चुक खाला सासीन लेमु खिताप सिन जतिराङ खासीनोङ ङाराङगी खिता चालाच्‍योक ङे पटक्‍क खिता मुथुप्‍तुक।

रोमी 9:22

होथोकराङ खाला परमेश्‍वरलाङ थे खोरोङला जस्‍तो खिता सेम लाङगीदुक उस्‍तोराङ खित्‍च्‍येते अधिकार ओतेकी थेकी कोई कोई मिला स्‍येदाङगी चूर गाल्‍ला थे खोरोङगी तेरच्‍येते सजाय चुक मेलेबाज्‍यीक ओङगीते थेमे थे खोरोङताङ चुक छ्येज्‍यीक शक्ति ओते सिन तेन्‍गीन बिन्‍दा ओत। थेबा परमेश्‍वरगी स्‍येदाङगी चूर गाल्‍ला नरककुण्‍डमा लुबा फाप्‍च्‍येते मि ओता ईन्‍सीनोङ थे थेबाताङ होत्ता स्‍येदाङ मिक्‍किता खाईन काल्‍बासाक खपे खाईन देता ओतान।

१ कोरिन्‍थी 4:7

ज्‍येन भन्‍दा ख्‍योकोन छ्ये ईन सिन ख्‍योकोनला सुई सिका? च्‍यि ख्‍योकोनताङ ओताते जेसुकै परमेश्‍वरगी बिन्‍दाते मेनरो? थोक ईन्‍सीनोङ ख्‍योकोन च्‍यिला सुङगीङ बिन्‍दाते मेन्‍देई थाराङ दाक्‍पोनगी ङेताते च्‍योक खाला छ्ये खिते?

२ कोरिन्‍थी 7:1

थोगी ङिङज्‍येते आज्‍यो न्‍वावे, परमेश्‍वरगी थोक थोक खिओ सिन साबाते ङुरूङ लाईदुङ ईन्‍देकी ङुरूङगी काम बात जे खित्‍जीनोङ थेला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिता फाप्‍क्‍यो। थेमे सेम खुदुक गालाते मि ईन्‍देकी ङुरूङगी लेमुते कामताङ बातकामा खिन देता फाप्‍क्‍यो।

गलाती 3:22

बरू बात चुक सासीन सा लुङबा खाङगी मि गाङेराङ परमेश्‍वर नियम माङेन्‍ला पापकामा खित्‍च्‍येते बानी थ्‍वाबाते ईन सिन परमेश्‍वर बातला साबा ओत। थोक ईन्‍देकी थेकी जमान खाईन तेरग्‍यो साबाते आशीचेन परमेश्‍वरगी येशू ख्रीष्‍टला विश्‍वास खित्‍कान्‍ते मिओनलाकामा तेरग्‍यो सिरच्‍येते बात पत्ते खित्‍कान्‍ते मिओनला तेरग्‍यो।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

एफिसी 4:22

था खेराङला लापा च्‍योकराङ खि। च्‍यि सासीन गोमा खिन ओताच्‍योक खिन मेदेता खाला मेलेबाते कामताङ बात खित्‍च्‍येते बानी थोङ। गोमाबा ख्‍योकोन दाक्‍पोन सेमला लाबा लाबाच्‍योक खासीन लेमु ओङगो सिन थोकराङ खिन ओतान। होथोक खाबेकी ख्‍योकोन ङ्येला डुइन ओतान।

कलस्‍सी 1:21

गोमाबा ख्‍योकोन मेलेबाते कामताङ बातकामा खिन ओतान। दोक खाईन ख्‍योकोन परमेश्‍वरताङ डिक्‍पा मेतान, थेत्ताङ डिक्‍च्‍येते सेमोङ खिन मेतान।

१ थिस्‍सलोनिकी 4:13

थेमे आज्‍यो न्‍वावे, ज्‍येन बात च्‍यि सासीन ख्‍योकोन नाङ स्‍यिइन सिन्‍दाते मिओनला था तिरी च्‍यि ओङगीते सिन ख्‍योकोनगी लेमु खाला छ्या स्‍येस्‍यीत सिन ङ्योकोन दि बात खिन ओत। थेबाला चुक ओङगीते सिन छ्या स्‍येनामेकी ख्‍योकोनगीचेन स्‍वर्गने ड्वा ङेत्‍कीता मेङेत्‍ता सिन छ्याःङ आश मेताते मिओनगी खोपरोङते स्‍यिइन सिन्‍दाते मिओन लाईदु पीर खाबाच्‍योक खाला पीर खिता माफाबो।

१ थिस्‍सलोनिकी 5:6

थोगी ङुरूङगी होथे ज्‍येनगी खिन ओताच्‍योक खिता मेङगो। ङिगी जाप्‍ते मि च्‍योक गाला ओतेकी थेबेकीचेन तिरी बात छ्याःङ विचार मिक्‍किओ। ङुरूङचेन तिरी बातकी विचार खाला च्‍याङबो खाला देता फाप्‍क्‍यो, छ्याङ रक्‍सी थुकीन होस तोराते मिकी खिताच्‍योक खिता मेङगो।

१ तिमोथी 6:9

छ्युक्‍पु ड्वा छोल्‍कान्‍ते मिओनलाचेन झन झन पैसे लोभ लाला तोर्बाकला फाप्‍लु खाला मेलेबा ओङगो। पैसे लोभकी खित्‍सादु थोक्‍ते मिओनगीचेन लेम्‍बा च्‍योक खाला आउदी मेलेबातेन्‍दे काम खाला खोपरोङ स्‍यूक्‍च्‍येते डालुम खोपरोङगीराङ ठुइओ।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

१ पत्रुस 1:14

लाःपा कोताते ङेन्‍कान्‍ते फिजा च्‍योकराङ ओङला परमेश्‍वरगी कोताते ङेन। गोमाबा ख्‍योकोन छ्याःङ छ्या मेस्‍येकान्‍ते मि च्‍योक दाक्‍पोन सेमला लाबा लाबा खिन ओतान, था थोक माकेत।

२ पत्रुस 2:14

थेबाचेन थोङाते जति फेम्‍मे मित्ताङ ङ्यालाकामा छोल्‍ग्‍यो। थोक्‍ते काम खाला थेबा नोमुङ माडाओ। सेम ङि ओताते मिओनला खोपरोङ छ्य्‌वापा लै खित ज्‍युताला थेबा च्‍योक सिपालु ज्‍येन सुङ मेङगो। जहिलेङ सम्‍पत्ति लोभकामा खिन खापेकी चुक खाला सम्‍पत्ति ज्‍वा थुप्‍कीते सिन थेबेकी लेमु खाईन छ्या स्‍येबा ओङगो। थेबाला परमेश्‍वर सराप फाप्‍क्‍यो।

२ पत्रुस 2:18

च्‍यिला सासीन थेबेकी काम लै खित्‍च्‍येते बात सिराते छ्याःङ मोलोबो। खोपरोङ जे बादोङ छ्या स्‍येकान ईन सिराच्‍योक खाला आउदी छ्ये छ्ये बात खिओ। दाक्‍पोन खुशी खिन दि सा लुङबे मिओनगी खित्‍च्‍येते च्‍योक्‍ते खिता मेङच्‍या ङोचा लाङच्‍येते काम खिता ताङगीन भर्खर भर्खर परमेश्‍वरला विश्‍वास खिताला स्‍यूबाते मिओनला दिबेकी होथोक्‍ते काम खासीन छ्याःङ मेङगो साला लोक्‍ला गोमा खाबाते होथोक्‍ते कामराङ खित ज्‍युत्‍कीदुक।

१ यूहन्‍ना 2:16

दि सा लुङबे मिओनगीनी जसकीङ दाक्‍पोनला जे जे खिता सेम लाङगीदुक थेराङ खित्‍च्‍येते, मिगी थोङाते जति जेसुकैते लोभ खित्‍च्‍येते थेमे ङा छेत सुङ मेन सिराच्‍योक खित्‍च्‍येतेकामा खिओ। थोक खि सिन आबा परमेश्‍वरगी साबाते ईनराङ मेन। दोक खित्‍च्‍येतेनी दि सा लुङबे मि खोपरोङ सेमगी नाङदुई ओङच्‍येते ईन।

१ यूहन्‍ना 2:8

ईन्‍सीनोङ ङा ख्‍योकोनला थेकी खि सिन कोताते ज्‍येन बातज्‍यीक टिगीन ओत। दोक चुक खाला खित्‍च्‍ये सिन थे खोरोङगी तेन्‍गीन बिन्‍दा ओतान। थेमे ख्‍योकोनगीङ थोकराङ खिन दुक। च्‍यिला सासीन मुन्‍दाक तोरला डुइन ओत। थेमे स्‍वर्गे नाम्‍दाक दुरू वाकीन सिन्‍दा ओत।