एफिसी 2:20 - जिरेल

²⁰ येशू ख्रीष्‍टकी खटे खाबाते मिओनताङ परमेश्‍वर बात खित्‍कान्‍ते मिओनगी तिङाते जगी लाक गारो चिबाच्‍योक खाईन ख्‍योकोनला ज्‍याक्‍पा ओत। थे जगीते आउदी काम लै खित्‍च्‍येते थे मेताला छ्याःङ खिता मुथुप्‍च्‍येते दोचेन येशू ख्रीष्‍टराङ ईन।

एफिसी 2:20 Iomraidhean Croise

मत्ती 16:18

पत्रुस, खुई मिनगी अर्थ दो साबाते ईन। थोगी ङा खोल्‍ला च्‍यि सिते सासीन दोई जगी लाक्‍तु खाम्‍बा ज्‍वा च्‍योकराङ ङाङ ङाराङ मिओन खुई छ्य्‌वापेकीराङ ओङ ज्‍युत्‍क्‍यो। थेमे थेबाला शैतानगीङ ग्‍याल्‍ला नरककुण्‍डमा लुबा मुथुबो।

मत्ती 21:42

थेबेकी थोक सानामेई येशूकी “च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ। प्रभु परमेश्‍वरगीराङ थे दोला दोक जोबाते ईन। थेकी थोक अचम्‍ब काम खाबाते ङ्योकोनगी थोङा ओत,’ सिन टिबा ओत।

१ कोरिन्‍थी 12:28

येशू ख्रीष्‍ट मिओन नाङ परमेश्‍वरगी छ्येदुकी शुरू खाईन टेक्‍टेसाक गाङेला दाक्‍पोन दाक्‍पोन जिम्‍मा बिन्‍दा ओत। थेबे नाङ गाङे भन्‍दा गोमाचेन येशू ख्रीष्‍टकी खटे खाबाते मिओन, थेबे तिरी परमेश्‍वर बात खित्‍कान्‍तेबा, थेरूकी परमेश्‍वर बात लोप्‍कान्‍तेबा फाप्‍क्‍यो। थोकराङ खाला अचम्‍ब अचम्‍बतेन्‍दे काम खित्‍कान्‍तेबा, नाबाते मिओनला ठाक्‍पा खित्‍च्‍येते शक्ति ङेता ओतातेबा, ज्‍येनला मद्धत खित्‍कान्‍तेबा, खाङ काम चुक खाला खिता फाप्‍कीते सिन छ्या स्‍येकान्‍तेबा थेमे खोपरोङगी छ्या मास्‍येबाते खुदुक खुदुकते भाषाला बात खित्‍कान्‍ते मिओन फाप्‍क्‍यो।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

एफिसी 3:5

थे बात च्‍यि ईन्‍दे सिन परमेश्‍वरगी गोमे मि सुङलाङ छ्या स्‍ये च्‍युता मेतान। थाचेन थेकी येशू ख्रीष्‍टकी खटे खाबाते मिओन थेमे थे खोरोङ बात खित्‍कान्‍ते मिओनला थे बात च्‍यि ईन्‍दे सिन थे खोरोङ आत्‍मे छ्य्‌वापेई छ्या स्‍ये च्‍युत्‍कीन बिन्‍दा ओत।

कलस्‍सी 2:7

च्‍यि सासीन येशू ख्रीष्‍ट सु ईन्‍दे, चुक्‍ते ईन्‍दे सिन खेराङगी छ्या स्‍येबाते बात ङेन्‍दा नोमुङ मातोङ, झन झन लेमु खाला थे बातला खि साबा च्‍योकराङ खिन येशू ख्रीष्‍टला विश्‍वास खिन देत, ज्‍येनगी जे सासीनोङ खेराङला लाप्‍कीन बिन्‍दाते येशू ख्रीष्‍ट बातला छ्याःङ शंका माकेत थेमे परमेश्‍वरगी खेराङला चुक लेमु खासुङा सिन थेला धन्‍यवाद सिरा नोमुङ मातोङ।

१ पत्रुस 2:6

परमेश्‍वर बातला परमेश्‍वरगी “लो दि बात लेमु खाला ङेन। ङा सियोन सारदु ङाराङगी छाने खाबाते दोज्‍यीक ज्‍य्‌वाक्‍यो। थे मेताला छ्याःङ खिता मुथुप्‍च्‍या थे दो आउदी काम लै खित्‍च्‍येते ईन। परमेश्‍वरगी सियोन सारदु ज्‍याक्‍पाते दो साबाते मिकीकामा ङुरूङला लेमु खिता थुप्‍क्‍यो सिन थेला विश्‍वास खित्‍कान्‍ते मिओनला थेकी नोमुङ ङोचा मोलोङो,” सिन साबा ओत।

छ्या स्‍ये च्‍युताते बात 21:14

थे सारगी गारोते जग च्‍युन्‍ङी ओतान। थे जगओन लाक्‍तुचेन लुई रीउकी खटे खाबाते मेन्‍दा च्‍युन्‍ङी मिओन मिन टिबा ओतान।