एफिसी 2:18 - जिरेल

¹⁸ थेकी खाबाते कामगी खित्‍सादु थाचेन ख्‍योकोन ज्‍येन ज्‍येन जातकी मि ईन्‍सीनोङ ङ्योकोन इस्राएली ईन्‍सीनोङ ङुरूङ गाङेकी ङेताते परमेश्‍वर आत्‍मे छ्य्‌वापेईराङ आबा परमेश्‍वर दोन्‍दु ड्वा थुप्‍क्‍यो।

एफिसी 2:18 Iomraidhean Croise

मत्ती 28:19

थोगी था गाङे लुङबा लुङबाला गाल्‍ला गाङेपे मिओनला ङे चेला जो। चुक सासीन आबा परमेश्‍वर, परमेश्‍वर फुज्‍युङ थेमे परमेश्‍वर आत्‍मे मिनगी छ्य्‌वापेई थेबाला बप्‍तिस्‍मा बिन।

यूहन्‍ना 10:7

थोगी येशूकी लोईन “ङा ख्‍योकोनला दि बात सिओ। च्‍यि सासीन लुगी खोरगी गोचेन ङाराङ ईन।

यूहन्‍ना 10:9

नाङने स्‍यूक्‍च्‍येते गोचेन ङाराङ ईन। सुइँदा ङे छ्य्‌वापेकी खाला नाङने स्‍यूइदुक सासीन ङा थेला मेलेबा ओङसादुकी जोए खिओ। लुई गोठालेकी ङीमे ठाङमा लुक छोर खेराताङ खोरदु खुलाङाच्‍योक खाला ङाङ ङाराङ मिओनला गोच्‍येते जति बिन्‍ला लेमु खाला तेइओ।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

रोमी 5:2

थेकी खित्‍सादुराङ परमेश्‍वरगी थे खोरोङला विश्‍वास खित्‍कान ङुरूङला दया खाईन थे खोरोङताङ डिक च्‍युताते ईन। था थेकी ङुरूङला दया खिता नोमुङ मोतोङो। दोक ईन्‍देकी थाचेन परमेश्‍वरगी ङुरूङला मान बिन्‍ला थे खोरोङगी ज्‍वा चाला च्‍योकराङ लेमु जोइओ साबाते बात ङुरूङगी आश खाईन गुकीन देता च्‍योकराङ खिओ सिन गा खिन देता थुप्‍क्‍यो।

रोमी 8:15

योक्‍पो योङमुकी मालिकतेकी दुङगीता सिन ज्‍यीबा खुराच्‍योक खाला था लोक्‍ला ख्‍योकोनगीचेन परमेश्‍वरगी सजाय तेरगीता सिन थेत्ताङ छ्याःङ ज्‍यीबा खिता माफाबो। च्‍यिला सासीन परमेश्‍वरगी थे खोरोङ आत्‍मा बिन्‍गीन ख्‍योकोनला थे खोरोङ धर्म-पुत्र जोबा ओत। थेमे परमेश्‍वर आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

१ कोरिन्‍थी 12:13

यहूदी ईन्‍सीनोङ, ग्रीक ईन्‍सीनोङ, योक्‍पो योङमु ईन्‍सीनोङ, ज्‍येन ईन्‍सीनोङ बप्‍तिस्‍मा लानामेई ङुरूङ गाङेराङ जीउज्‍यीकराङ ओङा ओत। थेमे ङुरूङ गाङेकी परमेश्‍वर आत्‍माज्‍यीकराङ ङेता ओत।

१ कोरिन्‍थी 8:6

ईन्‍सीनोङ ङुरूङ लाईदुनी परमेश्‍वर खालि दोक्‍पोईकामा ओत। थेचेन ङुरूङ आबा ईन। दि सा नाम थेमे ओताते जति गाङे थेकीराङ जोबाते ईन। थेमे परमेश्‍वर मि ईन्‍देकी ङुरूङ थेकी साबाते ङेन्‍ला थेला छ्ये जोइओ। थोकराङ खाला येशू ख्रीष्‍टकामा ङुरूङ मालिक ईन। दि सा नाम थेमे ओताते जति गाङे परमेश्‍वरगी थे छ्य्‌वापेकीराङ जोबाते ईन। थेमे ङुरूङला जुनी तेरकान्‍तेङ येशू ख्रीष्‍टराङ ईन।

गलाती 4:6

दोक खाईन ख्‍योकोन थे खोरोङ फुज्‍युङ फुमुराङ ओङा ओतेकी परमेश्‍वरगी ख्‍योकोनला थे खोरोङ फुज्‍युङ आत्‍मा बिन्‍सुङ। ङुरूङ सेमगी नाङ ओताते थे आत्‍मे छ्य्‌वापेकीराङ परमेश्‍वरला ङुरूङ दाक आबा सिन सिओ।

एफिसी 3:12

ङुरूङ प्रभु येशू ख्रीष्‍टकी खाबाते कामगी खित्‍सादु थेमे थेला विश्‍वास खाबेकी खित्‍सादु था ङुरूङ छ्याःङ ज्‍यीबा मिक्‍किता खाला ढुक्‍क ओङला परमेश्‍वर दोन्‍दु ड्वा थुप्‍क्‍यो।

एफिसी 3:14

आबा परमेश्‍वरगी खाबाते दि अचम्‍बते कामओन विचार खिन घुँडा चुला ङा थेला प्रार्थना खिओ।

एफिसी 4:4

च्‍यिला सासीन ङुरूङ गाङेराङ जीउज्‍यीक्‍तेराङ ओङा ओत, ङुरूङ गाङेकी परमेश्‍वर आत्‍माज्‍यीकराङ ङेता ओत थेमे परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते ङुरूङ गाङेकी ङेत्‍च्‍येतेङ दोक्‍पोईराङ ईन।

एफिसी 6:18

दोक दोक खित्‍जीन परमेश्‍वरताङ प्रार्थना खिनराङ देत। परमेश्‍वर आत्‍मे छ्य्‌वापेकी जहिलेङ थेत्ताङ प्रार्थना खिन देत्‍ला खेराङला च्‍यि च्‍यि गोकीका नाङ सि। थोक खाला प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि। प्रार्थना खित्‍जीन परमेश्‍वर सन्‍तान गाङे लाईदु प्रार्थना खिताङ नोमुङ मातोङ।

कलस्‍सी 1:12

थेमे ख्‍योकोनगी आबा परमेश्‍वरला धन्‍यवाद सिरा थुप्‍स्‍यीत सिनोङ प्रार्थना खिओ। थेकी थे खोरोङ सन्‍तानओनगी स्‍वर्गे राज्‍यने ङेत्‍च्‍येते गाङे ङुरूङगीङ ङेत्‍क्‍यो सिन साबा ओत।

हिब्रू 7:19

च्‍यिला सासीन थे नियमला खि साबाच्‍योक खासीनोङ मि सुङ पूरो खाईन पापकी छ्य्‌वापेई ठाला माथुप्‍सुङ। तर नियम साटोला थानी परमेश्‍वरगी पूरो खाला पापदुकी ठाल्‍च्‍येते ज्‍येन लाम जोबा ओतेकी ङुरूङते आश ओत। थेकी दोक खाबा ओतेकी थाचेन ङुरूङ थे दोन्‍दु ड्वा थुप्‍क्‍यो।

याकूब 3:9

ङुरूङचेन आबा परमेश्‍वरला मान खिन थेते जय जय ओङस्‍यीत सिन सिओ। थेचेन ङुरूङ प्रभु ईन। लोक्‍ला परमेश्‍वरगी थे खोरोङ च्‍योकराङ ओङच्‍या खाईन जोबाते मिओनला ङुरूङ मोता सराप खिओ।

१ पत्रुस 1:17

थेमे परमेश्‍वरताङ प्रार्थना खित्‍जीन ख्‍योकोन थेला आबा सिन सिओ। थेकी सुङलाङ काका पाका मिक्‍किता खाला सुई चुक खाला दुका थे ताला न्‍याय खिओ। थोगी खेराङ दुरू मि लुङबे मि च्‍योकराङ ईन सिन सम्‍झे खाला सोन्‍ला देत देतसाकराङ ख्‍योकोनगी परमेश्‍वरला मन परे मिक्‍किच्‍येते छ्याःङ खिता मेङगो सिन ज्‍यीबा खिन लेमु खिन देत।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

१ पत्रुस 3:18

मिओनला पापदुकी डेलाला ख्रीष्‍ट पापकी सजाय भोगे खाईन थे खोरोङ ज्‍यान बिन्‍गीन स्‍या ओतान। दोक खाईन छ्याःङ गल्‍ती मेताते ख्रीष्‍ट परमेश्‍वरगी माकेत साबा साबा खित्‍कान्‍ते मिओन लाईदु स्‍या ओतान। थे थोक खाईन बाजिई मि गाङे लाईदु स्‍यिइन सिन्‍दा ओतेकी था लोक्‍ला नोमुङ दोक खिता माफाबो। थे थोक खाईन स्‍याप्‍की खित्‍सादु ख्‍योकोन परमेश्‍वर दोन्‍दु ड्वा थुपा ओत। मिओनगी थेला सेता ओतान। ईन्‍सीनोङ परमेश्‍वरगी थेला थे खोरोङ आत्‍मे छ्य्‌वापेकी सोम्‍बो लोक्‍पा ओत।

यहूदा 1:20

ङिङज्‍येते आज्‍यो न्‍वावे, ख्‍योकोनगीचेन येशू ख्रीष्‍टला विश्‍वास खाईन खेराङगी ङेन्‍दाते बातला खि साबा च्‍योकराङ खिन झन झन लेमु खाला थे बात ङेन। थेमे परमेश्‍वर आत्‍मे शक्ति छ्य्‌वापेई प्रार्थना खिनराङ देत।