एफिसी 2:16 - जिरेल

¹⁶ दोक खाईन थेकी ङुरूङला जीउज्‍यीकराङ जोसुङ। थेमे थे खोरोङ स्‍यिङगी थामला टाँए खाईन स्‍याप्‍की खित्‍सादु थोक खाईन जीउज्‍यीकराङ जोबाते ङुरूङला थेकी परमेश्‍वरताङ डिक्‍पा खाईन बिन्‍सुङ। दोक खाईन थेकी ख्‍योकोनताङ ङ्योकोन फारदु थेमे परमेश्‍वरताङ ङुरूङ फारदु ओताते मिडिक्‍च्‍येते बात गाङे तोर च्‍युत्‍सुङ।

एफिसी 2:16 Iomraidhean Croise

रोमी 5:10

ङुरूङ थेत्ताङ माडिक्‍ला थे विरोध खिन ओत्‍कीन ओत्‍कीनोङ थे खोरोङ फुज्‍युङ ङुरूङ लाईदु स्‍याप्‍ते ईन्‍देकी परमेश्‍वरगी ङुरूङला थे खोरोङताङ डिक्‍पा खाबा ओत। थेमे येशू स्‍यिसादुकी सोम्‍बो लोगीन सोम्‍बोराङ ओतेकी खित्‍सादु परमेश्‍वरगी ङुरूङला पूरो खाला पापदुकी टाल्‍ला स्‍वर्गने देत ज्‍युत्‍क्‍यो।

रोमी 6:6

लोक्‍ला दि बादोङ ङुरूङला छ्या ओत। च्‍यि सासीन ख्रीष्‍टला स्‍यिङगी थामला टाँए खाला सेत्‍जीन ङुरूङते मेलेबा कामताङ बात खित्‍च्‍येते बानी खुदुक गाल्‍ला पाप खिता तोङस्‍यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्‍योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्‍योक खाला पाप खिन देताराङ माफाबो।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

रोमी 8:7

दाक्‍पोन खुशीला ख्‍याम्‍कान्‍ते मिचेन परमेश्‍वर विरोध खित्‍कान्‍ते ईन। थोक्‍तेबेकी परमेश्‍वर नियम मेङेनो। थेबेकी थेरू खि साबाच्‍योक खिताराङ मुथुबो।

१ कोरिन्‍थी 10:17

स्‍योबेनज्‍यीकराङ च्‍यागीन सोबातेचेन ङुरूङ मेरा काल्‍बेई ओत्‍सीनोङ गाङे जीउज्‍यीकराङ ईन सिन साबाते ईन।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

एफिसी 2:15

चुक खाईन सासीन ख्रीष्‍टकी थे खोरोङ ज्‍यान बिन्‍गीन स्‍यिइन ङ्योकोन इस्राएलीला दोक खि, थोक माकेत सिन बिन्‍दाते परमेश्‍वर नियम काम लै मिक्‍किच्‍या जोसुङ। थे नियमचेन ङुरूङ फारदु मिडिक्‍च्‍येते बात ओतान। दोक खाईन थेकी गोमा खुदुक खुदुक जात ओताते मि ङुरूङला थे खोरोङताङराङ डिक्‍पा खाईन जातज्‍यीगी मिराङ जोसुङ।

एफिसी 3:6

थे बातचेन दिराङ ईन। च्‍यि सासीन येशू ख्रीष्‍टकी खाबाते कामगी खित्‍सादु थाचेन परमेश्‍वरगी ज्‍येन ज्‍येन जातकी मिलाङ थे खोरोङगी छाने खाबाते इस्राएलीओनला तेरच्‍येते जति गाङे तेरच्‍या ओङा ओत, थेबालाङ ज्‍येन गाङेताङ डिक्‍पा खाईन जीउज्‍यीकराङ जोबा ओत थेमे गोमा थेकी थे खोरोङ मिओनताङ लेमु खिओ सिन जमान खाबा ओताते जति गाङे थेबे लाईदुङ खाला तेरच्‍या ओङा ओत। दि बाततेबा थेबाला लोप्‍च्‍येते गा लाङच्‍येते बातला साबा ओत।

एफिसी 4:4

च्‍यिला सासीन ङुरूङ गाङेराङ जीउज्‍यीक्‍तेराङ ओङा ओत, ङुरूङ गाङेकी परमेश्‍वर आत्‍माज्‍यीकराङ ङेता ओत थेमे परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन तिरी ख्‍योकोनते च्‍यि आश ओते सिन साबाते ङुरूङ गाङेकी ङेत्‍च्‍येतेङ दोक्‍पोईराङ ईन।

कलस्‍सी 2:14

चुक सासीन ङुरूङगी खाबाते पापबरी थेकी गाङे टिकीन ज्‍याक्‍पा ओतान। थोक खाईन टिबाते स्‍यिउला ङुरूङ दोषी ईन, सजाय तेरा फाप्‍क्‍यो सिनोङ टिबा ओतान। थेकी थे स्‍यिउ स्‍यिङगी थामला काँटी ग्‍याप्‍कीन टाँए खाईन ङुरूङ पापी ईन, ङुरूङगी सजाय ङेता फाप्‍क्‍यो सिन थेरू टिबा ओताते बातबरी गाङे मेटे खासुङ।

कलस्‍सी 3:15

ख्रीष्‍टकी ख्‍योकोनला सेम ढुक्‍क खाला देत ज्‍युत्‍च्‍येते ईन्‍देकी ख्‍योकोन सेमज्‍यीकराङ खाला डिक्‍ला थुन्‍ला देत। ख्‍योकोन जीउज्‍यीकराङ ओङाते गाङेराङ डिक्‍ला थुन्‍ला देत्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। परमेश्‍वरगी खाबाते गाङे कामगी लाईदु ख्‍योकोनगी थेला धन्‍यवाद बिन।