एफिसी 2:15 - जिरेल

¹⁵ चुक खाईन सासीन ख्रीष्‍टकी थे खोरोङ ज्‍यान बिन्‍गीन स्‍यिइन ङ्योकोन इस्राएलीला दोक खि, थोक माकेत सिन बिन्‍दाते परमेश्‍वर नियम काम लै मिक्‍किच्‍या जोसुङ। थे नियमचेन ङुरूङ फारदु मिडिक्‍च्‍येते बात ओतान। दोक खाईन थेकी गोमा खुदुक खुदुक जात ओताते मि ङुरूङला थे खोरोङताङराङ डिक्‍पा खाईन जातज्‍यीगी मिराङ जोसुङ।

एफिसी 2:15 Iomraidhean Croise

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

गलाती 6:15

च्‍यिला सासीन खतकी चिनु जोला फाइदा ओङच्‍येतेताङ थे चिनु माजोला घटी ओङच्‍येते बात छ्याःङ मेत। साम्‍बाते जुनी ङेत्‍कीन थोक्‍ते मिकी खित्‍च्‍येते च्‍योक्‍ते काम खिकाना मिक्‍किका सिरच्‍येते बातकामा छ्येते बात ईन।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 2:14

च्‍यिला सासीन ङुरूङ गाङेला डिक्‍पा खाला तेरकान्‍ते ख्रीष्‍टराङ ईन। ख्‍योकोन ज्‍येन ज्‍येन जातकी मित्ताङ ङ्योकोन इस्राएली फारदु ओताते मिडिक्‍च्‍येते बात तोर च्‍युत्‍कीन थेकी ङुरूङ गाङेला डिक्‍पा खाईन बिन्‍गीन जातज्‍यीगी मिराङ जोसुङ।

एफिसी 2:16

दोक खाईन थेकी ङुरूङला जीउज्‍यीकराङ जोसुङ। थेमे थे खोरोङ स्‍यिङगी थामला टाँए खाईन स्‍याप्‍की खित्‍सादु थोक खाईन जीउज्‍यीकराङ जोबाते ङुरूङला थेकी परमेश्‍वरताङ डिक्‍पा खाईन बिन्‍सुङ। दोक खाईन थेकी ख्‍योकोनताङ ङ्योकोन फारदु थेमे परमेश्‍वरताङ ङुरूङ फारदु ओताते मिडिक्‍च्‍येते बात गाङे तोर च्‍युत्‍सुङ।

एफिसी 4:16

थेमे ख्रीष्‍टकी थे खोरोङ मि गाङेला डिक च्‍युत्‍ला सेमज्‍यीकराङ खाला काम खित्‍कान जोला दोक्‍पोईकी ज्‍येनज्‍यीकला लेमु खित्‍स्‍यीत सिन थेबाला गोच्‍येते जति गाङे तेरग्‍यो। दोक ओङनामेई थेबा खोपरोङ नाङ ङिङज्‍ये खिन मि जीउ छारगीन ड्वापच्‍योक खाला ख्रीष्‍टकी थेबाला जस्‍तो ज्‍वा चाला ओतान थोकराङ डुइन डुइओ। दोक ओङाला थेबेकीङ दाक्‍पोन दाक्‍पोनगी खिता फाप्‍च्‍येते काम खिता फाप्‍क्‍यो।

कलस्‍सी 2:14

चुक सासीन ङुरूङगी खाबाते पापबरी थेकी गाङे टिकीन ज्‍याक्‍पा ओतान। थोक खाईन टिबाते स्‍यिउला ङुरूङ दोषी ईन, सजाय तेरा फाप्‍क्‍यो सिनोङ टिबा ओतान। थेकी थे स्‍यिउ स्‍यिङगी थामला काँटी ग्‍याप्‍कीन टाँए खाईन ङुरूङ पापी ईन, ङुरूङगी सजाय ङेता फाप्‍क्‍यो सिन थेरू टिबा ओताते बातबरी गाङे मेटे खासुङ।

कलस्‍सी 2:20

ख्‍योकोन ख्रीष्‍टताङ स्‍याप्‍ते मि ईन, मेनरो? थोक ईन्‍सीनोङ ख्‍योकोन च्‍यिला दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति माने खिता फाप्‍क्‍यो सिराच्‍योक खिते? दोक्‍ते रीतिथिति था छ्याःङ माने खिता माफाबो।

कलस्‍सी 3:10

खेराङ बानी खुदुक गाल्‍गीन लेमु कामताङ बात खिताला स्‍यूबा ओत। परमेश्‍वरगीराङ ख्‍योकोन बानी दोक लेमु जोबाते ईन। थे खोरोङ चुक्‍ते ईन्‍दाका सिन झन लेमु खाला छ्या स्‍येस्‍यीत थेमे थे खोरोङ च्‍योकराङ लेमु डुइन डोरस्‍यीत सिन परमेश्‍वरगी ख्‍योकोन बानी झन झन लेमु जोइन ओत।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

कलस्‍सी 3:15

ख्रीष्‍टकी ख्‍योकोनला सेम ढुक्‍क खाला देत ज्‍युत्‍च्‍येते ईन्‍देकी ख्‍योकोन सेमज्‍यीकराङ खाला डिक्‍ला थुन्‍ला देत। ख्‍योकोन जीउज्‍यीकराङ ओङाते गाङेराङ डिक्‍ला थुन्‍ला देत्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। परमेश्‍वरगी खाबाते गाङे कामगी लाईदु ख्‍योकोनगी थेला धन्‍यवाद बिन।

हिब्रू 7:16

दि पूजारीचेन ज्‍येन च्‍योक पूजारी सन्‍तान नाङ केकीन पूजारी ओङाते मेन। दि पूजारी स्‍याप्‍ते स्‍यापराङ मेङा खाला स्‍यिसादुकी सोम्‍बो लोक्‍ला सधैँभरि देत्‍क्‍यो। थोगीराङ थे पूजारी ओङाते ईन।

हिब्रू 8:13

दोक खाईन परमेश्‍वरगी ज्‍येनज्‍यीक जमान खिओ सिन साकीन गोमे जमान छ्याःङ काम लै मिक्‍किच्‍या जोसुङ। ङिङबा गाल्‍गीन काम लै मिक्‍किच्‍या गालाते जे कुरोङ ङीमाई दाक तोरला डुइओ।

हिब्रू 9:23

थोगीराङ परमेश्‍वरला देताला सिन जोबाते पालचेन स्‍वर्गने ओतातेते नक्‍कलकामा ईन्‍देकी होथोक खाला ठाक थोरला चोके खिता फाप्‍कीन ओतान। तर स्‍वर्गने बात दोक मेन। दुरू पाल चोके खाबाच्‍योक मेन्‍देकी थेने चोके खितालाचेन दुरू जोबाते पालदु तेरच्‍येते भन्‍दा खुदुकराङ छ्येज्‍यीक भोग तेरा फाप्‍च्‍या ओतान।