एफिसी 2:14 - जिरेल

¹⁴ च्‍यिला सासीन ङुरूङ गाङेला डिक्‍पा खाला तेरकान्‍ते ख्रीष्‍टराङ ईन। ख्‍योकोन ज्‍येन ज्‍येन जातकी मित्ताङ ङ्योकोन इस्राएली फारदु ओताते मिडिक्‍च्‍येते बात तोर च्‍युत्‍कीन थेकी ङुरूङ गाङेला डिक्‍पा खाईन बिन्‍गीन जातज्‍यीगी मिराङ जोसुङ।

एफिसी 2:14 Iomraidhean Croise

लूका 1:79

थेकी वाला परमेश्‍वरताङ ठाल्‍गीन थे लाईदु स्‍याप छेतराङ गाला ओताते मिओनला दि पापताङ लोभकी खाङाते मुन्‍दाकते ठाउँदुकी डेल्‍ग्‍यो। दोक खाला थेकी ङुरूङला छ्याःङ ज्‍यीबा मिक्‍किता खाला जुनीकाल्‍बा क्‍योङ ज्‍युत्‍क्‍यो,” सिन सिदुक।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

यूहन्‍ना 10:16

ङेते ज्‍येन ज्‍येन लुगोङ ओत। थे लुकतेबा दि बगालते मेन। ङे थेबालाङ दि बगालदुराङ खुलाङा फाप्‍क्‍यो। थेबाला फोत्‍जीन थेबेकीङ ङे ङोरो थोला ङे साबाते ङेन्‍ग्‍यो। दोक खाला थेबाङ बगालज्‍यीक्‍तेराङ ओङगो। थेमे थेबा गाङेते गोठालाज्‍यीकराङ ओङगो।

यूहन्‍ना 11:52

थेबे लाईदुकामा मेन, लुङबा लुङबाला देता ओताते परमेश्‍वर फुज्‍युङ फुमु गाङेला डिक्‍पा खाला सेमज्‍यीकराङ खाला देत ज्‍युताला थे थोक खाला स्‍यिइओ सिन कैयाफेकी थोक साबा ओतान।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

शक्ति काम 10:28

थेमे थेकी थेबाबरीला “ङ्योकोन यहूदीओन ज्‍येन जातकी मित्ताङ दोक खाला साङ खिता मेङगो। थेमे थेबे खाम्‍बादु गाल्‍ला थेबाताङ सा मेङगो। दोक खासीन ङ्योकोनगी परमेश्‍वर नियमताङ मिडिक्‍च्‍येते काम खाबाते ईन सिरच्‍येते बात ख्‍योकोनला छ्याराङ ओत। दोक ईन्‍सीनोङ ङाला परमेश्‍वर थे खोरोङगीराङ था ख्‍योकोन च्‍योक्‍ते ज्‍येन ज्‍येन जातकी मिलाङ सुङलाङ सानु जाति ईन सिरा मेङगो सिन छ्या स्‍ये च्‍युत्‍सुङ।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

रोमी 5:1

थोक खाईन थे खोरोङला विश्‍वास खित्‍कान ङुरूङला परमेश्‍वरगी दोषी मेन साबा ओतेकी ङुरूङ थेत्ताङ डिक्‍पा ओत। ङुरूङ प्रभु येशू ख्रीष्‍टकी ङुरूङला थेत्ताङ डिक्‍पा खाईन बिन्‍दाते ईन।

गलाती 3:28

थोगी येशू ख्रीष्‍टताङ जीउज्‍यीकराङ ओङा ओतेकी यहूदी ईन्‍स्‍यीत कि ग्रीक ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत, ख्‍योओ मि फेम्‍मे मि जोराङ ईन्‍सीनोङ था ख्‍योकोन गाङेराङ थोजोराङ ईन।

एफिसी 2:15

चुक खाईन सासीन ख्रीष्‍टकी थे खोरोङ ज्‍यान बिन्‍गीन स्‍यिइन ङ्योकोन इस्राएलीला दोक खि, थोक माकेत सिन बिन्‍दाते परमेश्‍वर नियम काम लै मिक्‍किच्‍या जोसुङ। थे नियमचेन ङुरूङ फारदु मिडिक्‍च्‍येते बात ओतान। दोक खाईन थेकी गोमा खुदुक खुदुक जात ओताते मि ङुरूङला थे खोरोङताङराङ डिक्‍पा खाईन जातज्‍यीगी मिराङ जोसुङ।

एफिसी 2:17

येशू ख्रीष्‍टकी देमा वाकीन गोमा परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओताते ख्‍योकोन थेमे परमेश्‍वरगी छाने खाबाते ङ्योकोन इस्राएली ङुरूङ गाङेला थोक खाईन डिक्‍पा खाबाते बात छ्या स्‍ये च्‍युत्‍कीन बिन्‍सुङ।

एफिसी 3:15

स्‍वर्गदु थेमे पृथ्‍वीदु ओताते जति गाङेला जुनी तेरकान्‍ते थेराङ ईन।

एफिसी 4:16

थेमे ख्रीष्‍टकी थे खोरोङ मि गाङेला डिक च्‍युत्‍ला सेमज्‍यीकराङ खाला काम खित्‍कान जोला दोक्‍पोईकी ज्‍येनज्‍यीकला लेमु खित्‍स्‍यीत सिन थेबाला गोच्‍येते जति गाङे तेरग्‍यो। दोक ओङनामेई थेबा खोपरोङ नाङ ङिङज्‍ये खिन मि जीउ छारगीन ड्वापच्‍योक खाला ख्रीष्‍टकी थेबाला जस्‍तो ज्‍वा चाला ओतान थोकराङ डुइन डुइओ। दोक ओङाला थेबेकीङ दाक्‍पोन दाक्‍पोनगी खिता फाप्‍च्‍येते काम खिता फाप्‍क्‍यो।

कलस्‍सी 1:20

थेमे थे खोरोङगी खिता चाला च्‍योकराङ खाईन थेकी दि पृथ्‍वीदु ओताते ईन्‍स्‍यीत, स्‍वर्गने ओताते ईन्‍स्‍यीत, जो ईन्‍सीनोङ जे ईन्‍सीनोङ गाङेला थे खोरोङ फुज्‍युङ छ्य्‌वापेकीराङ थे खोरोङताङ डिक्‍पा खाबा ओत। थे खोरोङ फुज्‍युङ स्‍यिङगी थामला टाँए खाला स्‍यिजीन थे जीउदुकी थेन्‍दाते ठागी खित्‍सादु थेकी ओताते जति गाङेला होथोक खाईन थे खोरोङताङ डिक्‍पा खाबा ओत।

कलस्‍सी 2:20

ख्‍योकोन ख्रीष्‍टताङ स्‍याप्‍ते मि ईन, मेनरो? थोक ईन्‍सीनोङ ख्‍योकोन च्‍यिला दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति माने खिता फाप्‍क्‍यो सिराच्‍योक खिते? दोक्‍ते रीतिथिति था छ्याःङ माने खिता माफाबो।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

कलस्‍सी 3:15

ख्रीष्‍टकी ख्‍योकोनला सेम ढुक्‍क खाला देत ज्‍युत्‍च्‍येते ईन्‍देकी ख्‍योकोन सेमज्‍यीकराङ खाला डिक्‍ला थुन्‍ला देत। ख्‍योकोन जीउज्‍यीकराङ ओङाते गाङेराङ डिक्‍ला थुन्‍ला देत्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। परमेश्‍वरगी खाबाते गाङे कामगी लाईदु ख्‍योकोनगी थेला धन्‍यवाद बिन।

हिब्रू 13:20

परमेश्‍वरगी खाबाते नोमुङ खुदुक मोन्‍डोच्‍येते जमान येशूकी थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु पूरो खाबा ओत। येशूचेन लुक लेमु खाला ताकान्‍ते छ्येते लुई गोठाला च्‍योक्‍ते ईन। मि सेम ढुक्‍क लोङकान्‍ते परमेश्‍वरगी ङुरूङ प्रभु येशूला स्‍यिसादुकी सोम्‍बो लोक्‍पा ओत।

हिब्रू 7:2

थेमे अब्राहामगीचेन थे खोरोङगी लडाइँला ग्‍याल्‍गीन ठ्वाकीन खुलाबाते जेसुकैते बो च्‍युताम्‍बे नाङ बोज्‍यीक टाल्‍गीन थेला बिन्‍दा ओतान। मल्‍कीसेदेक साबाते काका पाका मिक्‍किता खाला राज्‍य खित्‍कान्‍ते गेल्‍बो साबाते ईन। थेकी राज्‍य खाबाते शालेम सारगी अर्थचेन आनन्‍दे सार साबाते ईन। थोक ईन्‍देकी मल्‍कीसेदेकचेन आनन्‍दे सारगी गेल्‍बोङ ओतान।