एफिसी 2:11 - जिरेल

¹¹ बात दोक दोक ईन्‍देकी ख्‍योकोन ज्‍येन ज्‍येन जातकी मिकी खेराङ गोमा चुक ओताने सिन टोक माज्‍येत। खोपरोङचेन परमेश्‍वरगी छाने खाबाते मि ईन सिन जीउला खतकी चिनु जोकान्‍ते इस्राएलीओनगी ख्‍योकोनला खोपरोङ च्‍योक खतकी चिनु मोजोकान्‍ते मि ईन सिन सिओ। ईन्‍दानी जीउला जोच्‍येते थे खतकी चिनु मि खोपरोङगीराङ जोच्‍येते ईन।

एफिसी 2:11 Iomraidhean Croise

मत्ती 20:7

थोक सिरजीन थेबेकी ‘खै ङ्योकोनगीनी थरिङ छ्याःङ कामराङ माङेत्‍सुङ,’ सिन सिरजीन थेकी ‘लो थोक सासीन ख्‍योकोनबरीङ ङे स्‍यीङला काम खिताला ग्‍युक,’ सिन स्‍यीङदु ताङदुक्‍लो।

रोमी 11:17

तर परमेश्‍वरगी लेमुते जैतुन दोङबो हाँगे नाङ जैतुन मोगोन्‍च्‍येते हाँगाओनचेन दुम्‍गीन क्‍युरसुङ। थेमे दुम्‍गीन क्‍युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्‍कान्‍ते इस्राएलीओनला ताङगीन थेबे साटोला परमेश्‍वरगी ख्‍योकोन ज्‍येन ज्‍येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्‍येते जेसुकै चाप्रेनमेकी ङेता च्‍योकराङ खाईन परमेश्‍वरगी थेबे ज्‍युज्‍यु पुर्खाला बिन्‍दाते आशी ख्‍योकोनलाङ तेरगीन ओत।

रोमी 2:26

बरू यहूदी मेन्‍गीन खतकी चिनु जोबा मेत्‍सीनोङ परमेश्‍वर नियम ङेन्‍कान्‍तेबाचेन परमेश्‍वर दोन्‍दु खतकी चिनु जोबाते मि च्‍योकराङ ईन।

रोमी 2:27

थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

१ कोरिन्‍थी 12:2

ख्‍योकोनला दि बात लेमुराङ खाला छ्या ओतासीन। च्‍यि सासीन येशूला विश्‍वास खिता भन्‍दा गोमा ख्‍योकोन ल्‍हा लु माने खिन ओतान। थे ल्‍हा लुओनगी ख्‍योकोनताङ बात खिता थेमे छ्याःङ लेमु खिता मुथुप्‍च्‍येते ईन्‍सीनोङ दिबाला माने माक्‍याबाला मेङगो सिराच्‍योक खाला ख्‍योकोन होथेबालाराङ माने खिन ओतान।

१ कोरिन्‍थी 6:11

ख्‍योकोनोङ कोई कोई गोमाबा होथोक्‍ते मिराङ ओतान। तर प्रभु येशू ख्रीष्‍टताङ परमेश्‍वर आत्‍मेकी ख्‍योकोनला ठु खाईन चोके खाबाच्‍योक खाईन पापदुकी टाल्‍गीन बिन्‍दा ओत, ख्‍योकोन सेम खुदुक जोबा ओत थेमे परमेश्‍वर दोन्‍दु दोषी मेन साबा ओत।

गलाती 2:15

ईन्‍दाका ङुरूङ यहूदी ईन्‍देकी होथे नियम मेङेन्‍कान्‍ते ज्‍येन ज्‍येन जातकी मि च्‍योक पापी मेन।

गलाती 6:12

बात च्‍यि सासीन ख्‍योकोनला कर लै खाला खाला जीउला खतकी चिनु ज्‍वा फाप्‍क्‍यो सिन सिरकान्‍ते मिओनगीनी खोपरोङ फाइदा ताला मिला खुशी ज्‍वाप्‍लाकामा थोक खि सिरच्‍येते ईन। येशू ख्रीष्‍टला स्‍यिङगी थामला टाँए खाईन सेताते बातकामा लाप्‍सीन ज्‍येन यहूदीओनगी खोपरोङ विरोध खाला खेदापानी खिओ सिनकामा थेबेकी थोक सिरच्‍येते ईन।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

फिलिप्‍पी 3:3

ङुरूङका परमेश्‍वरगी छाने खाबाते जीउला खतकी चिनु जोबा ओताते मि च्‍योक्‍ते ईन। च्‍यिला सासीन परमेश्‍वरला चुक खाला माने खिता फाप्‍च्‍येते ईन्‍दे परमेश्‍वर आत्‍मे छ्य्‌वापेकी ङुरूङ थेला थोकराङ खाला माने खिओ। परमेश्‍वरला माने खिताला ङुरूङचेन दाक्‍पोन जीउला खतकी चिनु जोबा ओत थेमे ज्‍येन ज्‍येनोङ धर्म कर्म खाबा ओत सिन छ्ये मिक्‍किओ। बरू येशू ख्रीष्‍टताङ जीउज्‍यीकराङ ओङा ओतेकी गा खिओ।

कलस्‍सी 1:21

गोमाबा ख्‍योकोन मेलेबाते कामताङ बातकामा खिन ओतान। दोक खाईन ख्‍योकोन परमेश्‍वरताङ डिक्‍पा मेतान, थेत्ताङ डिक्‍च्‍येते सेमोङ खिन मेतान।

कलस्‍सी 2:11

ख्रीष्‍टताङ जीउज्‍यीकराङ ओङगीन ख्‍योकोन खतकी चिनु जोबाते मि ओङा ओत। दोक साबाते ख्‍योकोनला सुइँदेकी जीउला खतकी चिनु जोकीन बिन्‍दाते मेन, बरू ख्रीष्‍टकी खेराङ मेलेबा सेम खुदुक जोबा ओतेकी था ख्‍योकोन खुदुक मि ओङा ओत साबाते ईन।

कलस्‍सी 2:13

खेराङ सेम मेलेबा ओत्‍कीन गोमाबा ख्‍योकोन खेराङला चुक खिता सेम लाङगीका थोकराङ खिन पाप खिन देतेकी परमेश्‍वर लाईदु स्‍याप छेतराङ गाला ओतान। ख्‍योकोन थोक्‍ते मि ओता ईन्‍सीनोङ परमेश्‍वरगी ख्‍योकोनला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते साम्‍बाते जुनी बिन्‍सुङ। थेकी ङुरूङगी खाबाते पाप गाङे माफ बिन्‍दा ओत।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।