एफिसी 1:9 - जिरेल

⁹ थेकी गोमा सुङलाङ छ्या स्‍ये च्‍युता मेताते थे खोरोङगी गोमामेईराङ खिता चालाते येशू ख्रीष्‍ट छ्य्‌वापेकी खिओ साबाते बात च्‍यि ईन्‍दे सिन था ङुरूङला छ्या स्‍ये च्‍युत्‍सुङ।

एफिसी 1:9 Iomraidhean Croise

मत्ती 13:11

थोक सिरजीन थेकी “स्‍वर्गे राज्‍य सिराते च्‍यि ईन्‍दे थेमे परमेश्‍वरगी चुक खाला मि नाङ राज्‍य खिते सिरच्‍येते बात ख्‍योकोनलानी परमेश्‍वरगी खो च्‍युता ओत। ज्‍येनलाचेन दि बात खो च्‍युता मेत।

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

शक्ति काम 13:48

पावलताङ बारनाबासकी दोक सिरजीन ज्‍येन ज्‍येन जातकी मि आउदी खाईन गा खासुङ। थेमे प्रभु येशू बात चुक लेमु दुका सिन बात खिताला स्‍यूसुङ। दोक खाईन नोमुङ मिसिन्‍च्‍येते जुनी तेराला परमेश्‍वरगी छाने खाबाते मिओनगीचेन येशूला विश्‍वास खिताला स्‍यूसुङ।

शक्ति काम 2:23

थोक ईन्‍सीनोङ ख्‍योकोनगीचेन थेला पापीओन लाःक्‍तु सोम्‍पे खाईन लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेत च्‍युत्‍सुङ। ईन्‍दानी थेकी थोक खाला स्‍या फाप्‍क्‍यो सिन परमेश्‍वरगी गोमाका साबा ओतान।

शक्ति काम 4:28

जम्‍मा ओङगीन थेबेकी परमेश्‍वर खोरोङगी गोमाका दोक दोक ओङगो सिन साबा छेतकामा खिता थुप्‍सुङ। थे भन्‍दा ल्‍हाक्‍पाचेन थेबेकी येशूला छ्याःङ खिता माथुप्‍सुङ।

रोमी 11:25

थेमे याङराङ आज्‍यो न्‍वावे, परमेश्‍वरगी इस्राएलीओनला चुक चुक खिते सिरच्‍येते बात ख्‍योकोनगी छ्या स्‍येस्‍यीत सिन ङा दि बातज्‍यीक सिरामीन। दि बात ख्‍योकोनगी खेराङ बुद्धि खिये खाला छ्या स्‍येबा मुथुबो। थेकी गोमा सुङलाङ छ्या स्‍ये च्‍युता मेताते बात च्‍यि ईन्‍दे सासीन काल्‍बा च्‍योक इस्राएलीकी परमेश्‍वरगी साबाते पटक्‍क ङेन्‍च्‍ये सेम माक्‍यासीनोङ थेबा तिरीसाक दोकराङ खिन मेदेदो। परमेश्‍वरगी ज्‍येन ज्‍येन जातकी मि नाङदुकी थे खोरोङला विश्‍वास खिओ साबाते मि जति थे खोरोङ छ्य्‌वापा लै खाईन मासिनथुपकामा थेबा दोक खिन देत्‍क्‍यो।

रोमी 8:28

थेमे दि बादोङ ङुरूङला लेमुराङ खाला छ्या ओत। च्‍यि सासीन परमेश्‍वरला ङिङज्‍ये खित्‍कान्‍ते मिओनलाचेन दुक्‍पा किम्‍मु जेराङ ओङसीनोङ परमेश्‍वरगी लेमुराङ ओङ ज्‍युत्‍क्‍यो। थेबे लाईदु थे खोरोङगी खिओ साबाते काम खिताप सिन परमेश्‍वरगी थेबाला थे खोरोङ दोन्‍दु स्‍योक सिन काताङाते ईन।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

गलाती 1:12

दि बात ङे सुइँदेकी लोप्‍कीन ओते बेलाला थोबातेङ मेन, ङाला सुइँदा मिकी लाप्‍कीन बिन्‍दातेङ मेन। दि बातनी ङाला येशू ख्रीष्‍ट थे खोरोङगीराङ छ्या स्‍ये च्‍युत्‍कीन बिन्‍दाते ईन।

गलाती 1:15

ङा होथोक्‍ते मि ओतान। ईन्‍सीनोङ आमे सुबे नाङ ओत्‍जीनमेईराङ परमेश्‍वरगी ङाला छाने खाबा ओताक्‍वा। थेमे थेकी ङाला दया खाईन थे खोरोङ दोन्‍दु स्‍योक सिन काताङगीन

गलाती 1:16

थे खोरोङ फुज्‍युङ सु ईन्‍दे सिन ठेत च्‍युत्‍कीन बिन्‍सुङ। थे फुज्‍युङ सु ईन्‍दे, चुक्‍ते ईन्‍दे सिरच्‍येते बात ज्‍येन ज्‍येन जातकी मिला लोप सिन परमेश्‍वरगी ङाला थोक खाबा ओतान। थोक ओङनामेई था च्‍यि खित्‍च्‍ये, चुक खित्‍च्‍ये सिन ङे सुङ मित्ताङ सल्‍लाह माला।

एफिसी 1:11

परमेश्‍वरचेन गोमा थे खोरोङगी खिओ सिन टुङ्गो खाबाते गाङे काम खिता चाला च्‍योकराङ खाला खित्‍कान्‍ते ईन। थे दोक खित्‍कान्‍ते ईन्‍देकी थेकी ङ्योकोनला गोमामेईराङ ख्रीष्‍टकी छ्य्‌वापेकी छाने खिओ सिन साबा ओतेकी साबा च्‍योकराङ खाईन छाने खासुङ।

एफिसी 1:8

थेकी ङुरूङला थोक अचम्‍ब खाईन पापदुकी टालाते ईन। दि काम चुक आउदी बुद्धि पुरे खाईन खाबाते ईन्‍दे सिन थेकी ङुरूङला लेमु खाईन खो च्‍युत्‍सुङ।

एफिसी 3:11

दोक दोकराङ खिओ सिन थेकी गोमा गोमामेकीराङ ठीक खाबा ओतान। ठीक खाबा ओता च्‍योकराङ खाईन थेकी ङुरूङ प्रभु येशू ख्रीष्‍ट छ्य्‌वापेकी थे कामतेबा खासुङ।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।