एफिसी 1:5 - जिरेल

⁵ थेजीनराङ थेकी येशू ख्रीष्‍टकी खित्‍च्‍येते कामगी खित्‍सादु ङुरूङला थे खोरोङ धर्म-पुत्र जोइओ सिन साबा ओतान। थे खोरोङगी थोक खिता सेम खाबेकीराङ परमेश्‍वरगी दोक दोक खाबा ओतान।

एफिसी 1:5 Iomraidhean Croise

मत्ती 1:25

ईन्‍सीनोङ थे फिजा माकेथुप यूसुफ थेत्ताङ ङ्योम्‍बु माङ्याल्‍सुङ। तिरी फिजा केनामेकी थेकी थे मिन येशू सिन ज्‍याक्‍सुङ।

मत्ती 11:26

आबा, खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

लूका 10:21

थे बेलालाराङ परमेश्‍वर आत्‍मे छ्य्‌वापेई आउदी गा खिन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन परमेश्‍वर राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान। आबा खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

लूका 11:32

थोकराङ खाला थे छोमु निनवे सारगी मिओनगीङ ख्‍योकोन दोषी ईन सिन सिओ। च्‍यिला सासीन योनेकी साबाते परमेश्‍वर बात ङेन्‍गीन खोपरोङ पापी दुका सिन छ्या स्‍येकीन थेबा परमेश्‍वर छ्य्‌वापा लै खाबा ओतान। तर ख्‍योकोननी योना भन्‍दाङ छ्येज्‍यीक खेराङताङ ङ्योम्‍बुराङ ओताते मिकी साबाते बात ङेनराङ मेङेन्‍दुक।

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

यूहन्‍ना 1:12

दोक ईन्‍सीनोङ थे वादुक सिन मान खिन थेला विश्‍वास खित्‍कान्‍ते मिओनलाचेन थेकी परमेश्‍वर फुज्‍युङ फुमु ओङच्‍येते अधिकार बिन्‍सुङ।

यूहन्‍ना 11:52

थेबे लाईदुकामा मेन, लुङबा लुङबाला देता ओताते परमेश्‍वर फुज्‍युङ फुमु गाङेला डिक्‍पा खाला सेमज्‍यीकराङ खाला देत ज्‍युताला थे थोक खाला स्‍यिइओ सिन कैयाफेकी थोक साबा ओतान।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

शक्ति काम 13:48

पावलताङ बारनाबासकी दोक सिरजीन ज्‍येन ज्‍येन जातकी मि आउदी खाईन गा खासुङ। थेमे प्रभु येशू बात चुक लेमु दुका सिन बात खिताला स्‍यूसुङ। दोक खाईन नोमुङ मिसिन्‍च्‍येते जुनी तेराला परमेश्‍वरगी छाने खाबाते मिओनगीचेन येशूला विश्‍वास खिताला स्‍यूसुङ।

रोमी 8:23

ईन्‍दाका ङुरूङोङ थोरूमसाक दुक्‍पालाराङ देता फापा ओतेकी ङुरूङ सेमलाङ ढुक्‍क मेत। परमेश्‍वरगी ङुरूङला थे खोरोङ आत्‍मा बिन्‍दा ओतेकी थेकी खिओ साबाते ज्‍येनोङ था गाङे साबा च्‍योकराङ खिओ। परमेश्‍वर आत्‍मा ङेता ओत्‍सीनोङ परमेश्‍वरगी ङुरूङला स्‍या फाप्‍सादुकी टाल्‍ला दि जीउ खुदुक जोला थे खोरोङ धर्म-पुत्र सिन थे खोरोङताङ ज्‍य्‌वाच्‍येते दिन नामराङ लेबोङा सिन ङुरूङ गुकीन देता ओत।

१ कोरिन्‍थी 1:1

दि चिट्ठी टिक्‍कान्‍ते ङा पावल थेमे ङुरूङ न्‍वा सोस्‍थेनेस ईन। ङा येशू ख्रीष्‍टकी खटे खाबाते मि ईन। ङा थोक्‍ते मि ईन सिन परमेश्‍वरगी ङाला छाने खाबा ओत।

१ कोरिन्‍थी 1:21

दोक खाईन आउदी बुद्धि पुरे खाला काम खित्‍कान्‍ते परमेश्‍वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्‍येबा मुथुबो सिन तेन्‍गीन बिन्‍दा ओत। मिओनगी लेम्‍बे बात ईन सिरच्‍येते ङ्योकोनगी लोप्‍च्‍येते बातराङ मिओनगी ङेन्‍स्‍यीत थेमे दि बात ङेन्‍ला येशूला विश्‍वास खित्‍कान्‍तेबाला पापकी सजायदुकी डेल्‍ग्‍यो सिन परमेश्‍वरगी टुङ्गो खाईन दोक खिताराङ थेला लेमु लासुङ।

२ कोरिन्‍थी 6:18

दोक खाला ङा ख्‍योकोन आबा ओङगो। थेमे ख्‍योकोनला ङाराङ फुज्‍युङ फुमु ईन सिन सिओ। दि बात गाङे भन्‍दा छ्येज्‍यीक शक्ति ओताते प्रभु परमेश्‍वरगी साबाते ईन,” सिन साबा ओत।

गलाती 3:26

येशू ख्रीष्‍टला विश्‍वास खाबेकी खित्‍सादु था ख्‍योकोन गाङेराङ परमेश्‍वर फुज्‍युङ फुमु ओङाते ईन।

एफिसी 1:11

परमेश्‍वरचेन गोमा थे खोरोङगी खिओ सिन टुङ्गो खाबाते गाङे काम खिता चाला च्‍योकराङ खाला खित्‍कान्‍ते ईन। थे दोक खित्‍कान्‍ते ईन्‍देकी थेकी ङ्योकोनला गोमामेईराङ ख्रीष्‍टकी छ्य्‌वापेकी छाने खिओ सिन साबा ओतेकी साबा च्‍योकराङ खाईन छाने खासुङ।

एफिसी 1:9

थेकी गोमा सुङलाङ छ्या स्‍ये च्‍युता मेताते थे खोरोङगी गोमामेईराङ खिता चालाते येशू ख्रीष्‍ट छ्य्‌वापेकी खिओ साबाते बात च्‍यि ईन्‍दे सिन था ङुरूङला छ्या स्‍ये च्‍युत्‍सुङ।

फिलिप्‍पी 2:13

परमेश्‍वरगीराङ खेराङ नाङ काम खित्‍च्‍येते ईन्‍देकी ख्‍योकोनला थेला मन परे खित्‍च्‍येते काम खिता सेम लाङगो। थेमे थेकीराङ ख्‍योकोनला थोक्‍ते काम खिताला शक्तिङ तेरग्‍यो। ख्‍योकोन थे खोरोङगी ज्‍वा चालाच्‍योक लेमु मि ओङस्‍यीत सिन थेकी होदोक खाला ख्‍योकोन नाङ काम खिओ।

कलस्‍सी 1:19

च्‍यिला सासीन थे खोरोङ जस्‍तो ईन फुज्‍युङोङ होथोकराङ ओङाते थेला लेमु लाबा ओतान। थे खोरोङगी दोक खिता चालेकीराङ थोक ओङाते ईन।

२ थिस्‍सलोनिकी 1:11

होदि बाततेबा टोक मेज्‍येता खाला ङ्योकोन ख्‍योकोन लाईदु जहिलेङ ङुरूङ परमेश्‍वरला दोक सिन प्रार्थना खिओ। चुक सासीन थेकी ख्‍योकोनला थे खोरोङ दोन्‍दु स्‍योक सिन काताङाते ईन्‍देकी ख्‍योकोन चुक ओङा फाप्‍च्‍येते ईन्‍दे थोकराङ ओङ ज्‍युत्‍स्‍यीत। दोक खाला ख्‍योकोनगी खिता चालाते लेमुते कामताङ बात थेमे प्रभु येशूला विश्‍वास खाईन खिताला स्‍यूबाते कामतेबा गाङे परमेश्‍वरगी ख्‍योकोनला थे खोरोङ शक्ति बिन्‍ला पूरो खित ज्‍युत्‍स्‍यीत सिन प्रार्थना खिओ।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।

१ यूहन्‍ना 3:1

लो विचार खिते, आबा परमेश्‍वरगी ङुरूङला चुक आउदी ङिङज्‍ये खासुङा। थेकी थोक आउदी ङिङज्‍ये खाईन ङुरूङला थे खोरोङ फुज्‍युङ फुमु ईन सिओ। ईन्‍दाबोङ ङुरूङ थे फुज्‍युङ फुमुराङ ईन। दि सा लुङबे मिओनगी ङुरूङ चुक्‍ते मि ईन्‍दे सिन छ्याःङ छ्या मेस्‍येओ। च्‍यिला सासीन थेबेकी परमेश्‍वर सु ईन्‍दे सिन छ्या मास्‍येसुङ।

छ्या स्‍ये च्‍युताते बात 21:7

शैतान शक्तिला ग्‍याल्‍कान्‍ते मिकी ङे तेरच्‍येते होदिबा गाङे ङेत्‍क्‍यो। ङा थे मि परमेश्‍वर ओङगो थेमे थेचेन ङे फुज्‍युङ ओङगो।