एफिसी 1:4 - जिरेल

⁴ च्‍यि सासीन थे खोरोङ दोन्‍दु सेम खुदुक गालाते थेमे छ्याःङ गल्‍ती मेताते मि ओङस्‍यीत सिन ख्रीष्‍टकी खित्‍सादु थेकी ङुरूङला दि सा नाम ज्‍वा भन्‍दा गोमाराङ छाने खाबा ओतान। ङुरूङला ङिङज्‍ये खाईन

एफिसी 1:4 Iomraidhean Croise

मत्ती 24:22

थे खोरोङ सन्‍तान सिन छाने खाबाते मिओनगी थे दुक्‍पा खपे खिन देता माफाप्‍स्‍यीत सिन परमेश्‍वरगी थोक दुक्‍पा ओङच्‍येते दिन घटे खाबा ओत। थोक माक्‍याबा ईन्‍सीन थेजीन सुङ मि सोन्‍ला देता मुथुबो।

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 24:31

थेरूई बिकुल फुबाते जोदाज्‍यीक ङोरो थोक्‍यो। थेमे ङा ङे दूतओनला गाङेपा ताङला ङाराङगी छाने खाबाते मिओनला पृथ्‍वी सुर स्‍यीकारपेकी रूला खुलाङ ज्‍युत्‍क्‍यो।

मत्ती 25:34

थेमे थे खोरोङ सामे छ्य्‌वापा ज्‍याक्‍पाते मिओनला थेकी ‘ङे आबेकी ख्‍योकोनला आशी बिन्‍दा ओत। दि साताङ नाम जोजीनमेईराङ थेकी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओतान। लो स्‍योक, थाचेन थे राज्‍यदु स्‍यूला देत।

यूहन्‍ना 10:16

ङेते ज्‍येन ज्‍येन लुगोङ ओत। थे लुकतेबा दि बगालते मेन। ङे थेबालाङ दि बगालदुराङ खुलाङा फाप्‍क्‍यो। थेबाला फोत्‍जीन थेबेकीङ ङे ङोरो थोला ङे साबाते ङेन्‍ग्‍यो। दोक खाला थेबाङ बगालज्‍यीक्‍तेराङ ओङगो। थेमे थेबा गाङेते गोठालाज्‍यीकराङ ओङगो।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

शक्ति काम 13:48

पावलताङ बारनाबासकी दोक सिरजीन ज्‍येन ज्‍येन जातकी मि आउदी खाईन गा खासुङ। थेमे प्रभु येशू बात चुक लेमु दुका सिन बात खिताला स्‍यूसुङ। दोक खाईन नोमुङ मिसिन्‍च्‍येते जुनी तेराला परमेश्‍वरगी छाने खाबाते मिओनगीचेन येशूला विश्‍वास खिताला स्‍यूसुङ।

शक्ति काम 15:18

ङे गोमामेकीराङ दोक खिओ सिन साबाते बात साबा च्‍योकराङ खिओ,’ सिन साबा ओतान।

शक्ति काम 18:10

च्‍यिला सासीन दि सारदु था मि काल्‍बेईकी ङाला विश्‍वास खिओ। ङा खोत्ताङराङ देत्‍क्‍यो। खोल्‍ला सुङगीङ छ्याःङ मेलेबा खिता मुथुबो,” सिन सिदुक।

रोमी 8:33

थेमे परमेश्‍वरगी छाने खाबाते मिओनला था च्‍यि सुइँदेकी दोषी ईन सिरा ङेत्‍क्‍यो? सुङगीङ थेबाला दोषी ईन सिराराङ मेङेदो। च्‍यिला सासीन परमेश्‍वरगीराङ थेबाला दोषी मेन साबा ओत।

१ कोरिन्‍थी 1:8

येशू ख्रीष्‍टकी ख्‍योकोनला तिरीसाकराङ थे खोरोङला विश्‍वास खिन देत ज्‍युत्‍क्‍यो। थोक खाला ङुरूङ प्रभु येशू ख्रीष्‍ट ग्‍युरला ओङे छोमु सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिरा मुथुबो।

गलाती 5:13

आज्‍यो न्‍वावे, ख्‍योकोन थे खोरोङ नियम अधीनला देता माफाप्‍स्‍यीत सिन परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। दोक सिरजीनमेईराङ थोक ईन्‍सीन थानी जे खासीनोङ ओङच्‍याक्‍वा सिन खेराङ सेमला लाबा लाबा माकेत। बरू ख्‍योकोनगी दाक्‍पोन नाङ ङिङज्‍ये खितरीङ खिन दोक्‍पोईकी ज्‍येनज्‍यीकला लेमु खि।

गलाती 5:22

परमेश्‍वर आत्‍मेकी खित ज्‍युता चालाच्‍योक खित्‍कान्‍ते मिलाचेन थेकी फलफूल गोन ज्‍युताच्‍योक खाला लेमु कामताङ बात खित ज्‍युत्‍क्‍यो। थोगी थोक्‍ते मिकीचेन ज्‍येनला ङिङज्‍ये खिओ, थे गा खिन देत्‍क्‍यो थेमे सेमदु ढुक्‍क खाला देत्‍क्‍यो। थोक्‍ते मि होत्ताराङ स्‍येदाङ मिक्‍किओ, थेकी ज्‍येनला दया खिओ थेमे लेमु खिओ, थेकी खिओ साबा च्‍योकराङ खिओ,

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 3:17

थेमे थेला विश्‍वास खाबेकी खित्‍सादु ख्‍योकोन सेमगी नाङ ख्रीष्‍ट देत्‍स्‍यीत सिन प्रार्थना खिओ। थेमे ख्रीष्‍ट ङुरूङला थोई ङिङज्‍ये खित्‍कान्‍ते ईन्‍दे सिन नोमुङ टोक मेज्‍येता खाला जहिलेङ ख्‍योकोनगी ज्‍येनला ङिङज्‍ये खिन देता थुप्‍स्‍यीत।

एफिसी 4:2

च्‍यि सासीन ख्‍योकोनगी नोमुङ ङा ङाराङ ईन सिराच्‍योक माकेत, गाङेताङ खा छ्येत लेमु खि, होत्ताराङ स्‍येदाङ माकेत थेमे दोक्‍पोईकी ज्‍येनज्‍यीकला ङिङज्‍ये खिन सुङताङ होपकी जोप मिक्‍किता खाला बरू सै खाला देत।

एफिसी 5:2

थेमे ख्रीष्‍टकी ङुरूङला चुक ङिङज्‍ये खाईन थे खोरोङ ज्‍यानराङ बिन्‍गीन स्‍या ओताने सिन सम्‍झे खाला काम बात जे खासीनोङ ख्‍योकोनगीङ ज्‍येनला ङिङज्‍ये खाला खि। परमेश्‍वरला भोग बिन्‍दाते स्‍येक्‍जीन खाच्‍येते ठीमा थेला मन परे खिन ओतान। ख्रीष्‍टकी ङुरूङ लाईदु ज्‍यान बिन्‍गीन स्‍याप्‍तेचेन परमेश्‍वरला मन परे खित्‍च्‍येते होथे ठीमा च्‍योक्‍ते ईन।

एफिसी 5:27

दोस्‍यिककामा मेन, थेकी थोक खाबातेचेन ङेर्मा माच्‍युम्‍बाते, छ्याःङ खुना खोटी मेताते, ताजीनोङ आउदी लेमु थोङच्‍येते बेउली च्‍योकराङ थेबाला सेम खुदुक गालाते थेमे छ्याःङ गल्‍ती मेताते मि जोला थे खोरोङ दोन्‍दु देत ज्‍युता थुप्‍स्‍यीत सिनोङ ईन।

फिलिप्‍पी 2:15

होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।

कलस्‍सी 1:22

ख्‍योकोन गोमा थोक ओता ईन्‍सीनोङ ख्रीष्‍ट मि जुनी लाकीन स्‍याप्‍की खित्‍सादु थाचेन परमेश्‍वरगी ख्‍योकोनला थे खोरोङताङ डिक च्‍युता ओत। ख्‍योकोन थे खोरोङ दोन्‍दु सेम खुदुक गालाते, छ्याःङ गल्‍ती मेताते थेमे सुङगीङ दिबा दोक दोक गल्‍ती खित्‍कान्‍ते मि ईन सिरा मुथुप्‍च्‍या गालाते मि ओङस्‍यीत सिन थेकी ख्‍योकोनला दोक खाईन थे खोरोङताङ डिक च्‍युता ओत।

कलस्‍सी 2:2

ख्‍योकोन थेमे होथेबा ज्‍येन गाङेकी आँट ङेत्‍ला दोक्‍पोईकी ज्‍येनज्‍यीकला ङिङज्‍ये खिन गाङेराङ सेमज्‍यीकराङ खाला डिक्‍ला देत्‍स्‍यीत थेमे परमेश्‍वरगी गोमा सुङलाङ छ्या स्‍ये च्‍युता मेताते बात च्‍यि ईन्‍दाका सिन ख्‍योकोन गाङेकी लेमु खाला छ्या स्‍येला पूरो खाला खोबा थुप्‍स्‍यीत सिनराङ ङा दोक दुक्‍पा खाला खाला काम खिन ओत। होथे बात लेमु खाला छ्या स्‍येच्‍या साबातेचेन ख्रीष्‍टला छ्या स्‍येच्‍येतेराङ ईन।

कलस्‍सी 3:12

परमेश्‍वरगी ख्‍योकोनला थे खोरोङ सन्‍तान सिन छाने खाईन ख्‍योकोन सेम खुदुक जोबा ओत, थेकी ख्‍योकोनला आउदी खाला ङिङज्‍ये खिओ। ख्‍योकोन बात दोक ईन्‍देकी ख्‍योकोनगी चुक चुक खिता फाप्‍कीते सासीन पीर फापा ओतातेबाला पीर माकेत सिन सिरा फाप्‍क्‍यो, ज्‍येनगी दुक्‍पाला ता फाप्‍क्‍यो, ङा ङाराङ ईन सिराच्‍योक खिता मेङगो, गाङेताङ खा छ्येत लेमु खिता फाप्‍क्‍यो, होत्ताराङ स्‍येदाङ खिता मेङगो,

१ थिस्‍सलोनिकी 3:12

थेमे ङ्योकोनगी ख्‍योकोनला झन झन ङिङज्‍ये खिताच्‍योक खाला ख्‍योकोनगीङ दाक्‍पोन नाङ थेमे ज्‍येन मि गाङेला झन झन ङिङज्‍ये खिताला प्रभु येशूकी शक्ति तेरस्‍यीत।

१ थिस्‍सलोनिकी 4:7

परमेश्‍वरगी होथोक्‍ते काम खित्‍स्‍यीत सिन मेन, ङुरूङ सेम खुदुक गाल्‍ला थोक्‍ते मेलेबाते काम सिराते छ्याःङ मिक्‍किस्‍यीत सिन ङुरूङला थे खोरोङ दोन्‍दु स्‍योक सिन काताङाते ईन।

२ तिमोथी 1:9

थेकीराङ ङुरूङला पापकी सजायदुकी टाल्‍गीन बिन्‍दा ओत। थेमे ङुरूङ सेम खुदुक गाल्‍ला मेलेबाते कामताङ बात सिराते छ्याःङ मिक्‍किस्‍यीत सिन थे खोरोङ दोन्‍दु स्‍योक सिन काताङा ओत। थेकी थोक खाबाते ङुरूङगी थेकी खि साबा साबाच्‍योक खाईन लेमु काम खाबेकी खित्‍सादु मेन, बरू थे खोरोङ दयेकी ङुरूङला थोक खिता चालेकी खित्‍सादुकामा ईन। येशू ख्रीष्‍ट छ्य्‌वापेकी ङुरूङ लाईदु दोक खिओ सिन थेकी दि सा नाम ज्‍वा भन्‍दा गोमाकाराङ टुङ्गो खाबा ओतान।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

२ तिमोथी 2:19

तर परमेश्‍वर सत्‍यते बातचेन नोमुङ माराम्‍च्‍या खाईन तिङाते खाम्‍बे जग च्‍योकराङ ईन। थे बात नोमुङ खुदुक मोन्‍डोओ। खइँदा खाम्‍बा च्‍यि लाईदु जोबाते ईन्‍दे सिन खाम्‍बे दोज्‍यीकला कोरगीन टिबाते बात च्‍योक खाईन परमेश्‍वर सत्‍यते बातला दोक दोक सिन टिबा ओत। चुक सासीन “थे खोरोङ मि सु सु ईन्‍दे सिन प्रभु परमेश्‍वरगी लेमु खाला छ्या स्‍येक्‍यो,” थेमे “प्रभु परमेश्‍वर मि ईन सिन सिरकान गाङेकी मेलेबा काम खिता तोङा फाप्‍क्‍यो,” सिन टिबा ओत।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

१ पत्रुस 1:2

थे खोरोङगी गोमामेई खिता चाला च्‍योकराङ खाईन आबा परमेश्‍वरगी ख्‍योकोनला थे खोरोङ मि सिन छाने खाबा ओत। ख्‍योकोनगी येशू ख्रीष्‍टकी खि साबा साबा ङेन्‍स्‍यीत सिन परमेश्‍वर आत्‍मेकी ख्‍योकोन सेम खुदुक जोबा ओत। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु ख्‍योकोन पाप माफ ओङा ओत। आबा परमेश्‍वरताङ प्रभु येशू ख्रीष्‍टकी ख्‍योकोनला झन झन दया खाला लेमु खिनराङ देत्‍स्‍यीत।

१ पत्रुस 1:20

दि सा नाम ज्‍वा भन्‍दा गोमाकाराङ परमेश्‍वरगी थेला मिओनला पापदुकी डेलाला छाने खाबा ओतान। थेमे ख्‍योकोनला दोक खाला लेमु खिताला थे दि जुग सिन्‍दे खाला देमा वाबाते ईन।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

२ पत्रुस 3:14

थोगी ङिङज्‍येते आज्‍यो न्‍वावे, था तिरी दोक दोक ओङगो सिन खेराङ गुकीन देता ओतेकी ख्‍योकोन छ्याःङ गल्‍ती मेताते, सुङगीङ दिबेकी दोक दोक गल्‍ती खाबा ओत सिरा मुथुप्‍च्‍या थेमे परमेश्‍वरताङ डिक्‍ला देत्‍कान्‍ते मि ओङा थुप्‍स्‍यीत सिन ख्‍योकोनगी काम बात जे खित्‍जीनोङ लेमु खित्‍च्‍ये छ्य्‌वापाकामा स्‍येत खि।

१ यूहन्‍ना 4:16

होदि बातकी छ्य्‌वापेकीराङ परमेश्‍वरगी ङुरूङला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाला छ्या स्‍येक्‍यो। परमेश्‍वरचेन ङिङज्‍ये खित्‍कान्‍ते ईन। ज्‍येनला ङिङज्‍ये खित्‍कान्‍ते मिचेन परमेश्‍वरताङ डिक्‍ला देत्‍क्‍यो थेमे थोक्‍ते मित्ताङ परमेश्‍वर ङ्योम्‍बु देत्‍क्‍यो।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 17:8

खुई थोङाते दि जन्‍तु गोमा पालोई ओतान, थाल्‍ला मेत। थे था तिरी खापान खापान तीङ ओताते डालुममेकी थेन्‍ला ओङगो। तर थेन्‍गीन वानामेकी थे सजाय ङेत्‍ला नरककुण्‍डमा ड्वा फाप्‍क्‍यो। दि सा नाम ज्‍वा भन्‍दा गोमामेकीराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्‍तुला थोङजीन छक्‍क परे खिओ। च्‍यिला सासीन थे जन्‍तु गोमा ओतान, थाल्‍ला मेत थेमे था ङीमाई याङराङ थे दुरू ओङगो।