एफिसी 1:3 - जिरेल

³ ङुरूङ प्रभु येशू ख्रीष्‍ट आबा परमेश्‍वरते जय जय खिइ। च्‍यिला सासीन ख्रीष्‍टकी खित्‍सादु थेकी स्‍वर्गनेकी थे खोरोङगी तेरच्‍येते आशी जति गाङे ङुरूङला बिन्‍दा ओत।

एफिसी 1:3 Iomraidhean Croise

लूका 2:28

थे फिजा थोङासात्तु थेकी थेला फाङदु लासुङ।

यूहन्‍ना 14:20

ङाला थोङे छोमु आबाताङ ङा दोक्‍पोईराङ दुका, ङा ख्‍योकोन सेमगी नाङ देत्‍च्‍याक्‍वा थेमे ख्‍योकोनोङ ङात्ताङ जीउज्‍यीकराङ ओङा ओताक्‍वा सिन ख्‍योकोनगी लेमु खाला छ्या स्‍येक्‍यो।

यूहन्‍ना 17:21

थेबे लाईदु ङा च्‍यिला प्रार्थना खिते सासीन दिबा गाङे सेमज्‍यीकराङ खाला डिक्‍ला देत्‍स्‍यीत। थेमे आबा खोत्ताङ ङा दोक्‍पोईराङ ईन्‍देकी दिबाबरीङ ङुरूङताङ जीउज्‍यीकराङ ओङस्‍यीत। थोक ओङनामेकी ङाला आबा खुईराङ ताङाते दुका सिन दि सा लुङबे मिओनगी पत्ते खिओ।

यूहन्‍ना 20:17

थेमे थेकी थेला “ङाला मादो। च्‍यिला सासीन ङा थोरूमोङ आबा ओत्‍साने गाला मेत। खो था दुरूकी गाल्‍ला ङे न्‍वाओनला ‘ङा था आबा ओत्‍साने डुइन ओत। थेचेन ख्‍योकोनतेङ आबा ईन। थे ङेते परमेश्‍वर ईन, थोकराङ खाला ख्‍योकोनतेङ परमेश्‍वर ईन,’ साला बिन,” सिन सिदुक।

रोमी 12:5

ङुरूङ फारगी नाङ बादोङ होदि मि जीउकी बात च्‍योकराङ ईन। ख्रीष्‍टताङ जीउज्‍यीकराङ ओङा ओतेकी ङुरूङोङ गाङेराङ जीउज्‍यीगी लाक्‍पा काम्‍बा च्‍योकराङ ईन। लाक्‍पाताङ काम्‍बेते खुदुक खुदुक काम ओता च्‍योकराङ दोक्‍पोईकी ज्‍येनज्‍यीकला लेमु खिताला ङुरूङतेङ दाक्‍पोन दाक्‍पोनते खुदुक खुदुक काम ओत।

रोमी 15:6

दोक खाईन ख्‍योकोन गाङे सेमज्‍यीकराङ खाला डिक्‍ला ख्‍योकोनगी खाज्‍यीकराङ खाला ङुरूङ प्रभु येशू ख्रीष्‍ट आबा परमेश्‍वरते जय जय खिता थुप्‍क्‍यो।

१ कोरिन्‍थी 1:30

परमेश्‍वरगी खित्‍सादुकामा ख्‍योकोन येशू ख्रीष्‍टताङ जीउज्‍यीकराङ ओङाते ईन। येशू ख्रीष्‍टला ताला परमेश्‍वर चुक बुद्धि पुरे खाला काम खित्‍कान्‍ते ईन्‍दे सिन छ्या स्‍येक्‍यो। च्‍यि सासीन ख्रीष्‍टकी खित्‍सादु परमेश्‍वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।

१ कोरिन्‍थी 12:12

दि बात विचार खि। च्‍यि सासीन मि जीउला लाक्‍पा, काम्‍बा, मिक, नामज्‍योक, नोउ जेसुकै ओङगो। लाक्‍पा, काम्‍बा, मिकतेबा ताजीन खुदुक खुदुकतेन्‍दे ओत्‍सीनोङ गाङे जीउज्‍यीक्‍तेराङ ईन। ख्रीष्‍टकी मि ङुरूङ फारगी नाङ बादोङ होथोकराङ ईन।

२ कोरिन्‍थी 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। मिओनला ङिङज्‍ये खित्‍कान्‍ते थेमे दुक्‍पे बेलाला आँट तेरकान्‍ते थेराङ ईन।

२ कोरिन्‍थी 11:31

ङे ढाँर मिक्‍किओ सिन परमेश्‍वरला छ्या ओत। थेचेन प्रभु येशू आबा थेमे परमेश्‍वर ईन। थेते सधैँभरि जय जय ओङस्‍यीत।

२ कोरिन्‍थी 5:17

च्‍यिला सासीन ख्रीष्‍टताङ जीउज्‍यीकराङ ओङाते मिचेन साम्‍बाते जुनी ङेताते मि ईन। थोगी गोमे बात तोरगीन था थे मिकी गोमा च्‍योक दाक्‍पोन खुशी मिक्‍किता खाला परमेश्‍वरगी खि साबा साबाच्‍योक खिओ।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 3:9

थोगी अब्राहामगी च्‍योकराङ खाला थेला विश्‍वास खित्‍कान्‍ते मि गाङेला परमेश्‍वरगी अब्राहामला च्‍योकराङ खाला आशी तेरग्‍यो।

एफिसी 1:10

थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्‍ट छ्य्‌वापेकी खिओ सिन थे खोरोङगी खिता चालाते काम थेकी खासुङ। दि काम च्‍यि ईन्‍दे सासीन स्‍वर्गने ओताते ईन्‍स्‍यीत, पृथ्‍वीदु ओताते ईन्‍स्‍यीत, जो ईन्‍सीनोङ जे ईन्‍सीनोङ गाङेला येशू ख्रीष्‍ट छ्य्‌वापेकी डिक्‍पा खाला थे अधीनलाराङ ज्‍य्‌वाच्‍येते ईन।

एफिसी 1:17

ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

एफिसी 1:20

ख्रीष्‍टला स्‍यिसादुकी सोम्‍बो लोगीन स्‍वर्गने थे खोरोङ सामे छ्य्‌वापा ज्‍याक्‍पा ओत।

एफिसी 2:6

थेमे येशू ख्रीष्‍टला स्‍यिसादुकी सोम्‍बो लोक्‍जीन परमेश्‍वरगी ङुरूङलाङ थेत्ताङराङ सोम्‍बो लोगीन स्‍वर्गने थेत्ताङ ङ्योम्‍बुराङ देताला ज्‍याक्‍पा ओत।

एफिसी 3:10

थाचेन गाङेपा जम्‍मा ओङकान्‍ते येशू ख्रीष्‍ट मिओनला ताला थे खोरोङगी थेबे लाईदु खाबाते कामतेबा चुक आउदी बुद्धि पुरे खाईन खाबाते ईन्‍दे सिन परमेश्‍वरगी स्‍वर्गने ओताते छ्ये टेक्‍टे थे खोरोङ दूत गाङेला छ्या स्‍ये च्‍युत्‍कीन बिन्‍सुङ।

एफिसी 6:12

च्‍यि सासीन ङुरूङ जीङा फाप्‍च्‍येते मित्ताङ मेन। ङुरूङनी दि सा नाम खाङ ओताते ल्‍हा लु, ल्‍हन्‍डीक स्‍यिन्‍डीप थेमे होदिबा च्‍योकराङ शैतानताङ डिक्‍ला दि कलि जुगला राज्‍य खित्‍कान गाङेताङ जीङच्‍येते ईन।

फिलिप्‍पी 2:11

थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

हिब्रू 8:5

दुरू पूजारीओनगी काम खित्‍च्‍येते ठाउँनी स्‍वर्गने ओताते ठाउँकी नक्‍कलकामा ईन। थोगीराङ मोशेकी परमेश्‍वरला देताला सिन पाल जोजीन परमेश्‍वरगी थेला “खुई ङा देत्‍च्‍येते पाल जोजीन गाङे ङे खोल्‍ला सीनै बोमदु तेन्‍गीन बिन्‍दा ओता च्‍योकराङ खाला जो,” सिन साबा ओतान।

हिब्रू 9:23

थोगीराङ परमेश्‍वरला देताला सिन जोबाते पालचेन स्‍वर्गने ओतातेते नक्‍कलकामा ईन्‍देकी होथोक खाला ठाक थोरला चोके खिता फाप्‍कीन ओतान। तर स्‍वर्गने बात दोक मेन। दुरू पाल चोके खाबाच्‍योक मेन्‍देकी थेने चोके खितालाचेन दुरू जोबाते पालदु तेरच्‍येते भन्‍दा खुदुकराङ छ्येज्‍यीक भोग तेरा फाप्‍च्‍या ओतान।

१ पत्रुस 1:3

ङुरूङ प्रभु येशू ख्रीष्‍ट आबा परमेश्‍वरते जय जय खिइ। थेकी ङुरूङला आउदी ङिङज्‍ये खाईन लोक्‍ला केर ज्‍युताच्‍योक खाईन साम्‍बाते जुनी बिन्‍सुङ। थेकी येशू ख्रीष्‍टला स्‍यिसादुकी सोम्‍बो लोक्‍पा ओतेकी थेकी खिओ साबाच्‍योक पक्‍काराङ खिओ सिन ङुरूङ आश खाईन गुकीन देताते बात नोमुङ फरक परे मिक्‍किओ।