एफिसी 1:23 - जिरेल23 थेमे थे मिओनचेन थे जीउ च्योक ओङसुङ। थे खोरोङ मिओनला गोच्येते जति तेरकान्ते थेमे सा नाम खाङ खापा चुक ओङा फाप्च्येते ईन्दे थोकराङ ओङ च्युत्ला गाङेपा गाङेला राज्य खित्कान्तेङ ख्रीष्टराङ ईन। Faic an caibideil |
एफिसी 1:23
19 Iomraidhean Croise
थेमे मिकी जति बुद्धि खिये खासीनोङ खोबा मुथुप्च्या खाला ख्रीष्टकी ङुरूङला चुक ङिङज्ये खिते सिन ख्योकोनगी खोबा थुप्स्यीत सिनोङ ङा प्रार्थना खिओ। परमेश्वरगी ख्योकोनला थे खोरोङ बुद्धि थेमे शक्ति बिन्ला थे खोरोङ च्योकराङ लेमु ओङाला गोच्येते जति तेरस्यीत सिनराङ ङा ख्योकोन लाईदु दोक दोक खाला प्रार्थना खिओ।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
ङुरूङ गाङेकी थोक खिन डोजीन थेला विश्वास खाईन ङेन्दाते बातला ङुरूङ झन डिगीन डुइओ थेमे परमेश्वर फुज्युङ चुक्ते ईन्दे, च्यि खिते सिन झन लेमु खाला छ्या स्येला ङुरूङ गाङेराङ सेमज्यीकराङ खाला काम खित्कान ओङगो। दोक खाला ख्रीष्टकी ङुरूङ नाङ खिता चालाते काम पूरो ओङला ङुरूङ थेकी ज्वा चाला च्योकराङ पाको ओङगो।
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
थोक्ते मिचेन ख्रीष्टताङ ठाल्गीन सिन्दाते मि ईन। मि जीउकी गोः च्योकराङ थे खोरोङ मिओनते छ्येते ख्रीष्टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्सीनकामा मि जीउ छारग्यो। थोकराङ खाला ख्रीष्टकीकामा थे खोरोङ मि गाङेला डिक च्युत्ला परमेश्वरगी चुक ओङा फाप्क्यो सिन साबाते ईन्दे पूरो खाला थोकराङ ओङ ज्युत्क्यो।
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
ख्रीष्टकी ख्योकोनला सेम ढुक्क खाला देत ज्युत्च्येते ईन्देकी ख्योकोन सेमज्यीकराङ खाला डिक्ला थुन्ला देत। ख्योकोन जीउज्यीकराङ ओङाते गाङेराङ डिक्ला थुन्ला देत्स्यीत सिनराङ परमेश्वरगी ख्योकोनला थे खोरोङ दोन्दु स्योक सिन काताङाते ईन। परमेश्वरगी खाबाते गाङे कामगी लाईदु ख्योकोनगी थेला धन्यवाद बिन।
Sanasan